Pwärätä 17:4 - Chuukese Bible

⁴ Ei fefin a üföüf üf mi parachol me parapar, a pwal foute ngeni sokopaten fout seni kolt, fau mi aüchea me föün pwei. A amwöchü lepöün eu kap seni kolt mi ur ren sokopaten mettoch mi anioput me limengauen an föförün lisowu.

Pwärätä 17:4 Iomraidhean Croise

1. King 14:24

Nge a pwal wor mwän me lon ewe fanü, ra fangala inisir fän iten lisowu lon ekewe lenien fel ngeni anümwäl. Iwe, chon Israel ra föri ekewe föför mi anioput usun chök chon ekewe mwü ewe Samol mi Lapalap a asürela me mwer.

2. King 21:2

Manasa a föri mine a ngau me fän mesen ewe Samol mi Lapalap ren an föri ekewe föför mi anioput chon ekewe mwü ra föri, ir chokewe ewe Samol mi Lapalap a asürela me mwen ekewe aramasen Israel.

Esra 9:11

en ka allük ngeni noum kewe chon angang ekewe soufos, lupwen ka apasa, ‘Ewe fanü oua tolong lon pwe oupwe fanüeni, eu fanü mi limengau pokiten aramasen ekewe fanü ra aurala ren ar föför mi fokun anioput seni epek tori epek.

Aisea 66:3

Nge eman mi niela eman kow fän iten asor, nge esap föri letipei, a usun chök eman mi niela eman aramas. Eman mi eäni asor eman sip a usun chök eman mi niela eman kolak. Iwe, eman mi uwato asoren mongö a usun chök eman mi eäni asor chan pik, nge eman mi keni apach mi pwokus a usun chök eman mi fel ngeni uluulun anümwäl. Iwe, ekana sokun aramas ra chök püsin filätä letiper, nge leluker a pwapwaiti ar föför mi anioput.

Jeremaia 51:7

Papilon a wewe ngeni eu kap kolt lon pöün ewe Samol mi Lapalap, a föri pwe chon fanüfan meinisin repwe sakawala ren. Chon ekewe mwü ra ün wain seni o umwesila ren.

Kölün kechü 1:9

An limengau a nom lon üfan, nge i esap ekieki an feiengau. Iei mine an turula a fokun afeiengau, esap wor eman a achipa. “Ai Samol mi Lapalap, kopwe nenengeni ai riaföü, pun ewe chon oputaei a win.”

Isikiel 20:30

Iwe, kopwe üreni ekewe chon Israel, ‘Iei alon Kot ewe Samol mi Lapalap: Pwota oua chök föri ekewe tipis semelapemi kewe ra föri o mocheisou ngeni ar kewe uluulun anümwäl mi anioput?

Isikiel 24:11

Iei kopwe isetä ewe kama mi pön won ekkei pwe epwe sarara. Mürin, limengauen lon me parangan repwe morola.

Isikiel 24:13

Jerusalem, om mocheisou iei om limengau. Iwe, üa sotuni ai üpwe limetuk, nge kosap limöchüla. Iei mine kosap fokun limöch, tori üpwe amüchü ai lingeringerituk.

Isikiel 28:13

Ka nom lon Eten ewe tanipin Kot. Ka fout ngeni sokopaten fau aüchea iter karnelian, topas, jaspis, kirisolait, peril, oniks, safaia, karpungkel me emeralt. Mi wor om fout seni kolt, ra för fän itom lon ewe rän Kot a föruk.

Isikiel 36:25

Üpwe äsupu ngenikemi koluk mi fat pwe oupwe limöch. Üpwe alimöchükemi seni ämi limengauen tipis meinisin, pwal seni ämi kewe uluulun anümwäl meinisin.

Taniel 11:38

Nge epwe asamolu ewe kot mi tümwünü imwen maun, eman kot an kewe lewo resap silei. Iwe, epwe asamolu o asor ngeni kolt me silifer, fau aüchea me pisek mi aüchea.

Osea 9:10

Iwe, ewe Samol mi Lapalap a üra, “Lupwen üa küna Israel me lom, a usun chök ai küna föün irän wain lon fanüapö. Lupwen üa küna ämi kewe lewo, a usun chök ai küna mwen uän ewe irä fik. Nge lupwen ra tori Paal-peor, ra popuetä le fel ngeni ewe anü Paal o wiliti och minen anioput usun chök ekewe anümwäl ra echeni.

Tuteronomi 29:17

Oua küna ar kewe uluulun anümwäl mi anioput ra för seni mwüch me fau, seni silifer me kolt.

Pwärätä 14:8

Ewe aruomanün chon läng a tapweto me mürin ewe aemanün o a apasa, “A tala, a tala, Papilon mi lapalap! A aünü ngeni chon ekewe mwü meinisin ünüman wain mi pwichikar, ewe wainen an mocheisou!”

Pwärätä 18:12

Esap chüen wor eman a kamö ar kolt, silifer, fau aüchea, föün pwei, ar mangaku mi pwechepwech, mangaku mi parachol, mangaku mi mitimit me mangaku mi parapar, sokopaten mwüch mi pwoöch, sokopaten pisek mi för seni ngiin äläfan me sokun mwüch mi liwinimong, pisek seni piras me mächä me ekewe fau iter marpel.

Pwärätä 18:16

repwe apasa, “A ifan me watten feiengauan! A ifan me amairün feiengauen ewe telinimw mi watte! A soun üföüf üf mi pechepwech, parachol me parapar o foutei ngeni sokun fout seni kolt, fau aüchea me föün pwei!

Pwärätä 19:2

An kewe kapwüng ra let o pwüng! A apwüngü ewe fin lisowu mi iteföüla, a angauala chon fanüfan ren an föförün lisowu. Kot a ngeni chappen an föför, pun a niela nöün kewe chon angang.”

Pwärätä 21:21

Ekewe engol me ruu asamalap ra för seni engol me ruoföü föün pwei, eu me eu kewe asamalap a för seni eföü chök föün pwei. Nge alen ewe telinimw a för seni kolt mi fokun mürina, a kurufat usun kilas.

Pwärätä 9:21

Resap pwal aier seni ar niela aramas, ar föri angangen rong me föri föförün lisowu ika ar solä.