Pwärätä 2:3 - Chuukese Bible

³ Ka likitü fän mosonotam, ka tolong lon riaföü fän itei, nge kosap fangatä.

Pwärätä 2:3 Iomraidhean Croise

Kölfel 37:7

Kopwe fanafanala me fän mesen ewe Samol mi Lapalap o likitü le witiwiti i. Kosap achouuk ren ekewe aramas mi pisekisekila, pwal ren chokewe mi afisätä ar rawangau.

Kölfel 69:7

Pun üa itengau fän itom, nge säw a pwölüeila.

Mika 7:9

Pokiten üa tipis ngeni ewe Samol mi Lapalap, üpwe mwärelong fän an song tori epwe peniei o pwärawu ai pwüng. Epwe emwenieiwu ngeni saram pwe üpwe küna an angasaei.

Markus 15:21

Iwe, lupwen ar feila won ewe al, ra churi eman mwän itan Simon seni Kirene, a feito seni lemäl pwe epwe tolong lon ewe telinimw. Ekewe sounfiu ra echimwa ngeni an epwe mwärei än Jesus iräpenges. Simon semen Aleksanter me Rufus.

Lukas 14:27

Iö esap mwärei püsin an iräpenges o tapweto müri, esap tongeni nei chon kaiö.

Lukas 18:1

Mürin Jesus a apworausa ngeni nöün kewe chon kaiö eu pworausen awewe, pwe a mochen aiti ngeniir usun ar repwe iotek fansoun meinisin, nge resap achanü.

Lukas 21:19

Ren ämi likitü oupwe püsin amanauakemi.

Lukas 5:5

Simon a pölüeni, “Ai samol, äm aia weires le attau lon unusen ewe pwin, nge aisap liap. Nge fän alom üpwe aturätiu ekewe chew.”

Lukas 8:15

Nge ekewe pwükil mi mworotiu lon pwül mi mürina ra wewe ngeni chokewe mi rongorong kapasen Kot o amwöchü lon eu leluk mi mürina o aleasochis, ra likitü tori ra ua.

Johannes 15:21

Repwe föri ngenikemi ekei mettoch meinisin, pokiten ämi nei. Pun resap silei ewe mi tinieito.

Nöün Paulus Toropwe ngeni ekewe Souläng lon Rom 12:12

Oupwe pwapwa lon ämi apilükülüköch, oupwe mosonotam lon ämi riaföü, oupwe iotek fansoun meinisin.

Nöün Paulus Toropwe ngeni ekewe Souläng lon Rom 16:12

Ai kapong ngeni Trifana me Trifosa, ir mi angang ngeni ach Samol, pwal ai kapong ngeni fefinei mi achengicheng Persis, neminewe mi fokun angang weires fän iten ach Samol.

Nöün Paulus Toropwe ngeni ekewe Souläng lon Rom 2:7

Ekoch aramas ra likitü lon ar föför mürina, ra kütta ling me iteüöch me ewe manau esap müchüla. Iwe, Kot epwe ngeniir manau esemüch.

Nöün Paulus Toropwe ngeni ekewe Souläng lon Rom 8:25

Nge are sia apilükülükü mine sisap küna mwo, sia witiwit ngeni fän likitü.

1. Korint 13:7

Chen a engila fän mettoch meinisin, a lükü meinisin, a apilüküni meinisin, a tipeppos fän mettoch meinisin.

1. Korint 16:16

pwe oupwe aleasochis ngeni ekei sokun aramas usun ir, pwal ngeni chokewe mi etiir le angang o angang weires.

2. Korint 10:15

Iei mine aisap aingaing won ewe angang ekewe ekoch aramas ra föri mi lu seni ewe aükük Kot a awisa ngenikem. Nge aia apilükülüköch pwe ämi lükü epwe mämäritä, pwe aipwe tongeni föri lefilemi eu angang mi fokun watte, nge aipwe chök föri lon ewe aükük Kot a awisa ngenikem.

2. Korint 11:23

Ra apasa pwe ir nöün Kraist chon angang. Üa aloni alon eman mi umwes, ngang eman nöün Kraist chon angang mi mürina seniir! Üa fokun angang weires lap seniir, üa nom lon imwen fötek lap seniir, üa angei wichiwich lap seniir, üa arap ngeni ar repwe nieila lap seniir.

2. Korint 4:1

Iwe, pokiten än Kot tong a atolongakem lon ei angang, iei mine aisap apilükingau.

2. Korint 4:16

Iei mine sisap apilükingau. Inamwo ika inisich a apwangapwangala o mäla, nge manauen ngünüch a söföla rän me rän.

2. Korint 5:9

Iei mine sia fokun mochen apwapwai i, ese lifilifil ika sia nom lon inisich me ikei, ika lon inisich me läng.

