Pwärätä 2:5 - Chuukese Bible

⁵ Kopwe chechemeni ia ka tur me ie, kopwe aier seni om tipis o föri ekewe föför ka föri me lepoputän. Nge are kosap aier seni om tipis, üpwe feito reöm o angei senuk om we lenien atittin seni lenian.

Pwärätä 2:5 Iomraidhean Croise

Aisea 1:26

Iwe, üpwe atosefälielong ämi souapwüng me souemwen lon wiser usun chök ätekewe me lom. Mürin, Jerusalem epwe iteni eu telinimw mi pwüngüöch me allükülük.”

Aisea 14:12

Ka fokun turutiu seni läng, en Fü Rän, Nöün Mallen Rän! Ka turutiu won fanüfan o tatakis lepwül, en ewe mi atekisonätiu mwü me lom.

Isikiel 20:43

Ikenan oupwe chechemeni ämi kewe föför meinisin oua alimengauakemi ren. Oupwe püsin anioputakemi ren ekewe föföringau meinisin oua föriir.

Isikiel 36:31

Mürin oupwe chechemeni ämi lapalapangau me ämi föföringau, nge oupwe püsin anioputakemi pokiten ämi tipis me ämi föför mi anioput.

Osea 14:1

Ämi chon Israel, oupwe liwiniti ewe Samol mi Lapalap ämi we Kot. Oua chepetek o turula pokiten ämi kewe tipis.

Osea 9:10

Iwe, ewe Samol mi Lapalap a üra, “Lupwen üa küna Israel me lom, a usun chök ai küna föün irän wain lon fanüapö. Lupwen üa küna ämi kewe lewo, a usun chök ai küna mwen uän ewe irä fik. Nge lupwen ra tori Paal-peor, ra popuetä le fel ngeni ewe anü Paal o wiliti och minen anioput usun chök ekewe anümwäl ra echeni.

Malakai 3:4

Mürin, än chon Juta me Jerusalem asor epwe apwapwai ewe Samol mi Lapalap usun me lom lon ekewe ier ra la.

Malakai 4:6

Epwe akulu leluken ekewe sam ngeni nöür kewe, nge leluken ekewe nau ngeni semer kewe. Nge ika esap fis ei, üpwe feito o ataela ewe fanü ren eu anümamau.”

Mateus 5:14

Ämi saramen fanüfan. Eu telinimw a nom won eu chuk esap tongeni monola.

Mateus 5:15

Esap wor eman aramas a keni eu lamp o a anomu fän eu sepi, nge epwe isetä won lenian, pwe epwe asarama chon ewe imw meinisin.

Markus 12:9

Mürin Jesus a ais, “Met ewe mine an ewe tanipin wain epwe föri? Epwe feito o niela ekei chon mälämäl, nge epwe ngeni pwal ekoch chon mälämäl an we tanipin wain.

Lukas 1:17

I epwe akom mwen ewe Samol lon tufichin ewe Ngün me ewe manaman mi nom ren Elias. Epwe akulu leluken ekewe sam ngeni nöür o akulusefäli letipen ekewe aramas mi lükümach, pwe repwe eäni ekiekin ekewe chon pwüng. Pun epwe amolätä fän iten ewe Samol eu mwichen aramas mi amolöch.”

Lukas 20:16

Epwe feito o niela ekei chon mälämäl, nge epwe ngeni pwal ekoch chon mälämäl an we tanipin wain.” Lupwen ekewe aramas ra rongorong ei pworaus, ra apasa, “Apw, sap ina!”

Kalatia 5:4

Iwe, chokewe me leimi mi sotuni ar repwe küna pwüng me ren Kot ren ar aleasochisi ekewe Allük, ra püsin aimwürela seni Kraist. Iwe, ir ra nonom lükün än Kot ümöümöch.

Filipi 2:15

pwe esap wor och mi mwäl lon manauemi, nge oupwe limöch usun nöün Kot kana mi unusöch ra nonom won ei fanüfan mi ur ren aramas mi kirikiringau me tipis. Oupwe fokun tittin lefiler usun ekewe fü ra tittin fän läng,

Ipru 10:32

Oupwe chechemeni mine a fis ngenikemi me lom. Lon ekewe rän, mürin än Kot saram a tin lomi, oua küna chomong sokun riaföü, nge ousap kuf lon ekewe weires oua tolong lon.

2. Petrus 3:17

Iwe, ämi chiechiei mi achengicheng, oua fen silei ei. Iei mine oupwe mamasakemi, pwe ousap tokola ren ekewe afalafal mi mwäl än ekewe aramas mi ngau, ousap pwal tur seni leniemi mi nükünük.

Jutas 1:24

Iwe, ngeni i, ewe mi tongeni amwöchükemi pwe ousap tur lon tipis, a pwal tongeni aükemiitä, pwe oupwe unusen limöch o uren pwapwa me mwen an we ling,

Pwärätä 1:20

Iei wewen ewe monomonen ekewe füföü fü ka küna me lon pöüifichi, pwal wewen ekewe fisu lenien atittin seni kolt: ekewe füföü fü, ir ekewe chon künöön ekewe fisu mwichefel, nge ekewe fisu lenien atittin, ir ekewe fisu mwichefel.

Pwärätä 16:9

Ra kar ren watten pwichikaran, iwe, ra otteki iten Kot, ewe mi wor an nemenem won ekei feiengau. Nge resap mochen aier seni ar tipis o alinga Kot.

Pwärätä 2:16

Iei kopwe aier seni om tipis! Are kosap aier üpwe müttir feito reöm o fiu ngeni ekewe aramas ren ewe ketilas mi itiwu seni lon awei.

Pwärätä 2:19

Üa silei om kewe föför. Üa silei om eäni chen, om allükülük, om angang me om mosonotam. Üa silei pwe mine ka föri iei a lapala seni mine ka föri me lepoputän.

Pwärätä 2:2

Üa silei om kewe föför, om angang weires me om likitü fän mosonotam. Üa silei pwe kosap etiwa ekewe aramasangau. Ka sotuni chokewe mi apasa pwe ir soukünö, nge sap ir soukünö, iwe, ka mefi pwe ir chon chofona.

Pwärätä 3:19

Üa apwüngü o amiriti chokewe meinisin üa tongeer. Iei mine kopwe achocho o aier seni om tipis.