Pwärätä 18:2 - Chuukese Bible

² A kökkö ren mwelian mi leüömong, “A tala, a tala Papilon mi lapalap. Iei a wiliti eu lenien anün rochopwak me ngün mi limengau. Sokopaten machang mi limengau me anioput ra nonom lon.

Pwärätä 18:2 Iomraidhean Croise

Aisea 14:23

Iwe, üpwe awili Papilon ngeni eu lenien pwakak fukuro ra chök lenieni, üpwe pwal pirumwei ren efoch pirum mi afeiengau. Ngang ewe Samol mi Unusen Manaman üa kapas.”

Jeremaia 25:30

Iei mine kopwe osuni ngeniir ekei kapas meinisin o üreniir, ‘Ewe Samol mi Lapalap epwe kökkö fän leüömong seni läng, epwe alapatä mwelian seni lenian mi pin. Epwe fokun kökkö fän leüömong ngeni nöün aramas o mweir usun chokewe mi puri föün wain. Epwe apwas ngeni chon fanüfan meinisin.

Jeremaia 51:37

Papilon epwe wiliti eu ioien mettoch mi tala, eu leni ia kolak mi mwacho ra nom ie. Epwe och minen eniweniw me och minen turunufas, eu leni esap so.

Jeremaia 51:8

Lon eu chök otun Papilon a turutiu o tala. Oupwe kechüeiti, oupwe küt säfeen an metek, eli epwe tongeni pöchökülsefäl.

Sowel 3:16

Iwe, ewe Samol mi Lapalap a leüömong le kökkö seni Sion, mwelian a towu seni Jerusalem, iwe, läng me fanüfan ra chechech ren. Nge ewe Samol mi Lapalap epwe eu lenien op fän iten nöün aramas, pwal eu imwen maun mi pöchökül fän iten chon Israel.

Sefanaia 2:14

Epwe eu leni ia pwin sip me kow me sokopaten man repwe nom ie. Ekewe fukuro repwe nom letonen ekewe ür, nge tirisin ngüngür epwe towu seni ekewe asammwacho. Ioien pipi repwe nom lon ekewe asamalap, etippen ekewe imw seni setar repwe ripiwu.

Pwärätä 1:15

pachapachan ra meriweriw usun chök piras mi limelim me amis, nge möngüngün a usun chök ngüngün noon won woch.

Pwärätä 10:3

Iwe, a kökkö ren mwelian mi leüömong mi wewe ngeni wörüwörün eman laion. Mürin an kökkö, fisu chopulap ra leüömong le pölüeni.

Pwärätä 11:8

nge somäär repwe nom won alen ewe telinimw watte, ia ar we Samol a iräpenges ie. Iten ei telinimw lon kapasen awewe Sotom me Isip.

Pwärätä 14:15

Iwe, pwal eman chon läng a towu seni ewe imwenfel o a kökköla ren mwelian mi leüömong ren ewe eman mi mot won ewe kuchu, “Kopwe nöünöü noumw we kama o kini ewe räs! Pun ewe räsin fanüfan a fokun nup o ewe fansoun kinikinin räs a war.”

Pwärätä 14:8

Ewe aruomanün chon läng a tapweto me mürin ewe aemanün o a apasa, “A tala, a tala, Papilon mi lapalap! A aünü ngeni chon ekewe mwü meinisin ünüman wain mi pwichikar, ewe wainen an mocheisou!”

Pwärätä 16:13

Mürin üa küna ülüman ngün mi limengau ra wewe ngeni kairü. Ekei ngün ra towu seni lon awen ewe trakon, seni lon awen ewe manmwacho, pwal seni lon awen ewe soufos chofona.

Pwärätä 16:19

Ewe telinimw watte a kinikin lon ülüngat kinikin, nge telinimwen ekewe fanü meinisin ra tala. Iwe, Kot esap manlükala Papilon, ewe telinimw mi lapalap, a aünü ngeni ewe wain seni an kap, iei ewe wainen an lingeringer mi fokun afeiengau.

Pwärätä 17:18

Ewe fefin ka küna, iei ewe telinimw mi lapalap a nemenem won ekewe kingen fanüfan.”

Pwärätä 17:5

A mak eu it won chamwan a monomon wewen: Papilon mi lapalap, inelapen ekewe fin lisowu meinisin me ekewe föför mi anioput won fanüfan.

Pwärätä 18:10

Ra ütä me toau, pun ra niuokus ar repwe eti lon an riaföü. Ra apasa, “A ifan me watten feiengauom! A ifan me amairün feiengauom! En telinimw Papilon mi watte o pöchökül. Lon eu chök awa ka küna apwüng!”

Pwärätä 18:21

Mürin eman chon läng mi pöchökül a ekietä eföü fau mi wewe ngeni eföü föün föir mi watte, a aturätiu lon ewe matau o apasa, “Iei usun en Papilon, ewe telinimw mi watte, kopwe fokun koturfochofochotiu fän pöchökül, o kosap chüen pwäsefäl.

Pwärätä 5:2

Mürin üa küna eman chon läng mi pöchökül a kökkö ren mwelian mi leüömong, “Iö a fich ngeni an epwe ülei ekewe pwau o suki ewe toropwe?”