Pwärätä 19:7 - Chuukese Bible

⁷ Ousipwe mweireir o fokun pwapwa, ousipwe mwareiti an tekia! Pun a war fansoun apwüpwülüen ewe Lam, nge pwülüan we, ewe fin apwüpwülü söfö, a püsin amol ngeni ewe rän.

Pwärätä 19:7 Iomraidhean Croise

Kölfel 107:42

Ekewe chon pwüng ra küna ei o pwapwa, nge ekewe aramasangau meinisin ra fanafanala.

Kölfel 48:11

Ekewe aramasen Sion repwe pwapwa. Ekewe telinimwen Juta repwe mweireir pokiten ka eäni kapwüng fän pwüng.

Kölfel 9:14

pwe üpwe tufichin pwärätä mwen ekewe aramasen Jerusalem ekewe metoch meinisin üa mwareituk ren. Üpwe pwal pwapwa pun ka angasaeei.

Än Salomon Fos 29:2

Lupwen ekewe chon pwüng ra nemenem, ekewe aramas ra mwänek, nge lupwen ekewe aramasangau ra nemenem, ekewe aramas ra ngüngü.

Än Salomon Köl 3:11

Oupwe towu, ämi föpwülün Sion, pwe oupwe nengeni ewe king Salomon mi mwärini ewe mwärämwär inan a amwärämwära ngeni lon ränin an apwüpwülü, lon ewe rän letipan a fokun pwapwa.

Aisea 52:1

Kopwe pwätä, kopwe pwätä, Jerusalem, kopwe angei pöchökül pwe kopwe pöchökülsefäl. Kopwe pwilitalong womw ufom mi ling, en Jerusalem ewe telinimw mi pin. Iwe, chokewe resap sirkomsais pwal chokewe mi limengau resap chüen tolong lomw.

Aisea 62:5

Iwe, usun eman alüal a pwülüeni eman föpwül, iei usun noum mwän repwe usun chök nge pwülüom, en Jerusalem. Nge usun eman mwän apwüpwülü söfö a pwapwa ngeni ewe fin apwüpwülü söfö, iei usun om Kot epwe pwapwaituk.

Aisea 66:10

Oupwe eti Jerusalem le pwapwa o mwänek usun, ämi meinisin mi tongei ei telinimw. Oupwe eti le meseik, ämi meinisin mi letipeta usun.

Aisea 66:14

Lupwen oupwe küna mine a fis lon Jerusalem, letipemi epwe meseik, nge inisimi epwe öümanau usun fetil mi pwüküfö. Mürin, epwe pwä pwe ngang ewe Samol mi Lapalap üa alisi nei chon angang, nge üa song ngeni chon oputaei.”

Sekaraia 9:9

Oupwe fokun meseik, ämi aramasen Sion. Oupwe akapwas fän pwapwa, ämi aramasen Jerusalem. Nengeni, ämi King a feito remi. A pwüng o pwora, nge a tipetekison o wawa eman aas, eman nienifön aas.

Mateus 1:20

Iwe, lupwen a chüen ekieki usun, eman nöün ewe Samol chon läng a pwä ngeni lon an tan o üreni, “Josef, mwirimwirin Tafit, kosap niuokus om kopwe pwülüeni Maria, pun mine a pwopwo ren a pop seni ewe Ngünmifel.

Mateus 22:2

“Mwün Läng a wewe ngeni eman king mi amolätä eu kametipen apwüpwülü fän iten nöün mwän.

Lukas 12:36

pwe oupwe usun chök ekewe chon angang mi witiwiti nöür we masta an epwe liwinto seni eu fetalapen apwüpwülü. Lupwen epwe war o fichifich, repwe müttir suki ngeni asam.

Johannes 3:29

Ewe mwän apwüpwülü söfö i pwülüen ewe fin apwüpwülü söfö. Nge chiechien ewe mwän apwüpwülü söfö mi ü ünükün o aüseling a pwapwa lupwen a rongorong mwelien ewe mwän apwüpwülü söfö. Iei usun ai pwapwa a unusöchüla.

2. Korint 11:2

Üa lukomong womi, usun chök Kot a lukomong womi. Ämi oua wewe ngeni eman föpwül mi limelimöch, üa pwon pwe epwe pwülüeni eman chök mwän, iei i Kraist.

Efisos 5:23

Pun eman mwän möküren pwülüan usun Kraist möküren mwichefel. Kraist ewe Chon Amanauen mwichefel, nge mwichefel iei inisin Kraist.

Efisos 5:32

Iei eu monomon mi fokun watte a pwä lon ei wokisin, nge usun ai weweiti pwe a wewe ngeni Kraist me mwichefel.

Tuteronomi 32:43

Ämi chon ekewe mwü, oupwe fiti nöün ewe Samol mi Lapalap kewe aramas le meseik, pun epwe apwüngü chokewe meinisin mi niela nöün chon angang o ngeni chon ü ngeni chappen ar föför, epwe pwal limeti fanüen nöün aramas seni tipis.”

Filipi 3:3

Sap ir, nge kich sia angei ewe enletin sirkomsais, pun sia fel ngeni Kot ren Ngünün, sia pwapwa lon manauach lon Kraist Jesus, nge sisap anomu ach apilükülük won met sia föri ngeni inisich.

Pwärätä 11:13

Lon ewe chök otun a wor eu chechechin fanü mi pöchökül o eu leengolun ewe telinimw a tala. Iwe, fisungeröü aramas ra mäla ren, nge ekewe lusun aramas mi chüen manau ra fokun rükö o mwareiti manamanen ewe Kot mi nom läng.

Pwärätä 19:9

Mürin ewe chon läng a üreniei, “Kopwe makkeetiu ekei kapas: Ra feiöch chokewe mi kö ngeni kametipen apwüpwülüen ewe Lam.” Iwe, ewe chon läng a pwal apasa, “Ikkei ekewe kapas mi let seni Kot.”

Pwärätä 21:2

Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.

Pwärätä 21:9

Mürin eman me lein ekewe füman chon läng mi fen wor rer ekewe fisu sepi mi ur ren ekewe fisu amüchülan feiengau a feito rei o a apasa, “Kopwe etto pwe üpwe aküna ngonuk ewe Fin apwüpwülü söfö, iei i pwülüen ewe Lam.”

1. Samuel 2:1

Iwe, Hana a pwal iotek o apasa, “Üa pwapwa lon lelukei ren ewe Samol mi Lapalap, üa chimwetä ren ewe Samol mi Lapalap. Üa ämängaua chon oputaei, pun üa pwapwa ren an angasaei.