Pwärätä 18:10 - Chuukese Bible

¹⁰ Ra ütä me toau, pun ra niuokus ar repwe eti lon an riaföü. Ra apasa, “A ifan me watten feiengauom! A ifan me amairün feiengauom! En telinimw Papilon mi watte o pöchökül. Lon eu chök awa ka küna apwüng!”

Pwärätä 18:10 Iomraidhean Croise

Aisea 21:9

Mürin chök ekewe chon wawa oris ra war. Iwe, ewe chon mas a apasa, “A tur, a tur Papilon, ar kewe uluulun anümwäl ra mökküla o parasala le pwül.”

Aisea 47:9

Nge ekei ruu mettoch repwe müttir toruk lon eu chök rän: Noum kewe repwe fokun mäla, nge en kopwe wiliti eman fefin mi mä pwülüan. Iwe, ei feiengau epwe toruk, inamwo are a chomong om kewe roong ika watte manamanen om kewe pöüt.

Jeremaia 30:7

Eu rän mi fokun eniuokus epwe war, esap wor eu rän usun chök ei. Epwe eu fansoun riaföü fän iten ekewe mwirimwirin Jakop, nge ir repwe ngasewu seni.”

Isikiel 32:9

Iwe, üpwe ariaföüü leluken aramasen chomong mwü, lupwen pworausen om feiengau epwe tori ekewe fanü kosamwo sileer me mwan.

Sowel 1:15

Eniwokusun lon ewe rän. Pun ränin ewe Samol mi Lapalap a arap. Ewe rän a war, eu ränin afeiengau me ren ewe Kot mi Unusen Manaman.

Amos 5:16

Nge pokiten ämi tipis, Kot ewe Samol mi Unusen Manaman a apasa, “Epwe wor ngüngüres lon ekewe lenien chulap me lon ewe telinimw me puchörün riaföü me lon ekewe al meinisin. Repwe köri ekewe chon angang lon tanipi pwe repwe feila o ngüngüres, fiti chokewe mi angei liwinir le eäni ekewe kölün kechü.

Numperis 16:34

Iwe, ekewe chon Israel meinisin mi nom ünükür ra sü, lupwen ra rong ar puchör. Ra puchör le apasa, “Sipwe sü pwe ewe pwül esap pwal oromikichela.”

Pwärätä 11:8

nge somäär repwe nom won alen ewe telinimw watte, ia ar we Samol a iräpenges ie. Iten ei telinimw lon kapasen awewe Sotom me Isip.

Pwärätä 14:8

Ewe aruomanün chon läng a tapweto me mürin ewe aemanün o a apasa, “A tala, a tala, Papilon mi lapalap! A aünü ngeni chon ekewe mwü meinisin ünüman wain mi pwichikar, ewe wainen an mocheisou!”

Pwärätä 16:19

Ewe telinimw watte a kinikin lon ülüngat kinikin, nge telinimwen ekewe fanü meinisin ra tala. Iwe, Kot esap manlükala Papilon, ewe telinimw mi lapalap, a aünü ngeni ewe wain seni an kap, iei ewe wainen an lingeringer mi fokun afeiengau.

Pwärätä 17:12

“Ekewe engol mächä ka küna, ir engol king resamwo popuetä le nemenem, nge epwe toriir ewe pwüüng pwe repwe nemenem lon wisen king fiti ewe manmwacho lon ükükün eu awa chök.

Pwärätä 18:18

o pupuchör lupwen ra küna ötüötün ewe ekkei mi kenala ewe telinimw. Ra apasa, “Esap fokun wor pwal eu telinimw mi wewe ngeni ei telinimw mi watte!”

Pwärätä 18:19

Iwe, ra wätä pwül won mökürer, ra kechü lon ar letipeta o apasa, “A ifan me watten feiengauan! A ifan me amairün feiengauen ei telinimw! Iei ewe telinimw ia chokewe mi wor waar sip mi sai le matau ra pisekisekila ren wöün. Lon eu chök awa mettoch meinisin mine a eäni a pöüt seni.”

Pwärätä 18:21

Mürin eman chon läng mi pöchökül a ekietä eföü fau mi wewe ngeni eföü föün föir mi watte, a aturätiu lon ewe matau o apasa, “Iei usun en Papilon, ewe telinimw mi watte, kopwe fokun koturfochofochotiu fän pöchökül, o kosap chüen pwäsefäl.

Pwärätä 18:8

Pokiten a eäni ei sokun ekiek, lon eu chök rän neminei epwe fokun tolong lon ekei feiengau: samau, letipeta me mailengita. Iwe, epwe karala ren ekkei, pun ach Samol Kot, ewe mi apwüngü, a wor an pöchökül.”