Pwärätä 19:4 - Chuukese Bible

⁴ Iwe, ekewe rüwe me föman souakom me ekewe föman mönümanau ra chapetiu o fel ngeni Kot, ewe mi mot won an lenien motun king. Ra apasa, “Amen! Ousipwe mwareiti Kot.”

Pwärätä 19:4 Iomraidhean Croise

1. Kronika 16:36

Oupwe mwareiti ewe Samol mi Lapalap ewe Koten Israel seni fansoun esepop tori fansoun esemüch.” Mürin, ekewe aramas ra apasa, “Amen”, o mwareiti ewe Samol mi Lapalap.

Nehemia 5:13

Üa pwal äsupu pipin lenumun üfei o üra, “Iei usun Kot epwe äsupala iteiten eman me eman aramas seni lon imwan me lenian, ika esap apwönüetä ei pwon. Amwo epwe morotiu o pöla iei usun.” Iwe, unusen ewe mwichen aramas ra apasa “Amen”, ra pwal mwareiti ewe Samol mi Lapalap. Nge ekewe nöüwis ra föri usun mine ra eäni pwon.

Nehemia 8:6

Esra a mwareiti ewe Samol mi Lapalap ewe Kot mi Tekia, nge ekewe aramas meinisin ra aitietä pöür o apasa, “Amen, Amen.” Iwe, ra rotiu, ra chapetiu lepwül o fel ngeni ewe Samol mi Lapalap.

Kölfel 104:35

Ekewe chon tipis repwe rosola seni won fanüfan, nge ekewe aramasangau repwe mochola. Ngüni, kopwe mwareiti ewe Samol mi Lapalap. Ousipwe mwareiti ewe Samol mi Lapalap.

Kölfel 106:48

Oupwe mwareiti ewe Samol mi Lapalap, ewe Koten Israel seni fansoun esepop tori fansoun esemüch. Iwe, ekewe aramas meinisin repwe apasa, “Amen.” Ousipwe mwareiti ewe Samol mi Lapalap.

Kölfel 41:13

Oupwe mwareiti ewe Samol mi Lapalap ewe Koten Israel seni lomlom tori feilfeilachök. Amen, Amen.

Kölfel 72:19

Sipwe mwareiti itan mi ling tori feilfeilachök. An ling epwe aurala unusen fanüfan. Amen, amen.

Kölfel 89:52

Ousipwe mwareiti ewe Samol mi Lapalap tori feilfeilachök! Amen, Amen.

Jeremaia 28:6

Iwe, üa üra, “Amen. Amwo ewe Samol mi Lapalap epwe föri iei usun. Amwo ewe Samol mi Lapalap epwe apwönüetä ekewe kapas ka osuni o aliwinato seni Papilon pisekin imwen ewe Samol mi Lapalap me ekewe chon oola meinisin.

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

1. Korint 14:16

Lupwen oua kilisou ngeni Kot lon ngünümi chök, epwe ifan usun än eman mi fiti ämi mwich epwe tongeni apasa “Amen” wesin ämi iotekin kilisou, are esap silei met oua kapas usun?

Pwärätä 15:7

Mürin eman me lein ekewe föman mönümanau a ngeni ekewe füman chon läng fisu sepi seni kolt mi ur ren än Kot lingeringer, i ewe Kot mi manau tori feilfeilachök.

Pwärätä 19:1

Mürin ei, üa rongorong och möngüngü mi wewe ngeni mwelien eu mwichen aramas mi watte seni lon läng, ra kökkö fän leüömong, “Ousipwe mwareiti Kot! Manau me ling me manaman a wor ren ach Kot!

Pwärätä 19:3

Ra kökkösefäl fän leüömong, “Ousipwe mwareiti Kot! Ötüötün ewe ekkei mi kenala ewe telinimw mi watte a ötütä tori feilfeilachök.”

Pwärätä 19:6

Mürin üa rongorong eu möngüngü mi wewe ngeni möngüngün eu mwichen aramas mi fokun watte, a pwal wewe ngeni ngüngün chomong koluk me chopun chopulap mi leüömong a apasa, “Ousipwe mwareiti Kot! Pun ach Samol, ewe Kot mi Unusen Manaman a nemenem.

Pwärätä 5:14

Iwe, ekewe föman mönümanau ra apasa, “Amen!” Nge ekewe souakom ra chapetiu o fel ngeni Kot me ewe Lam.