Pwärätä 19:6 - Chuukese Bible

⁶ Mürin üa rongorong eu möngüngü mi wewe ngeni möngüngün eu mwichen aramas mi fokun watte, a pwal wewe ngeni ngüngün chomong koluk me chopun chopulap mi leüömong a apasa, “Ousipwe mwareiti Kot! Pun ach Samol, ewe Kot mi Unusen Manaman a nemenem.

Pwärätä 19:6 Iomraidhean Croise

Hiop 40:9

Ifa usun, ka pöchökül usun Ngang? Ifa usun, a osomong osom usun osei?

Kölfel 47:2

Sipwe niuokusiti ewe Samol mi Lapalap, Ewe mi Unusen Tekia, i eman king mi lap a nemeni unusen fanüfan.

Kölfel 47:7

Pun Kot i kingen unusen fanüfan, oupwe mwareiti i ren echö köl mi pin.

Kölfel 77:18

Püngün om chopulap a nom lon ewe ewiniär. Om kewe inefi ra asarama fanüfan. Fanüfan a chechech o mwöükük.

Kölfel 93:1

Ewe Samol mi Lapalap a nemenem, a üföüf ngeni ling me manaman. Ewer, fanüfan a nükünük, esap fokun tongeni mwöküt seni lenian.

Kölfel 97:1

Ewe Samol mi Lapalap a nemenem, fanüfan epwe meseik, ekewe fanüen lematau meinisin repwe pwapwa.

Kölfel 97:12

Oupwe kilisou ngeni o mwareiti itan mi pin.

Kölfel 99:1

Ewe Samol mi Lapalap a nemenem. Chon ekewe mwü ra chechech. A mot won an lenien motun king asen ekewe kerop. Fanüfan a chechech.

Aisea 52:7

A mürina ewe chon künö mi fetal won ekewe chuk o uwato pworaus allim, ewe a arongafeili kinamwe o uwato kapasen feiöch. A asilefeili pwe aramas ra tongeni küna manau o üreni Sion, “Om Kot a nemenem.”

Jeremaia 51:48

Mürin ekewe läng me fanüfan pwal meinisin mi nom lor repwe köl fän pwapwa fänäsengesin Papilon. Pun ekewe chon kata repwe feito seni efeng pwe repwe maun ngeni.

Isikiel 1:24

Lupwen ra fetal, üa rong üngüngün pöükässir mi wewe ngeni ngüngün watten no, a pwal wewe ngeni mwelien ewe Kot mi Manaman me akürangen eu mwichemongun sounfiu mi mwökütüküt. Iwe, lupwen ra üla, ra aitietiu pöükässir.

Isikiel 43:2

Ikenan üa küna lingen ewe Koten Israel, a feito seni ötiu. Iwe, üngüngün an feito a usun chök üngüngün nonoon lematau, nge won fanü a saramaram ren lingan.

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Pwärätä 1:15

pachapachan ra meriweriw usun chök piras mi limelim me amis, nge möngüngün a usun chök ngüngün noon won woch.

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.

Pwärätä 12:10

Mürin üa rongorong eu möngüngü mi leüömong lon läng a apasa, “Iei a fis än Kot amanaua aramas! Iei Kot a pwärätä an tufich le nemenem. Iei nöün we Messaia a pwärätä an nemenem! Pun ewe chon atipisi pwiich kewe lerän me lepwin mwen mesen Kot a koturutiu seni läng.

Pwärätä 14:2

Iwe, üa rongorong eu möngüngü seni läng a wewe ngeni ngüngün chomong koluk, a pwal wewe ngeni chopun chopulap mi leüömong. Ei möngüngü üa rongorong a usun chök ngingiin kitar lupwen ekewe chon ettik kitar ra ettiki.

Pwärätä 19:1

Mürin ei, üa rongorong och möngüngü mi wewe ngeni mwelien eu mwichen aramas mi watte seni lon läng, ra kökkö fän leüömong, “Ousipwe mwareiti Kot! Manau me ling me manaman a wor ren ach Kot!

Pwärätä 19:4

Iwe, ekewe rüwe me föman souakom me ekewe föman mönümanau ra chapetiu o fel ngeni Kot, ewe mi mot won an lenien motun king. Ra apasa, “Amen! Ousipwe mwareiti Kot.”

Pwärätä 21:22

Nge üsap küna eu imwenfel me lon ewe telinimw, pun imwenfelin lon iei ewe Samol Kot mi Unusen Manaman me ewe Lam.

Pwärätä 4:5

Seni ewe lenien motun king a towu inefi, ngüngü me chopun chopulap. Me mwen ewe lenien motun king a wor füfoch töl mi tin, ir ekewe füman Ngünün Kot.

Pwärätä 6:1

Mürin üa küna pwe ewe Lam a ülei ewe aeuin pwau seni ekewe fisu. Iwe, üa rongorong pwe eman me lein ekewe föman mönümanau a apasa ren mwelian mi wewe ngeni chopun chopulap, “Etto!”

Pwärätä 8:5

Mürin ewe chon läng a angei ewe sepi fän iten apach mi pwokus, a amasoua ren ekewe molien ekkei mi nom won ewe rongen asor o a monetiu won fanüfan. Iwe, a fis ngüngü, chopun chopulap, fifi me chechechin fanü.