Pwärätä 19:8 - Chuukese Bible

⁸ Kot a ngeni echö üf mi limöch, a pwechepwech o molupolup pwe epwe üföüf.” (Ewe üf mi pwechepwech iei än ekewe chon pin föför mi pwüng.)

Pwärätä 19:8 Iomraidhean Croise

Kölfel 132:9

Noum kewe souasor repwe föri mine a pwüng fansoun meinisin, nge noum kewe chon pin repwe mweireir fän pwapwa.

Än Salomon Fos 31:22

A püsin föri an pilangket, a üföüf üf seni mangaku mi pwechepwech me parapar.

Aisea 3:23

nöür kilasen ori me üfer simis mi menenen o lingöch, pwal imwer akkaw me ar nikotupwöl meinisin.

Aisea 61:10

Üpwe fokun pwapwa ren ewe Samol mi Lapalap, ngüni epwe mwänek ren ai Kot. Pun a aüföüfa ngeniei manau, a pwal pwilitalong woi pwüng pwe ina üfei. Üa wewe ngeni eman mwän apwüpwülü söfö, a foutei ngeni foutan, üa pwal wewe ngeni eman fin apwüpwülü söfö, a mwärämwär mwärin fau aüchea.

Isikiel 16:10

Iwe, üa aüföüfa ngonuk üf mi chü o eipweipwa ngonuk sus seni silin man mi aüchea, üa filiti ngeni inisum mangaku mi pwechepwech o pwölü ngonuk silik.

Isikiel 44:17

Iwe, lupwen ra tolong lon asamalapen ewe leni mwen Imwenfel, repwe üföüf üf mi pwechepwech, nge resap üföüf och üf seni ülen sip, lupwen ra angang lon ewe leni mwen Imwenfel ika lon Imwenfel.

Mateus 17:2

Lupwen ar nenengeni Jesus, a wilila inisin: won mesan a saramaram usun akkar, nge üfan kana ra fokun pwechela o molupolup.

Mateus 22:12

Iwe, ewe king a aisini, ‘Pwii, ifa usun om tolong ikei, nge kosap üföüf üföüfen ewe apwüpwülü?’ Iwe, ewe mwän esap pölüeni och.

Markus 9:3

Üfan kana ra molupolup o fokun pwechepwech, esap wor eman chon apwecha üf won fanüfan a tongeni apwecha üf an epwe iei usun.

Lukas 24:4

Nge lupwen ar chüen ükütä o osukosuk ren mine ra küna, ruoman mwän mi üföüf üf mi saramaram ra ütä ünükür.

Föför 1:10

Nge ra chök nenetä läng lupwen a feil seniir. Iwe, lon ewe chök otun ruoman mwän mi üföüf üf mi pwechepwech ra ütä ünüküür

Nöün Paulus Toropwe ngeni ekewe Souläng lon Rom 13:14

Nge oupwe angei än ach Samol Jesus Kraist kewe pisekin maun, oupwe ükütiu le ekieki usun ämi oupwe apwönüetä mochenian fitukemi.

Nöün Paulus Toropwe ngeni ekewe Souläng lon Rom 3:22

Kot a föri pwe aramas ra küna pwüng ren ar lükü Jesus Kraist. Kot a föri ei ngeni chokewe meinisin mi lükü Kraist, pun esap wor sokofesenin lefiler meinisin:

Pwärätä 15:4

Iö esap niuokusituk o alinga itom, en äm Samol? Pun en chök ka pin. Chon ekewe mwü meinisin repwe feito o fel ngonuk, pun om kewe föför mi pwüng ra pwäpwäla ngeni aramas meinisin.”

Pwärätä 15:6

Iwe, ekewe füman chon läng mi wor rer ekewe fisu feiengau ra towu seni lon ewe imwenfel, ra üföüf üf mi pwechepwech o molupolup, ra pwal riri ngeni fän mwäriir efoch riri seni kolt.

Pwärätä 19:14

Iwe, ekewe mwichen sounfiu seni läng ra tapwela mürin, ra wawa oris mi pwechepwech, ra pwal üföüf üf mi limöch o pwechepwech.

Pwärätä 3:18

Iei mine üpwe ürenuk mine kopwe föri: Kopwe kamö seniei kolt mi limelim ren ekkei, pwe kopwe pisekisekila. Kopwe pwal kamö üf mi pwechepwech, pwe kopwe üföüf o pwölüela asäwen om selela. Kopwe pwal kamö säfeen mas, pwe kopwe säfeeni mesom pwe kopwe tongeni küna mwomw.