Pwärätä 17:2 - Chuukese Bible

² Ekewe kingen fanüfan ra föri föförün lisowu ngeni o ekewe aramasen fanüfan ra puchula ren ar ün ünümen neminewe we wainen lisowu.”

Pwärätä 17:2 Iomraidhean Croise

Jeremaia 51:7

Papilon a wewe ngeni eu kap kolt lon pöün ewe Samol mi Lapalap, a föri pwe chon fanüfan meinisin repwe sakawala ren. Chon ekewe mwü ra ün wain seni o umwesila ren.

Nahum 3:4

Ei a fis ngeni Ninifa pokiten chomongun an föförün lisowu. A liemung o föri angangen roong mi afeiengau, a atupu chon ekewe mwü ren an föförün lisowu me an angangen roong.

Johannes 2:10

o üreni, “Aramas meinisin ra akomwen uwawu ewe wain mi fokun mürina. Mürin än ekewe chon kökköto ünümi chomong, epwe uwawu ewe wain mi mökükün. Nge en ka amwöchü ewe wain mi fokun mürina tori iei.”

Pwärätä 14:8

Ewe aruomanün chon läng a tapweto me mürin ewe aemanün o a apasa, “A tala, a tala, Papilon mi lapalap! A aünü ngeni chon ekewe mwü meinisin ünüman wain mi pwichikar, ewe wainen an mocheisou!”

Pwärätä 17:13

Ekei engol king ra tipeeufengen, iwe, ra ngeni ewe manmwacho ar pöchökül me nemenem.

Pwärätä 17:17

Pun Kot a atolonga lon letiper pwe repwe apwönüetä an ekiek ren ar repwe tipeeufengen le ngeni ewe manmwacho pöchökülen ar nemenem tori än Kot kapas repwe pwönüetä.

Pwärätä 17:5

A mak eu it won chamwan a monomon wewen: Papilon mi lapalap, inelapen ekewe fin lisowu meinisin me ekewe föför mi anioput won fanüfan.

Pwärätä 17:8

Ewe manmwacho ka küna a manau me lom, nge iei esap chüen manau, epwele feitä seni lon ewe pwang mi alolol pwe epwe tolong lon feiengauen pöütmwälila. Ekewe aramas mi nom won fanüfan iter esap mak lon ewe puken iten chon manau me mwen än Kot esamwo föri fanüfan, ir meinisin repwe mairü lupwen repwe nenengeni ewe manmwacho, pun a manau me lom o iei esap chüen manau, nge epwe pwal pwäsefäl.

Pwärätä 18:23

Esap chüen wor eman epwe küna tinen eu lamp lon en, esap pwal chüen wor eman epwe rongorong möngüngün ekewe mwän apwüpwülü söfö me fin apwüpwülü söfö me lon en. Noumw kewe chon amömö a wor ar pöchökül won unusen fanüfan, nge ren om angangen rong ka atupu aramasen fanüfan meinisin!”

Pwärätä 18:3

Pun chon ekewe mwü meinisin ra puchula ren ar ün ünüman wain, iei ewe wainen an mocheisou. Ekewe kingen fanüfan ra föri föförün lisowu ngeni, nge ekewe chon amömö won fanüfan ra pisekisekila ren chomongun an kewe föför mi ngau.”

Pwärätä 18:9

Iwe, ekewe kingen fanüfan mi eti i le föri föförün lisowu me mocheniangau repwe pupuchör o kechüeiti ewe telinimw, lupwen repwe küna ötüötün ewe ekkei mi kenala.

Pwärätä 2:22

Nengeni, üpwe apwüngü i me chokewe mi föri ar föförün lisowu ngeni ren eu samau, iwe, repwe tolong lon watten riaföü. Iei met üpwe föri, are resap aier seni ar kewe föför mi ngau ra förifengeni.

Pwärätä 3:10

Pokiten ka tümwünü ai kewe kapas, pwe kopwe likitü fän mosonotam, üpwe pwal tümwünuk seni ewe fansoun riaföü epwe feito won unusen fanüfan, pwe epwe sotuni aramas meinisin mi nom won fanüfan.

Pwärätä 9:21

Resap pwal aier seni ar niela aramas, ar föri angangen rong me föri föförün lisowu ika ar solä.