Pwärätä 20:3 - Chuukese Bible

³ Iwe, ewe chon läng a aturalong i lon ewe pwang mi alolol, a lokeela o pwauni, pwe esap chüen tongeni tufichin atupu chon ekewe mwü tori ekewe engeröü ier repwe sopola. Mürin ei, ewe trakon epwe fokun musala lon ekis chök fansoun mochomoch.

Pwärätä 20:3 Iomraidhean Croise

Kölfel 90:4

Pun engeröü ier ra usun chök eu rän me reöm, ra usun chök ewe rän näneu a fen la, ika usun chök eu leülüngatin eu pwin.

Taniel 6:17

Mürin ra uwato eföü fau o pine ngeni ewe pwangen laion, nge ewe king a impwangei ren nöün ringen impwang pwal ren än nöün kewe samollap ringen impwang, pwe esap wor och mine a pwüngüla usun Taniel epwe siwil.

Mateus 24:24

Pun kraist chofona me soufos chofona repwe war o föri asisil me manaman mi lapalap, pwe repwe mwo nge atupu ekewe chon fil are repwe tongeni.

Mateus 27:66

Iei mine ra feila o pwauni won ewe fau, ra pwal likitätiu ekewe sounfiu pwe repwe mamasa.

Markus 4:15

Ekoch aramas ra wewe ngeni ekewe pwükil ra mworotiu lepekin al. Lupwen ra rongorong kapasen Kot, Satan a müttir feito o angei seni lon leluker ewe kapas.

Lukas 8:31

Iwe, ekewe anün rochopwak ra tüngor ngeni Jesus, pwe esap asürela lon ewe leni mi fokun alolol.

2. Korint 11:3

Nge ngang üa niuokus pwe usun ewe serepenit a atupu Efa ren an tipachemsolä, iei usun ämi ekiek epwe tokola seni ämi enletin echeni Kraist fän allükülük.

2. Petrus 3:8

Ämi chiechiei mi achengicheng, ousap manlükala ei mettoch! Esap wor sokofesenin eu rän me engeröü ier me ren ewe Samol, eu rän me engeröü ier ra wewefengen me ren.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 13:14

Ren ekei manaman a mwümwütä ngeni pwe epwe föri mwen mesen ewe aemanün manmwacho, a atupu ekewe aramas meinisin mi nom won fanüfan. Ewe manmwacho a üreni ekewe aramas, pwe repwe aüetä eu uluulun fän iten ewe manmwacho, ewe a fen kinas ren ewe ketilas, nge a chüen manau.

Pwärätä 17:2

Ekewe kingen fanüfan ra föri föförün lisowu ngeni o ekewe aramasen fanüfan ra puchula ren ar ün ünümen neminewe we wainen lisowu.”

Pwärätä 17:8

Ewe manmwacho ka küna a manau me lom, nge iei esap chüen manau, epwele feitä seni lon ewe pwang mi alolol pwe epwe tolong lon feiengauen pöütmwälila. Ekewe aramas mi nom won fanüfan iter esap mak lon ewe puken iten chon manau me mwen än Kot esamwo föri fanüfan, ir meinisin repwe mairü lupwen repwe nenengeni ewe manmwacho, pun a manau me lom o iei esap chüen manau, nge epwe pwal pwäsefäl.

Pwärätä 20:1

Mürin üa küna eman chon läng a feitiu seni läng, nge a amwöchü lepöün efoch kien ewe pwang mi alolol, pwal efoch selimächä mi fokun chou.