Pwärätä 16:8 - Chuukese Bible

⁸ Mürin ewe afömanün chon läng a ninätiu masouen sepian we won ewe akkar. Iwe, a mwümwütä ngeni akkar pwe epwe keni aramas ren watten pwichikaran.

Pwärätä 16:8 Iomraidhean Croise

Aisea 24:23

Mürin, maram me akkar repwe tinengauala ren ar säw, pun ewe Samol mi Unusen Manaman epwe nemenem won ewe chuk Sion, pwal lon Jerusalem. Iwe, ekewe souakomwen lon ewe telinimw repwe küna an ling.

Sona 4:8

Nge lupwen akkar a tötä, Kot a tinato och asepwäl mi pwichikar seni ötiu. Iwe, akkar a pwichiti möküren Sona pwe a fokun aiengau. Iwe, a tüngor pwe epwe mäla. A pwal apasa, “A mürina ai üpwe mäla mwen ai üpwe manau.”

Mateus 13:6

Iwe, lupwen akkar a tötä, pwichikaran a pwichiti ekewe kükün irä. Nge pokiten esap wor warer, ra müttir pwasala.

Lukas 21:25

“Iwe, epwe wor ekoch lapalap epwe fis ngeni akkar, maram me fü kana. Nge won fanüfan chomong fanü repwe nom lon watten riaföü, repwe niuokus ren ngüngün matau me püngüpüngün no.

Föför 2:20

Akkar epwe rochola, nge maram epwe wiliti cha, mwen epwe war ränin ewe Samol, ewe rän mi lap o ling.

Pwärätä 14:18

Mürin pwal eman chon läng, ewe mi wisen tümwünü ewe ekkei a feito seni ewe rongen asor. A kökköla ren mwelian mi leüömong ren ewe chon läng mi amwöchü ewe kama mi ken, “Kopwe nöünöü noumw we kama o pökü ekewe umwun uän wain seni lon ewe tanipin wain won fanüfan, pun ra nup!”

Pwärätä 6:12

Iwe, üa nenengeni pwe ewe Lam a ülei ewe awonuen pwau. A fis eu chechechin fanü mi fokun lapalap. Akkar a fokun rochola usun chök mangaku mi chol seni tuk, nge ewe maram a fokun parala usun chök paren cha.

Pwärätä 7:16

Resap chüen echik ika kaka, akkar esap chüen pwichitiir, nge och pwichikar esap toriir.

Pwärätä 8:12

Mürin ewe afömanün chon läng a ettiki nöün rappwa. Iwe, eu leülüngatin ewe akkar a rochola, pwal eu leülüngatin ewe maram me eu leülüngatin ekewe fü, pwe eu leülüngatir resap chüen saram. Lerän esap wor saram lon ükükün rüanü awa, lepwin esap pwal wor saram lon ükükün rüanü awa.

Pwärätä 9:2

Lupwen ewe fü a suki ewe pwang mi alolol, ötüöt a ötütä seni lon, usun ötüötün eu um mi watte. Akkar me enienin asepwäl ra rochola ren ewe ötüöt seni lon ewe pwang mi alolol.