Pwärätä 2:10 - Chuukese Bible

¹⁰ Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.

Pwärätä 2:10 Iomraidhean Croise

Kölfel 31:23

Ämi nöün ewe Samol mi Lapalap chon pin meinisin, oupwe echeni i. Ewe Samol mi Lapalap a tümwünü chokewe mi allükülük, nge a liwiningau ngeni ekewe chon lamalamtekia won en me ükükün liwinin an föför.

Kölün kechü 3:57

En ka arap ngeniei, lupwen üa kökköruk, ka apasa, ‘Kosap niuokus.’

Taniel 1:12

Iwe, Taniel a üreni, “Kopwe sotuni noum chon angang lon ükükün engol rän. Kopwe chök amongöökem iäsäi o aünükem koluk.

Taniel 1:14

Iwe, ewe chon souwan a mwüt ngeniir ar we tüngor o sotuniir lon ükükün engol rän.

Apakuk 2:3

Pun mine üpwe pwäri ngonuk epwap pwönüetä lon eu fansoun mi kefilitä. Nge fansoun an epwe pwönüetä epwe fokun müttir, nge esap chofana. Are epwe mang le pwönüetä, kopwe chök witiwit. Epwe fokun pwönüetä, nge esap mang.

Mateus 10:22

Aramas meinisin repwe oputakemi pokitei. Nge iö epwe likitü tori lesopolan epwe küna manau.

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Mateus 24:13

Nge iö epwe likitü tori lesopolan epwe küna manau.

Markus 13:13

Aramas meinisin repwe oputakemi pokitei. Nge iö epwe likitü tori lesopolan epwe küna manau.

Markus 8:35

Pun iö a mochen amanaua manauan epwe pöüt seni. Nge iö a pölükü manauan fän itei pwal fän iten ewe Pworausen Manau epwe amanaua manauan.

Lukas 21:12

Nge me mwen ekewe mettoch meinisin repwe fisitä, repwe turufikemi o ariaföüükemi, repwe etekinikemiila pwe oupwe kapwüng lon ekewe imwen felikis o atolongakemi lon imwen fötek. Repwe pwal emwenikemiila mwen ekewe king me kepina pokiten itei.

Johannes 12:25

Iö a echeni püsin manauan epwe pöüt seni, nge iö a oput püsin manauan lon ei fanüfan, manauan epwe chök nonom ngeni manau esemüch.

Johannes 13:2

Iwe, Jesus me nöün kewe chon kaiö ra mongön lekuniol. Ewe Tefil a fen atolonga ewe ekiekin afangamä Jesus lon letipen Jutas nöün Simon Iskariot.

Johannes 13:27

Lon ewe chök otun Jutas a angei ewe ekis pilawa, Satan a tolong lon lelukan. Iwe, Jesus a üreni Jutas, “Kopwe chök müttir föri mine ka mochen föri.”

Föför 20:24

Nge manauei esap aüchea ngeniei. Üa chök mochen awesala ai kitir o awesöchüela ewe angang ach Samol Jesus a ngeniei pwe üpwe föri. Iei ewe angang ai üpwe pwärätä ewe Pworausen Manau usun ewe ümöümöchün Kot.

Föför 21:13

Mürin Paulus a pölüeni, “Pwota oua kechü o atai letipei? Ngang üa molotä sap ngeni chök ai üpwe föfö, nge pwal ngeni ai üpwe mäla lon Jerusalem fän iten ach Samol Jesus.”

1. Korint 9:25

Iteiten sensü meinisin ra achocho ngeni ar repwe fiti pwüngün allükün ar rensü, pwe repwe angei epa mwärämwär mi morokai. Nge kich sipwe achocho ngeni manauen ach souläng, pwe sipwe angei epa mwärämwär epwe nonom tori feilfeilachök.

Efisos 2:2

Lon ena fansoun oua manaueni ewe manauen fanüfan mi ngau. Oua aleasochis ngeni ewe mi nemeni ekewe ngününgau mi nom fän läng, ewe ngün mi nemeni ekewe aramas mi aleasolap ngeni Kot iei.

Efisos 6:12

Pun sisap maun ngeni fituk me cha, nge sia maun ngeni ekewe anün rochopwak mi nom fän läng, ngeni ekewe anüsamol, ngeni ekewe anüsor, pwal ngeni ekewe ngününgau mi nemeni aramas lon ei fanüfan mi rochopwak.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

1. Petrus 5:4

Iwe, lupwen ewe Meilapen Chonmas epwe pwä, oupwe angei ewe mwärämwär mi ling esap fokun aiolol.

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

Pwärätä 13:14

Ren ekei manaman a mwümwütä ngeni pwe epwe föri mwen mesen ewe aemanün manmwacho, a atupu ekewe aramas meinisin mi nom won fanüfan. Ewe manmwacho a üreni ekewe aramas, pwe repwe aüetä eu uluulun fän iten ewe manmwacho, ewe a fen kinas ren ewe ketilas, nge a chüen manau.

Pwärätä 13:2

Ewe manmwacho a usun chök eman lepart, pechen ra usun pechen eman pear, nge awan a usun chök awen eman laion. Ewe trakon a ngeni ewe manmwacho an manaman, an lenien motun king me an we watten nemenem.

Pwärätä 13:7

A mwümwü ngeni an epwe fiu ngeni ekewe chon pin o akufuur, a pwal angei an nemenem won ekewe ainang me mwü me kapas me mwich meinisin.

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Pwärätä 2:13

Üa silei ia ka nom ie, lon ewe leni ia än Satan lenien motun king a pwal nom ie. Ka allükülük ngeniei o kosap likitala om lüküei, inamwo ika lon ewe fansoun Antipas, nei chon pwärätä mi allükülük, a ninnila lon ewe leni ia Satan a nom ie.

Pwärätä 2:9

Üa silei om kewe riaföü. Üa silei pwe ka wöüngau, nge ka wesewesen pisekisek. Üa pwal silei pwe ka küna turunufas me ren chokewe mi apasa pwe ir chon Juta, nge sap ir chon Juta, pwe ir eu mwich än Satan.