Pwärätä 19:16 - Chuukese Bible

¹⁶ Won üfan pwal won wilan a mak ewe it, “Ewe King mi tekia seni ekewe king meinisin, me ewe Samol mi lap seni ekewe samol meinisin.”

Pwärätä 19:16 Iomraidhean Croise

Kölfel 136:3

Oupwe kilisou ngeni ewe Samol mi tekia seni ekewe samol meinisin, an tong ellet a nonom tori feilfeilachök.

Kölfel 72:11

Ekewe king meinisin repwe chapetiu me mwan, nge chon ekewe mwü meinisin repwe angang ngeni.

Kölfel 89:27

Üpwe filätä i pwe epwe nei mwänichi, epwe tekia me lein ekewe kingen fanüfan.

Taniel 2:47

Iwe, ewe king a üreni Taniel, “Ellet, om we Kot a fokun tekia seni ekewe kot meinisin, a pwal lap seni ekewe king meinisin, a tufichin pwäri mine a monomon, pun en ka tufichin pwäri ei monomon.”

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Tuteronomi 10:17

Pun ewe Samol mi Lapalap ämi we Kot, i eman Kot mi tekia seni ekewe kot me ekewe samol meinisin, eman Kot mi tekia o manaman pwal eniwokus, esap lifilifil aramas, esap pwal angei lifangen amichimich.

1. Timoty 6:15

An wareto epwe fis lon ewe otun Kot a filätä. Kot i ewe eman chök Sounemenem sipwe mwareiti, i ewe King mi lapalap seni king meinisin, pwal i ewe Samol mi lapalap seni samol meinisin.

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”