Pwärätä 2:25 - Chuukese Bible

²⁵ Nge oupwe chök kamwöchünük won mine oua eäni tori üpwe war.

Pwärätä 2:25 Iomraidhean Croise

Johannes 14:3

Mürin ai üpwe feila o amolätä leniemi, üpwe pwal liwinsefälito o angeekemi, pwe oupwe nonom rei, pwe ia ngang üpwe nom ie, iei ämi oupwe pwal nom ie.

Föför 11:28

Eman leir itan Akapus a ütä o osuni fän manamanen ewe Ngünmifel, pwe eu mailengita epwe tori unusen fanüfan. (Ei a fis lon mwün Sisar Klautius.)

Nöün Paulus Toropwe ngeni ekewe Souläng lon Rom 12:9

Ämi chen epwe fokun wenechar. Oupwe oput mine a ngau o kamwöchünük won mine a mürina.

1. Korint 11:26

Wewen ei, pwe iteiten fansoun lupwen oupwe mongö ei pilawa o ün seni ei kap, oupwe asilefeili mälan ach Samol tori epwe war.

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

1. Tesalonika 5:21

nge oupwe sotuniir meinisin. Iwe, oupwe amwöchü mine a mürina

Ipru 10:23

Ousipwe kamwöchünük won ewe apilüköch sia pwärätä, pun Kot ewe mi pwon a allükülük.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

Ipru 4:14

Iei mine ousipwe kamwöchünük won ewe lükü sia pwärätä usun. Pun a nom rech eman Souasor mi Lap, Jesus ewe Nöün Kot, a feitä läng o a nonom mwen mesen Kot.

2. Petrus 3:10

Nge ränin ewe Samol epwe war usun eman chon solä. Lon ewe rän läng epwe morola ren püngün chopulap o minen läng repwe karala o tala, nge fanüfan me meinisin mine a nom lon resap chüen nom.

Pwärätä 1:7

Nengeni, epwe feito won ekewe kuchu! Aramas meinisin repwe küna i, pwal chokewe mi posu. Iwe, aramas meinisin won fanüfan repwe ngüngüres ren met ra föri ngeni. Epwe iei usun met epwe fis. Amen.

Pwärätä 22:20

Ewe eman mi pwärätä ekei mettoch a apasa, “Ewer, ngang üpwe warekai.” Amen! Kopwe etto äm Samol Jesus!

Pwärätä 22:7

Iei alon Jesus, “Nengeni, üpwe warekai. Ra feiöch chokewe mi aleasochisi ekewe kapasen osuni mi mak lon ei puk!”

Pwärätä 3:11

Üpwe warekai. Kopwe kamwöchünük won mine ka eäni, pwe esap wor eman epwe angei senuk mwärum.

Pwärätä 3:3

Iei mine kopwe chechemeni mine ka kaiö o mine ka rongorong, kopwe aleasochis o aier seni om tipis. Nge are kosap nela, üpwe feito womw usun eman chon solä, nge kosap silei ewe otun üpwe feito reöm.