Pwärätä 2:8 - Chuukese Bible

⁸ “Kopwe makkei ngeni ewe chon künöön ewe mwichefel lon Smirna: Iei alon ewe Aemanün me ewe Amüchülan, ewe mi mäla o manausefäl.

Pwärätä 2:8 Iomraidhean Croise

Aisea 44:6

Iei alon ewe Samol mi Lapalap, ewe Kingen Israel me an Chon Amanau, ewe Samol mi Unusen Manaman, “Ngang chök Kot ewe Aemanün me Amüchülan, esap wor eman Kot lüki.

Aisea 48:12

Iwe, ewe Samol mi Lapalap a apasa, “Oupwe aüselingaei, ämi chon Israel, ämi ewe mwichen aramas üa körikemi. Ngang chök Kot, ngang Aemanün me Amüchülan.

Nöün Paulus Toropwe ngeni ekewe Souläng lon Rom 14:9

Pun Kraist a mäla o manausefäl pwe epwe samoluni ekewe chon manau me ekewe chon mäla.

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.

Pwärätä 2:1

“Kopwe makkei ngeni ewe chon künöön ewe mwichefel lon Efisos: Iei alon ewe eman mi amwöchü ekewe füföü fü lon pöüifichin, ewe mi fetal lein ekewe fisu lenien atittin seni kolt.

Pwärätä 22:13

Ngang ewe Alfa me Omeka, ewe Aemanün me Amüchülan, ewe Popun me ewe Sopolan.”