Pwärätä 2:18 - Chuukese Bible

¹⁸ “Kopwe makkei ngeni ewe chon künöön ewe mwichefel lon Tiatira: Iei alon ewe Nöün Kot, mesan ra wewe ngeni pulopulen ekkei, pachapachan ra meriweriw usun piras mi amis.

Pwärätä 2:18 Iomraidhean Croise

Kölfel 2:7

Ngang üpwe pwärätä mine a pwüngüla me ren ewe Samol mi Lapalap. Iwe, a üreniei, “En nei mwän, ikenai üa nounuk.

Taniel 10:6

Inisin a usun chök ewe fau aüchea itan kirisolait, won mesan a usun chök fifi, lon mesan a usun chök pulopulen töl, pöün me pechen ra usun chök piras mi meriweriw, nge mwelian a usun chök leüömongun eu mwicheichen aramas.

Mateus 17:5

Lupwen Petrus a chüen kakapas, eu kuchu mi saramaram a anürürela o eu mangüngü seni lon ewe kuchu a apasa, “Iei i nei mi achengicheng üa fokun pwapwa ren, oupwe aüselinga!”

Mateus 27:54

Iwe, lupwen ewe meilapen sounfiu me ekewe sounfiu mi mamasa Jesus ra küna ewe chechen fanü me meinisin mine a fis, ra fokun rükö o apasa, “Enlet, ätei wesewesen Nöün Kot!”

Mateus 3:17

Mürin eu möngüngü a möngüngüwu seni läng a apasa, “Iei i nei mi achengicheng, üa unusen pwapwa ren.”

Lukas 1:35

Ewe chon läng a pölüeni, “Ngünmifel epwe feitiu womw, nge manamanen ewe mi Unusen Tekia epwe nom womw. Iei mine ewe mi pin epwe uputiu ngonuk, epwe iteni Nöün Kot.

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Johannes 1:49

Iwe, Nataniel a üreni, “Sense, en Nöün Kot! En ewe kingen Israel!”

Johannes 10:36

Nge me rei, Semei a apiniei o tinieito won fanüfan. Epwe ifa usun ämi oupwe tongeni apasa pwe üa eäni kapasen turunufas, pokiten üa apasa pwe ngang Nöün Kot?

Johannes 3:16

Pun iei usun Kot a echeni chon fanüfan, pwe a fangala Nöün Aleman, pwe meinisin mi lükü i resap pöütmwälila, pwe repwe eäni manau esemüch.

Johannes 3:18

Iö a lükü ewe Nau esap küna feiengauen apwüng, nge iö esap lükü i a fen küna feiengauen apwüng, pun esap lükü Nöün Kot Aleman.

Johannes 5:25

Enlet üpwe wesewesen ürenikemi: Epwe war ewe fansoun, nge a fen war, lupwen ekewe mi mäla repwe rongorong mwelien Nöün Kot, nge chokewe mi rongorong repwe küna manau.

Föför 16:14

Iwe, eman me lein ekewe fefin mi aüselingakem Litia seni ewe telinimw Tiatira. Neminei eman chon amömö mangaku mi parachol, nge ra fokun mömong. Ei fefin a fel ngeni Kot, nge ewe Samol a suki lelukan pwe epwe rongosochis ngeni än Paulus afalafal.

Föför 8:36

Lupwen ar sasai won ewe al, ra tori eu leni ia a wor koluk ie. Iwe, ewe nöüwis a üra, “Nengeni, a wor koluk ikei! Met a epeti ai üpwe papatais?”

Nöün Paulus Toropwe ngeni ekewe Souläng lon Rom 1:4

Nge lon pekin ngünün mi fel a pwä fän manaman mi lapalap pwe i Nöün Kot, ren an manausefäl seni mäla, i Jesus Kraist ach Samol.

Nöün Paulus Toropwe ngeni ekewe Souläng lon Rom 8:32

Ewer, esap Kot, pun i esap mwo nge amwöchü püsin Nöün, pwe a fangala fänäsengesich meinisin. Ifa usun, esap pwal fang ngenikich mettoch meinisin me Nöün we?

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 2:1

“Kopwe makkei ngeni ewe chon künöön ewe mwichefel lon Efisos: Iei alon ewe eman mi amwöchü ekewe füföü fü lon pöüifichin, ewe mi fetal lein ekewe fisu lenien atittin seni kolt.

Pwärätä 2:24

Nge ekewe ekoch me leimi lon Tiatira ousap aleasochisi ei sokun kait mi ngau, ämi ousap kaiö met ekewe ekoch ra aita ngeni ‘alololun monomonen ekiekin Satan’, üpwe ürenikemi pwe üsap anomu womi och chou.