Pwärätä 17:6 - Chuukese Bible

⁶ Üa küna ewe fefin pwe a puchula ren chaan ekewe chon pin me chaan chokewe mi ninnila pokiten ar allükülük ngeni Jesus. Lupwen üa küna neminewe, üa fokun mairü.

Pwärätä 17:6 Iomraidhean Croise

Taniel 7:21

Iwe, lupwen üa nenengeni, üa küna pwe ei mächä a maun ngeni ekewe chon pin o akufuur,

Taniel 7:25

Iwe, epwe eäni kapasen üpälü ngeni Ewe mi Fokun Tekia, epwe pwal ariaföüü ekewe chon pin nöün Ewe mi Fokun Tekia o ekiekin siwili fansoun me allük. Iwe, ekewe chon pin repwe tolong fän nemenian lon ükükün ülüngat esop ier.

Apakuk 1:13

Mesom ra men limöch pwe kosap tongeni nenengeni föför mi ngau, kosap tongeni tipeeu ngeni föför mi mwäl. Nge pwota ka tipeeu ngeni ekei aramas mi eäni rawangau? Pwota ka fanafanala, lupwen ekewe aramasangau ra arosala chokewe mi pwüng seniir?

Johannes 2:10

o üreni, “Aramas meinisin ra akomwen uwawu ewe wain mi fokun mürina. Mürin än ekewe chon kökköto ünümi chomong, epwe uwawu ewe wain mi mökükün. Nge en ka amwöchü ewe wain mi fokun mürina tori iei.”

Föför 22:20

Nge lupwen ar niela noumw chon pwärätä Stefanus, ngang üa nom ikenan o tipeeu ngeni ar niela, üa pwal tümwünü üfen ätekewe mi niela i.’

Pwärätä 12:11

Pwiich kewe ra akufu Satan ren chaan ewe Lam, ren ewe kapasen manau ra pwärätä, pwal ren ar mochen fangatä manauer pwe repwe mäla.

Pwärätä 13:15

A mwümwütä ngeni ewe aruomanün manmwacho pwe epwe ngaseralong manau lon uluulun ewe aemanün manmwacho, pwe ewe uluulun a tongeni kapas, a pwal tongeni niela chokewe meinisin resap mochen fel ngeni.

Pwärätä 13:7

A mwümwü ngeni an epwe fiu ngeni ekewe chon pin o akufuur, a pwal angei an nemenem won ekewe ainang me mwü me kapas me mwich meinisin.

Pwärätä 16:6

Pun ra ninätiu chaan ekewe chon pin me ekewe soufos, iei mine ka ngeniir cha pwe repwe ünümi usun a fich ngeniir!”

Pwärätä 2:13

Üa silei ia ka nom ie, lon ewe leni ia än Satan lenien motun king a pwal nom ie. Ka allükülük ngeniei o kosap likitala om lüküei, inamwo ika lon ewe fansoun Antipas, nei chon pwärätä mi allükülük, a ninnila lon ewe leni ia Satan a nom ie.