Pwärätä 18:4 - Chuukese Bible

⁴ Mürin üa rongorong möngüngün eman seni läng a apasa, “Oupwe towu, oupwe towu nei aramas seni lon Papilon! Iwe, ousap eti le föri an kewe tipis, pwe ousap angei och seni an kewe feiengau.

Pwärätä 18:4 Iomraidhean Croise

Keneses 19:14

Iwe, Lot a towu ren kofotun nöün kewe föpwül o üreniir, “Oupwe feil seni ikei, pun ewe Samol mi Lapalap epwe atai ei telinimw.” Nge ir me ruoman ra ekieki pwe a chök urumwot.

Kölfel 50:18

Are ka küna eman chon solä, ka chiechi ngeni, ka pwal nom ren ekewe chon lisowu.

Aisea 48:20

Oupwe towu seni Papilon o sü seni aramasen lon. Oupwe asilefeili ei pworaus fän mweireiren pwapwa, oupwe pwal arongafeili tori lesopun fanüfan o apasa, “Ewe Samol mi Lapalap a amanaua nöün chon angang Israel.”

Aisea 52:11

Oupwe towu, oupwe towu seni lon Papilon, nge ousap atapa och mettoch mi limengau. Oupwe towu seni o alimöchükemi, ämi mi mwärei pisekin imwen ewe Samol mi Lapalap.

Jeremaia 50:8

Ämi chon Israel, oupwe sü seni Papilon, oupwe towu seni ewe fanü. Oupwe wewe ngeni ekewe ätemwänin kuch mi akom mwen ewe pwiin man.

Jeremaia 51:45

Nei aramasen Israel, oupwe towu me lon Papilon. Oupwe en me kütta manauan o sü seni ai song mi fokun watte.

Jeremaia 51:50

Ewe Samol mi Lapalap a üreni nöün aramas me lon Papilon, “Ämi mi sü seni ewe mäfeiengau, oupwe feila, nge ousap üla. Oupwe chechemeniei ngang ewe Samol mi Lapalap me lon ewe fanü toau, nge Jerusalem epwe chem ngenikemi.

Jeremaia 51:6

Oupwe sü seni Papilon o kütta en me manauan. Ousap eti Papilon le mäla lon an apwüng, pun lon ei otun ewe Samol mi Lapalap epwe ngeni chappen an föför. Epwe liwini ngeni mine a pwüng ngeni an föför.

Jeremaia 51:9

Sia mochen apöchökülasefäli Papilon, nge esap pöchökülsefäl. Ousipwe feil seni o liwinla ngeni en me poputän fanüan. Pun watten an apwüng a tori läng, a tekia usun tekian ekewe kuchu.

Mateus 23:30

Oua apasa, ‘Are äm aia manau lon fansoun äm kewe lewo, äm aisap etiir le niela ekewe soufos.’

2. Korint 6:17

Iei mine ach Samol a apasa, “Oupwe towu seniir o aimwükemiila seniir. Ousap atapa och mettoch mi limengau, pwe üpwe etiwakemi.

1. Timoty 5:22

Kosap müttir le iseis poumw won eman om kopwe afeiöchü fän iten ewe angangen ach Samol. Kosap atolongok lon tipisin pwal ekoch aramas. Kopwe püsin tümwünuk om kopwe limöch.

2. Johannes 1:11

Pun eman mi eäni kapongen kinamwe ngeni, a wiliti eman chiechian lon ekewe sokun föföringau a föriir.