Pwärätä 18:3 - Chuukese Bible

³ Pun chon ekewe mwü meinisin ra puchula ren ar ün ünüman wain, iei ewe wainen an mocheisou. Ekewe kingen fanüfan ra föri föförün lisowu ngeni, nge ekewe chon amömö won fanüfan ra pisekisekila ren chomongun an kewe föför mi ngau.”

Pwärätä 18:3 Iomraidhean Croise

Aisea 47:15

Ina usun epwe fis ngonuk me ren chokewe oua angangfengen fän weires seni lekukunum. Ir meinisin repwe likituk o feila lon en me alan, nge esap wor eman leir epwe amanauok.”

Jeremaia 51:34

Ekewe chon Sion repwe apasa, “Nepukatnesar ewe kingen Papilon a atatakisikichetiu o oromikichela. A apökichela pwe sia usun epö pör mi pön. A oromikichela usun eman serepenit o amasoua lukan ren anach mongö mi anö. Mürin a kusufikichewu.

Jeremaia 51:7

Papilon a wewe ngeni eu kap kolt lon pöün ewe Samol mi Lapalap, a föri pwe chon fanüfan meinisin repwe sakawala ren. Chon ekewe mwü ra ün wain seni o umwesila ren.

Kölün kechü 4:5

Chokewe mi örüni mongö mi anö me lom ra mään echik won ekewe al, nge chokewe mi chök üföüf üf mi ling ra kon lon ioien falang.

Nahum 3:4

Ei a fis ngeni Ninifa pokiten chomongun an föförün lisowu. A liemung o föri angangen roong mi afeiengau, a atupu chon ekewe mwü ren an föförün lisowu me an angangen roong.

Lukas 7:25

Met chök oua feila ren pwe oupwe nengeni? Eman mwän mi üföüf üf mi pwetete o mürina? Ekewe aramas mi üföüf ei sokun üf o manau fän mecheres ra nonom lon imwen king.

1. Timoty 5:11

Nge kosap apachalong ekewe fefin mi mä pwülüer lon ewe tettel are ierir a kis seni wone, pun lupwen ra mochen pwüpwülü lon ar mochenia, repwe kul seni Kraist.

Pwärätä 14:8

Ewe aruomanün chon läng a tapweto me mürin ewe aemanün o a apasa, “A tala, a tala, Papilon mi lapalap! A aünü ngeni chon ekewe mwü meinisin ünüman wain mi pwichikar, ewe wainen an mocheisou!”

Pwärätä 17:2

Ekewe kingen fanüfan ra föri föförün lisowu ngeni o ekewe aramasen fanüfan ra puchula ren ar ün ünümen neminewe we wainen lisowu.”

Pwärätä 18:19

Iwe, ra wätä pwül won mökürer, ra kechü lon ar letipeta o apasa, “A ifan me watten feiengauan! A ifan me amairün feiengauen ei telinimw! Iei ewe telinimw ia chokewe mi wor waar sip mi sai le matau ra pisekisekila ren wöün. Lon eu chök awa mettoch meinisin mine a eäni a pöüt seni.”

Pwärätä 18:23

Esap chüen wor eman epwe küna tinen eu lamp lon en, esap pwal chüen wor eman epwe rongorong möngüngün ekewe mwän apwüpwülü söfö me fin apwüpwülü söfö me lon en. Noumw kewe chon amömö a wor ar pöchökül won unusen fanüfan, nge ren om angangen rong ka atupu aramasen fanüfan meinisin!”

Pwärätä 18:7

Oupwe awora ngeni neminei chomong riaföü me letipeta, usun chök watten ewe ling a püsin alinga ngeni me ewe pwapwan fanüfan a awora ngeni. Pun a püsin ekieki lon letipan, ‘Ngang eman kiwin, üa mot won ai lenien mot! Ngang üsap eman fin lipichsefäl. Ngang üsap fokun tolong lon letipeta.’

Pwärätä 18:9

Iwe, ekewe kingen fanüfan mi eti i le föri föförün lisowu me mocheniangau repwe pupuchör o kechüeiti ewe telinimw, lupwen repwe küna ötüötün ewe ekkei mi kenala.