Pwärätä 20:12 - Chuukese Bible

¹² Iwe, üa küna ekewe mi mäla, ekewe aramas tekia me aramas kis, ra ütä me mwen ewe lenien motun king. Iwe, ekewe puk ra sukula. Mürin pwal eu puk a sukula, iei ewe puken iten chon manau. Iwe, ekewe mi mäla ra küna kapwüng won mine ra föri usun a makketiu lon ekewe puk.

Pwärätä 20:12 Iomraidhean Croise

Kölfel 28:4

Kopwe ngeniir chappen ar föför me ükükün liwinin ar föföringau. Kopwe ngeniir chappen angangen pöür o liwini ngeniir mine a fichitiir.

Kölfel 62:12

Pwal en chök, ai Samol, ka eäni tong ellet. Ellet ka liwini ngeni aramas ükükün ar föför.

Kölfel 69:28

Kopwe amoela iter seni ewe puken manau, nge kosap makelong iter lein chon pwüng.

Än Salomon Fos 24:12

Are ka apasa pwe kosap silei usun ei lapalap, ifa usun, ewe mi atittina leluken aramas esap küna? Ifa usun, ewe mi mamasok esap silei? I epwe liwini ngeni eman me eman aramas ükükün liwinin an föför.

Än Salomon Fos 24:29

Kosap apasa, “Ngang üpwe föri ngeni ewe aramas usun mine a föri ngeniei. Üpwe liwini ngeni won ükükün mine a föri ngeniei.”

Än Salomon Afalafal 12:14

Nge Kot epwe apwüngü föför meinisin, pwal iteiten föför mi fis lemonomon, ika a mürina ika a ngau.

Jeremaia 17:10

Ngang ewe Samol mi Lapalap üa atittina ekiekin aramas o sotuni leluker, pwe üpwe ngeni iteiten eman me eman aükükün lapalapen manauan me uän an föför.”

Jeremaia 32:19

Om öüröür a tekia, om föför ra manaman. Ka küna meinisin mine aramas ra föri, ka liwini ngeni eman me eman ükükün an föför.

Taniel 7:10

Iwe, eu ekkei mi watte a ngetewu seni, ngeröün chon angang ra angang ngeni, nge eu mwichen millionun aramas ra ütä mwan. Iwe, ekewe souapwüng ra mottiu o suki puk kana pwe repwe eäni kapwüng.

Mateus 11:22

Iwe, ngang üpwe fokun ürenikemi, pwe lon ewe ränin apwüng epwe kisikis feiengauen Tirus me Siton seni ämi feiengau.

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Lukas 10:20

Nge ousap pwapwa pwe ekewe ngününgau ra aleasochisikemi, nge oupwe pwapwa pwe itemi a mak lon läng.”

Föför 24:15

Üa pwal apilükülük lon ewe Kot ir ra pwal apilükülük ngeni, pwe aramas meinisin, ekewe chon pwüng me ekewe aramas mi ngau, repwe manausefäl seni mäla.

Nöün Paulus Toropwe ngeni ekewe Souläng lon Rom 2:6

Pun Kot epwe liwini ngeni aramas meinisin liwinin ar föför.

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

2. Korint 5:10

Pun kich meinisin sipwe ütä me mwen Kraist, pwe i epwe apwüngükich. Eman me eman epwe angei en me liwinin an föför a föri lon manauan, liwinin föför mürina, ika liwinin föför mi ngau.

Filipi 4:3

Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

Pwärätä 11:18

Ekewe chon lükün Israel ra fokun song, pun om lingeringer a war, ewe fansoun ekewe mi mäla repwe küna kapwüng. A war ewe fansoun om kopwe liwiniöchü ngeni noumw kewe chon angang ekewe soufos, me noumw kewe chon pin, pwal chokewe meinisin mi meninituk, ekewe aramas tekia me ekewe aramas kis. A war ewe fansoun om kopwe afeiengaua chokewe mi afeiengaua fanüfan.”

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.

Pwärätä 17:8

Ewe manmwacho ka küna a manau me lom, nge iei esap chüen manau, epwele feitä seni lon ewe pwang mi alolol pwe epwe tolong lon feiengauen pöütmwälila. Ekewe aramas mi nom won fanüfan iter esap mak lon ewe puken iten chon manau me mwen än Kot esamwo föri fanüfan, ir meinisin repwe mairü lupwen repwe nenengeni ewe manmwacho, pun a manau me lom o iei esap chüen manau, nge epwe pwal pwäsefäl.

Pwärätä 19:5

Mürin mwelien eman a feito seni ewe lenien motun king, a apasa, “Ousipwe mwareiti ach Kot, ämi chon angang meinisin, ämi aramas meinisin, ämi aramas tekia me aramas kis meinisin mi meniniti Kot!”

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.

Pwärätä 20:11

Mürin üa küna eu lenien motun king mi watte o pwechepwech me ewe eman mi mot won. Fanüfan me läng ra süla seni mwen mesan, nge esap chüen wor leni fän iter.

Pwärätä 20:13

Mürin ewe matau a fangewu ekewe mi mäla ra nom lon, pwal mäla me ewe lenien sotup ra fangewu ekewe mi mäla ra nom lor. Iwe, ir meinisin ra küna kapwüng won meinisin mine ra föri.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.

Pwärätä 21:27

Nge esap fokun wor och mi limengau epwe tolong lon ewe telinimw, ika eman mi föri föför mi asäw, ika eman mi chofona. Pun chokewe chök a mak iter lon än ewe Lam puken iten chon manau repwe tolong lon ewe telinimw.

Pwärätä 22:12

Iei alon Jesus, “Nengeni, üpwe warekai! Iwe, üpwe uwei ai kewe liwin, pwe üpwe ngeni eman me eman liwinin an föför.

Pwärätä 3:5

Iö mi pwora ngeni mine a ngau epwe üföüf ei sokun üf mi pwechepwech, iwe, üsap amola itan seni ewe puken iten chon manau. Nge üpwe pwärätä pwe i nei mwen mesen Semei, pwal mwen mesen nöün kewe chon läng.