Pwärätä 19:1 - Chuukese Bible

¹ Mürin ei, üa rongorong och möngüngü mi wewe ngeni mwelien eu mwichen aramas mi watte seni lon läng, ra kökkö fän leüömong, “Ousipwe mwareiti Kot! Manau me ling me manaman a wor ren ach Kot!

Pwärätä 19:1 Iomraidhean Croise

1. Kronika 29:11

Ai Samol mi Lapalap, en ewe mi tekia me manaman me ling me pwora me iteföüla. Pun meinisin mine a nom lon läng pwal won fanüfan om. Ai Samol mi Lapalap, om chök ewe mwü, en ka tekia o nemeni meinisin.

Kölfel 104:35

Ekewe chon tipis repwe rosola seni won fanüfan, nge ekewe aramasangau repwe mochola. Ngüni, kopwe mwareiti ewe Samol mi Lapalap. Ousipwe mwareiti ewe Samol mi Lapalap.

Kölfel 106:1

Ousipwe mwareiti ewe Samol mi Lapalap. Oupwe kilisou ngeni ewe Samol mi Lapalap, pun i a kirikiröch, an tong ellet a nonom tori feilfeilachök.

Kölfel 111:1

Ousipwe mwareiti ewe Samol mi Lapalap. Üpwe kilisou ngeni ewe Samol mi Lapalap ren unusen lelukei lon ewe mwichen chon wenechar, pwal lein ewe mwichen aramas.

Kölfel 115:18

Nge kich mi manau sipwe mwareiti ewe Samol mi Lapalap seni ei fansoun tori feilfeilachök. Ousipwe mwareiti ewe Samol mi Lapalap.

Kölfel 146:1

Ousipwe mwareiti ewe Samol mi Lapalap. Ngüni, kopwe mwareiti ewe Samol mi Lapalap.

Kölfel 148:1

Ousipwe mwareiti ewe Samol mi Lapalap. Oupwe mwareiti ewe Samol mi Lapalap seni won läng, oupwe mwareiti i me won ekewe leni tekia.

Kölfel 149:1

Ousipwe mwareiti ewe Samol mi Lapalap. Oupwe eäni ngeni ewe Samol mi Lapalap echö köl mi fö, oupwe kölün mwareiti i me lon ewe mwichen chon allükülük.

Kölfel 150:1

Ousipwe mwareiti ewe Samol mi Lapalap. Oupwe mwareiti Kot me lon lenian mi pin, oupwe mwareiti an manaman lon läng.

Kölfel 3:8

Ewe Samol mi Lapalap a angasala aramas mi nom lon weires. Om feiöch epwe nom won noum aramas.

Kölfel 62:11

Eu mettoch Kot a kapas usun. Ruu mettoch üa rongorong usun, pwe en Kot echök ka manaman.

Jeremaia 51:48

Mürin ekewe läng me fanüfan pwal meinisin mi nom lor repwe köl fän pwapwa fänäsengesin Papilon. Pun ekewe chon kata repwe feito seni efeng pwe repwe maun ngeni.

Sona 2:9

Nge ngang üpwe kölün kilisou ngonuk, üpwe asor ngonuk o föri mine üa eäni pwon ngonuk. Pun en chök, ai Samol mi Lapalap, ka tufichin angasaei.”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 12:10

Mürin üa rongorong eu möngüngü mi leüömong lon läng a apasa, “Iei a fis än Kot amanaua aramas! Iei Kot a pwärätä an tufich le nemenem. Iei nöün we Messaia a pwärätä an nemenem! Pun ewe chon atipisi pwiich kewe lerän me lepwin mwen mesen Kot a koturutiu seni läng.

Pwärätä 19:6

Mürin üa rongorong eu möngüngü mi wewe ngeni möngüngün eu mwichen aramas mi fokun watte, a pwal wewe ngeni ngüngün chomong koluk me chopun chopulap mi leüömong a apasa, “Ousipwe mwareiti Kot! Pun ach Samol, ewe Kot mi Unusen Manaman a nemenem.