Pwärätä 19:2 - Chuukese Bible

² An kewe kapwüng ra let o pwüng! A apwüngü ewe fin lisowu mi iteföüla, a angauala chon fanüfan ren an föförün lisowu. Kot a ngeni chappen an föför, pun a niela nöün kewe chon angang.”

Pwärätä 19:2 Iomraidhean Croise

2. King 9:7

Kopwe niela chon leimwen Ahap om we samol, pwe ngang üpwe ngeni Isipel chappen an niela nei kewe soufos, pwal chappen an niela nei kewe chon angang meinisin.

Kölfel 19:9

Ach niuokusiti ewe Samol mi Lapalap a mürina, epwe nonom tori feilfeilachök. Än ewe Samol mi Lapalap pwüüng ra let, ir meinisin ra pwüng.

Aisea 25:1

Ai Samol mi Lapalap, en ai Kot. Üpwe ingeituk, üpwe pwal mwareiti itom, pun ka föri mettoch mi amwarar. Ka apwönüetä mine ka akota me lomlom fän allükülük me wenechar.

Taniel 7:26

Mürin, ekewe soukapwüng repwe mot lon kapwüng, repwe angei seni ätewe an nemenem pwe esap chüen fis tori feilfeilachök.

Tuteronomi 32:35

Iwe, ewe Samol mi Lapalap epwe ngeniir chappen ar föför me liwiningauer lon ewe fansoun, lupwen pecher epwe mit. Ränin ar feiengau a arap, ar kapwüng epwe warakai.

Tuteronomi 32:4

I ewe achau, an föför ra unusen mürina, pun an kewe al meinisin ra pwüng. I eman Kot mi allükülük, esap wor an mwäl, a pwüng o wenechar.

Tuteronomi 32:43

Ämi chon ekewe mwü, oupwe fiti nöün ewe Samol mi Lapalap kewe aramas le meseik, pun epwe apwüngü chokewe meinisin mi niela nöün chon angang o ngeni chon ü ngeni chappen ar föför, epwe pwal limeti fanüen nöün aramas seni tipis.”

Pwärätä 15:3

Iwe, ra köl ewe köl än Moses ewe chon angang ngeni Kot, pwal ewe köl än ewe Lam: “Äm Kot, Samol mi Unusen Manaman, a tekia o amwarar om angang kana! En kingen ekewe mwü, a pwüng o let om kewe föför!

Pwärätä 18:20

En läng, kopwe fokun pwapwa pokiten ewe telinimw a tala. Oupwe fokun pwapwa ämi kewe chon pin, ämi kewe soukünö me ämi kewe soufos! Pun Kot a apwüngü ewe telinimw ren met a föri ngenikemi.

Pwärätä 18:3

Pun chon ekewe mwü meinisin ra puchula ren ar ün ünüman wain, iei ewe wainen an mocheisou. Ekewe kingen fanüfan ra föri föförün lisowu ngeni, nge ekewe chon amömö won fanüfan ra pisekisekila ren chomongun an kewe föför mi ngau.”

Pwärätä 6:10

Ra kökkö fän mwelier mi leüömong, “Äm Samol mi Unusen Manaman, ka pin o let. Ifa langatamen fansoun tori om kopwe apwüngü ekewe aramas won fanüfan o kopwe ngeniir chappen ar nikeemila?”