2. Korint 6:5

Ra wichikem, ra aturukeemilong lon imwen fötek, ra afitikoko ngenikem. Äm aia fokun angang weires, fän ekoch esap wor fansoun äm möür, aia pwal echik.

Kalatia 6:2

Oupwe mwärelong fän wosen chiechiemi wosochou, ika oupwe föri ei, oupwe aleasochisi än Kraist allük.

Kalatia 6:9

Iwe, sisap achanü le föföri mine a mürina. Pun are sisap achanü, epwe war ewe fansoun lupwen sipwe kini ewe räs.

Filipi 2:16

lupwen oua ngeniir ewe Kapasen Manau. Are epwe iei usun mine oua föri, epwe wor popun ai üpwe sikäsinikemi lon ewe Ränin än Kraist epwe liwinsefäl, pun epwe pwä pwe ai achocho me ai angang weires esap lomotongau.

Filipi 4:3

Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

Kolose 1:11

Iwe, oupwe pöchökülela ren sokun tufich meinisin mi pop seni an manaman me ling, pwe oupwe tongeni likitü o mosonotam.

1. Tesalonika 1:3

Pun aia chechemeni me mwen ach Kot i Samach usun ämi lükülük mi pwä lon ämi föför, usun ämi tong mi pwä lon ämi angang weires, pwal usun ämi apilükülüköch mi nüküchar lon ach Samol Jesus Kraist.

1. Tesalonika 2:9

Ämi pwiim kana, oua fokun chechemeni usun äm angang weires. Äm aia angang lerän me lepwin pwe aisap aweiresikemi lupwen aia afalafala ngenikemi ewe Pworausen Manau seni Kot.

1. Tesalonika 5:12

Ämi pwiim kana, aia tüngormau ngenikemi pwe oupwe meniniti ätekewe mi angang ngenikemi, ir mi emwenikemi o öüröürakemi lon manauen ämi souläng.

2. Tesalonika 3:13

Nge ämi pwiim kana, ousap fokun chipwangela lon ämi föföröch.

2. Tesalonika 3:5

Ach Samol epwe emweni letipemi ngeni än Kot chen, pwal ngeni än Kraist tipeppos.

2. Tesalonika 3:8

aisap pwal angei anem mongö ika aisap isetiu liwinin. Nge aia achocho le angang lerän me lepwin fän weires, pwe aisap aweiresikemi.

1. Timoty 4:10

Iei popun sia achocho le angang weires, pun sia anomu ach apilükülük won ewe Kot mi manau, i ewe Chon Amanau fän iten aramas meinisin, nge lapalan fän iten chokewe mi lükü ewe kapasen Kot.

1. Timoty 5:17

Ekewe souakom mi angangöch le emweni mwichefel a aüchea ngeniir ar repwe angei liwiniir fän ruu, fokun ätekewe mi angang weires lon ar afalafal me asukula aramas ewe kapasen Kot.

Ipru 10:36

Oupwe fokun likitü, pwe oupwe föri letipen Kot o angei mine a eäni pwon.

Ipru 12:1

Pokiten a fen wor rech eu watten mwichen chon pwärätä ar lükü ra pwelifeilikich, iei mine ousipwe likitätiu mettoch meinisin mi epetikich, pwal sokun tipis mi alikafifikich, nge sipwe tipeppos le sä lon ewe kitir mi nom mwach.

Ipru 13:13

Iei mine ousipwe feila ren lükün ewe leni ia ekewe aramas ra nom ie, pwe sipwe eti i lon an itengau.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

Ipru 6:12

Äm aisap mochen pwe oupwe chipwang, nge oupwe wewe ngeni chokewe mi angei mine Kot a eäni pwon ren ar lükü me mosonotam.

Ipru 6:15

Apraham a likitü fän mosonotam, iei mine a fis ngeni mine Kot a eäni pwon.

2. Petrus 1:6

ämi tufuchin püsin nemeni inisimi ngeni silelap, soulängöch ngeni ämi tufichin püsin nemeni inisimi, tipeppos ngeni ämi soulängöch,

Pwärätä 1:9

Ngang Johannes, pwiimi we lon Jesus, üa chienenikemi lon ämi likitü fän mosonotam lon ewe riaföü mi tori chokewe ir chon mwün Kraist. Ra anomuei won ewe fanü Patmos pokiten üa arongafeili än Kot kapas me ewe let Jesus a pwärätä.

Pwärätä 3:10

Pokiten ka tümwünü ai kewe kapas, pwe kopwe likitü fän mosonotam, üpwe pwal tümwünuk seni ewe fansoun riaföü epwe feito won unusen fanüfan, pwe epwe sotuni aramas meinisin mi nom won fanüfan.