Pwärätä 19:11 - Chuukese Bible

¹¹ Mürin üa küna pwe läng a suk, iwe, a wor eman oris mi pwechepwech. Ewe chon wawa a iteni Allükülük me Let, a eäni kapüng fän wenechar o maun fän pwüng.

Pwärätä 19:11 Iomraidhean Croise

Kölfel 50:6

Ekewe läng ra pwärätä pwe Kot a pwüng, pwe püsin i ewe soukapwüng.

Kölfel 96:13

fän mesen ewe Samol mi Lapalap, pun i epwe feito, epwe feito pwe epwe apwüngü chon fanüfan. Epwe apwüngü fanüfan fän pwüng, pwal ekewe aramas fän let.

Kölfel 98:9

Repwe köl me fän mesen ewe Samol mi Lapalap, pun epwe feito o apwüngü chon fanüfan. Epwe apwüngü chon ekewe mwü fän pwüng me wenechar.

Kölfel 99:4

En king mi manaman, ka efich pwüng. Ka anüküchara mine a wenechar, ka föri mine a pwüng me wenechar lon Israel.

Ekistos 15:3

Ewe Samol mi Lapalap eman soumaun, itan Samol mi Lapalap.

Aisea 32:1

Nengeni, eman king epwe nemenem fän pwüng, nge ekewe samol repwe nemenem fän pwüngüöch.

Aisea 45:21

Oupwe feito o fos. Aramas repwe pwüngüpwüng lefiler. Iö a apworausa ei lon ewe fansoun a la? Iö a pwärätä ei me lomlom? Ifa usun, sap ngang, ewe Samol mi Lapalap? Esap wor eman Kot lüki, esap wor eman Kot mi pwüng are eman Chon Amanau, esap fokun wor eman lüki.

Jeremaia 33:15

Lon ena fansoun üpwe apwükätä efoch Palan mi pwüng epwe fasar seni mwirimwirin Tafit. I epwe föri mine a wenechar o pwüng me lon ewe fanü.

Isikiel 1:1

Iwe, lupwen üa ierini ilik lon alimuen ränin ewe arüanün maram, ngang ewe souasor Isikiel nöün Pusi we mwän üa nom lein ekewe chon oola arun ewe chanpupu Kepar lon Papilon. Iwe, a fis pwe läng a sukula, nge a wor künaei seni Kot.

Sekaraia 1:8

“Lepwin ewe a wor künaei. Üa küna eman mwän mi wawa eman oris mi par. A nom lein ekewe mwoosor lon ewe lemol mi chökis. Nge lükisökürün a wor pwal ekoch oris mi par, tiketikepar me pwech.

Johannes 1:51

Mürin a üreniir, “Enlet, üpwe wesewesen ürenikemi: Ämi oupwe küna pwe läng epwe sukula o nöün Kot kewe chon läng repwe feitä me feitiu won Nöün Aramas.”

Johannes 14:6

Jesus a üreni, “Ngang ewe al me ewe let me ewe manau. Esap wor eman epwe tongeni feila ren Semei me lüki.”

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,

Pwärätä 11:19

Mürin än Kot we imwenfel lon läng a sukula, o a pwä ewe pworofel mi nom ikenan. Iwe, a fis fifin inefi, ngüngü me chopun chopulap, pwal chechechin fanü me üten fau mi püngüchou.

Pwärätä 19:19

Mürin üa küna ewe manmwacho me ekewe kingen fanüfan pwal nöür kewe mwichen sounfiu, ra chufengen pwe repwe maun ngeni ewe eman mi wawa ewe oris, pwal ngeni nöün mwichen sounfiu.

Pwärätä 19:21

Nge nöür kewe sounfiu ra ninnila ren ewe ketilas mi itiwu seni lon awen ewe eman mi wawa ewe oris. Iwe, ekewe machang meinisin ra ocheela fituker tori ra mötüla.

Pwärätä 3:14

“Kopwe makkei ngeni ewe chon künöön ewe mwichefel lon Laotisea: Iei alon ewe eman mi iteni Amen, ewe Chon Pwärätä mi allükülük o let, i popun förien Kot meinisin.

Pwärätä 3:7

“Kopwe makkei ngeni ewe chon künöön ewe mwichefel lon Filatelfia: Iei alon ewe eman mi pin o let, ewe mi amwöchü ewe ki än Tafit. Iwe, met a suki ngeni ewe ki esap wor eman a tongeni öpüngala, nge met a öpüngala esap wor eman a tongeni suki.

Pwärätä 4:1

Mürin ei a pwal wor künaei, üa küna eu asam mi suk lon läng. Iwe, mwelien eman mi wewe ngeni tikin efoch rappwa, üa fen rongorong me mwan, a üreniei, “Kopwe feito ikei, pwe üpwe aiti ngonuk met epwe fokun fis mürin ei.”

Pwärätä 6:2

Iwe, üa nenengeni o üa küna eman oris mi pwechepwech, nge ewe mi mot won a amwöchü efoch likapich, a pwal angei epa mwärämwär. Iwe, a feila, a pwora o win.