Pwärätä 20:1 - Chuukese Bible

¹ Mürin üa küna eman chon läng a feitiu seni läng, nge a amwöchü lepöün efoch kien ewe pwang mi alolol, pwal efoch selimächä mi fokun chou.

Pwärätä 20:1 Iomraidhean Croise

Lukas 8:31

Iwe, ekewe anün rochopwak ra tüngor ngeni Jesus, pwe esap asürela lon ewe leni mi fokun alolol.

2. Petrus 2:4

Pun Kot esap achika ekewe chon läng mi tipis, nge a atururelong lon hell, ewe ia ra fötek ie lon rochokichin rochopwak o witiwiti ewe Ränin Kapwüng.

Jutas 1:6

Oupwe chechemeni ekewe chon läng resap menemenöch ren wiser, nge ra likitala wesewesen lenier. Ra föfö ngeni sein esap tongeni mwü lon ewe rochokich mi nom fan, ia Kot a fötekiniirelong ie tori ewe Rän mi lap i epwe apwüngüür lon.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 10:1

Mürin üa küna pwal eman chon läng mi pöchökül, a feitiu seni läng. A pwölüpwölüla ren eu kuchu o eu resim a pwäli won möküran. Won mesan a usun chök akkar, nge pechen kana ra usun chök üreekkei.

Pwärätä 18:1

Mürin ei, üa küna pwal eman chon läng a feitiu seni läng, a eäni watten manaman, o ren lingan a asaramala unusen fanüfan.

Pwärätä 20:3

Iwe, ewe chon läng a aturalong i lon ewe pwang mi alolol, a lokeela o pwauni, pwe esap chüen tongeni tufichin atupu chon ekewe mwü tori ekewe engeröü ier repwe sopola. Mürin ei, ewe trakon epwe fokun musala lon ekis chök fansoun mochomoch.