Pwärätä 2:7 - Chuukese Bible

⁷ Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe mwütätä pwe epwe mongö seni ewe irän manau mi nom lon än Kot we tanipi.”

Pwärätä 2:7 Iomraidhean Croise

Keneses 2:9

Iwe, seni lon ewe pwül Kot ewe Samol mi Lapalap a amärätä sokun irä meinisin mi apwapwai aramas le katol o mürina le mongö. Nge lukalapen ewe tanipi a amärätä ewe irän manau, pwal ewe irän silei öch me ngau.

Än Salomon Fos 11:30

Pwüng a aworato manau, nge pwüngingau a angeala manau.

Än Salomon Fos 13:12

Are än eman apilükülük a mang le pwönüetä, i epwe letipengau, nge are än eman mochen a pwönüetä, iei apöchökülen manauan.

Än Salomon Fos 15:4

Kapas pwetete ra atoto manau, nge kapas pöchökül ra atai letipen aramas.

Än Salomon Fos 3:18

Tipachem epwe aworato manau ngeni chokewe mi kamwöch won, nge chokewe mi fitipacheiti ra pwapwa.

Isikiel 28:13

Ka nom lon Eten ewe tanipin Kot. Ka fout ngeni sokopaten fau aüchea iter karnelian, topas, jaspis, kirisolait, peril, oniks, safaia, karpungkel me emeralt. Mi wor om fout seni kolt, ra för fän itom lon ewe rän Kot a föruk.

Isikiel 31:8

Ekewe setar lon tanipin Kot resap mürina seni, ekewe palen saipires resap wewe ngeni palan, fasaren ekewe irä plein resap pwal wewe ngeni fasaran. Ewer, esap wor efoch irä lon ewe tanipin Kot a wewe ngeni lingan.

Mateus 11:15

Iö a wor selingan epwe rongorong.

Mateus 13:43

Mürin ekewe chon pwüng repwe tittin usun akkar lon Mwün Semer. Iö a wor selingan epwe rongorong!

Mateus 13:9

Mürin Jesus a sopwela le üreniir, “Iö a wor selingan epwe rongorong!”

Markus 4:9

Iwe, Jesus a apasa, “Iö a wor selingan epwe rongorong!”

Markus 7:15

Esap wor och mine a tolong lon awen eman aramas seni me lükün a tongeni alimengaua. Nge met mi towu seni lon awen eman aramas, ina mine a alimengaua.

Markus 7:16

[Iö a wor selingan epwe rongorong.]”

Lukas 23:43

Iwe, Jesus a pölüeni, “Enlet, üpwe ürenuk, ikenai kopwe etiei lon Paratis.”

Lukas 8:8

Nge ekoch föün ra mworotiu lon pwül mi mürina. Ekewe irä ra märitä o fokun ua, efoch me efoch a uani ipükü.” Mürin Jesus a sopwela le apasa, “Iö a wor selingan epwe rongorong.”

Johannes 16:33

Ngang üa fen ürenikemi usun ekei mettoch, pwe oupwe eäni kinamwe loi. Lon fanüfan ämi oupwe riaföü, nge oupwe apilükülük, pun ngang üa akufu fanüfan.”

1. Korint 2:10

Nge Kot a pwäri ngenikich ei monomon ren Ngünün we. Pun Ngünün we a atittina mettoch meinisin, pwal mwo nge ekewe ekiekin Kot mi alolol.

2. Korint 12:4

Ikenan a rongorong sokun kapas esap wor eman a tongeni apasatä, esap mwümwü ngeni eman an epwe kapas usun.

1. Johannes 2:13

Üa mak ngenikemi samasam kana, pun oua silei ewe mi nonom seni me lepoputän. Üa mak ngenikemi alüal, pun oua akufu ewe Eman mi Ngau.

Pwärätä 13:9

Are a wor selingen eman epwe rongorong:

Pwärätä 14:13

Mürin üa rongorong eu möngüngü seni läng a apasa, “Kopwe makkei ei: Ra feiöch chokewe mi mäla lon ar lükü ach Samol seni ikenai!” Ewe Ngünmifel a pölüeni, “Ewer, repwe asösö seni ar angang weires, pun ar föför mürina a etiir.”

Pwärätä 15:2

Mürin üa küna och mi usun chök eu matauen kilas mi nofitfengen me ekkei. Üa pwal küna chokewe mi akufu ewe manmwacho me uluulun we, ra pwal akufu ewe eman itan a iteit lon nampa. Ra ütä ünükün ewe matauen kilas o ra amwöchü ekewe kitar Kot a ngeniir.

Pwärätä 2:11

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau esap küna feiengau ren ewe aruen mäla.”

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”

Pwärätä 21:7

Iö mi pwora ngeni mine a ngau epwe feiöchüni ekewe feiöch meinisin. Iwe, ngang üpwe an Kot, nge i epwe nei.

Pwärätä 22:14

Ra feiöch chokewe mi limeti üfer pwe repwe limöch, pwe epwe wor ar pwüüng ar repwe mongö seni uän ewe irän manau, repwe pwal tolong lon ekewe asamalap o tolong lon ewe telinimw.

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.

Pwärätä 22:2

o a putiu lukalapen alen ewe telinimw. Iwe, lepekin ewe chanpupu me rüepek a wor irän manau ra ua fän engol me ruu lon eu ier, fän eu lon eu me eu maram, chör kewe ra tufichin apöchöküla chon ekewe mwü.