Pwärätä 2:22 - Chuukese Bible

²² Nengeni, üpwe apwüngü i me chokewe mi föri ar föförün lisowu ngeni ren eu samau, iwe, repwe tolong lon watten riaföü. Iei met üpwe föri, are resap aier seni ar kewe föför mi ngau ra förifengeni.

Pwärätä 2:22 Iomraidhean Croise

Jeremaia 36:3

Eli ika chon Juta repwe rongorong usun ekewe feiengau meinisin üa ekiekin föri ngeniir, repwe kul seni ar föför mi ngau. Mürin, ngang üpwe amusala ar föföringau me tipis.”

Isikiel 23:29

Iwe, repwe afeiengauok pokiten ar oputok, repwe pwal angei senuk mine ka eäni o likitukela lon om selela. Iwe, äsäwin om amömö inisum fän iten lisowu epwe pwäpwäla. Om mocheisou me om amömö inisum fän iten lisowu

Isikiel 33:11

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?

Sefanaia 3:7

Üa apasa, ‘Amwo itä nei aramas repwe meninitiei, repwe etiwa ai kapasen emirit, pwe imwer esap tala, esap pwal toriir ewe apwüng üa amolätä fän iter.’ Nge ir ra chök achocho le alapala ar föför mi ngau.”

Lukas 13:3

Apwi, sap ina! Üpwe ürenikemi, pwe are ämi ousap aier seni ämi tipis, oupwe pwal mäla ämi meinisin usun chök ir.

Lukas 13:5

Apwi, sap ina! Nge üpwe ürenikemi, pwe are ämi ousap aier seni ämi tipis, oupwe pwal mäla ämi meinisin usun chök ir.”

2. Korint 12:21

Üa niuokus, pwe lupwen üpwe liwinsefälito remi, ai Kot epwe atekisonaeitiu me mwemi, iwe, ngang üpwe kechüeiti chomong mi tipis me lom, nge resap aier seni ar föför mi fokun ngau, ar föförün lisowu me ar mocheisou.

Pwärätä 17:2

Ekewe kingen fanüfan ra föri föförün lisowu ngeni o ekewe aramasen fanüfan ra puchula ren ar ün ünümen neminewe we wainen lisowu.”

Pwärätä 18:3

Pun chon ekewe mwü meinisin ra puchula ren ar ün ünüman wain, iei ewe wainen an mocheisou. Ekewe kingen fanüfan ra föri föförün lisowu ngeni, nge ekewe chon amömö won fanüfan ra pisekisekila ren chomongun an kewe föför mi ngau.”

Pwärätä 18:9

Iwe, ekewe kingen fanüfan mi eti i le föri föförün lisowu me mocheniangau repwe pupuchör o kechüeiti ewe telinimw, lupwen repwe küna ötüötün ewe ekkei mi kenala.

Pwärätä 2:5

Kopwe chechemeni ia ka tur me ie, kopwe aier seni om tipis o föri ekewe föför ka föri me lepoputän. Nge are kosap aier seni om tipis, üpwe feito reöm o angei senuk om we lenien atittin seni lenian.