Pwärätä 18:5 - Chuukese Bible

⁵ Pun an kewe tipis ra chukuchukutä tori läng, nge Kot a chechemeni an kewe föför mi ngau.

Pwärätä 18:5 Iomraidhean Croise

2. Kronika 28:9

Nge eman nöün ewe Samol mi Lapalap soufos itan Otet a nom lon ewe telinimw Samaria. Ätei a towu lükün ewe telinimw, pwe epwe churi ewe mwichen sounfiu mi liwinla Samaria. Iwe, a üreniir, “Pokiten ewe Samol mi Lapalap än ämi kewe lewo we Kot a song ren chon Juta, iei mine a mwüt ngenikemi pwe oupwe akufuur. Nge ämi oua nirela ren eu ninni mi lapalap, pwe ngauen ewe föför a tori läng.

Esra 9:6

Iwe, üa apasa, “Ai Kot, üa fokun säw ai üpwe anetai mesei ngonuk. Pun äm kewe föföringau ra tekia seni mökürem, nge äm kewe tipis ra chukuchukutä tori läng.

Jeremaia 51:9

Sia mochen apöchökülasefäli Papilon, nge esap pöchökülsefäl. Ousipwe feil seni o liwinla ngeni en me poputän fanüan. Pun watten an apwüng a tori läng, a tekia usun tekian ekewe kuchu.

Sona 1:2

“Kopwe ütä o feila Ninifa ewe telinimw mi lapalap, pwe kopwe apwüngü aramasan, pun üa küna ar föför mi fokun ngau.”

Pwärätä 16:19

Ewe telinimw watte a kinikin lon ülüngat kinikin, nge telinimwen ekewe fanü meinisin ra tala. Iwe, Kot esap manlükala Papilon, ewe telinimw mi lapalap, a aünü ngeni ewe wain seni an kap, iei ewe wainen an lingeringer mi fokun afeiengau.