Pwärätä 16:7 - Chuukese Bible

⁷ Mürin üa rongorong mwelien eman seni ewe rongen asor a apasa, “Kot, Samol mi Unusen Manaman! Pwüngün om kewe kapwüng ra wesewesen let o pwüng!”

Pwärätä 16:7 Iomraidhean Croise

Aisea 6:6

Mürin, eman lein ekewe Serafim a ässito rei, nge a amwöchü lepöün eföü molien ekkei a angei won efoch achip seni won ewe rongen asor.

Isikiel 10:2

Kot a üreni ewe mwän mi üföüf echö üf mi pwechepwech, “Kopwe tolong lefilen ekewe wiil mi kul fän ekewe kerop. Kopwe tukei lon poum molien ekkei mi sarara seni lefilen ekewe kerop o atoropasafeiliir won ewe telinimw.” Iwe, lupwen üa katol, a tolong lon.

Isikiel 10:7

Mürin, eman seni lein ekewe kerop a aitiela pöün ngeni ewe ekkei a nom lefilen ekewe kerop, a angei ekoch molian o uwalong lepöün ewe mwän mi üföüf echö üf mi pwechepwech. Iwe, ewe mwän a angei ewe molien ekkei o towu lükün.

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.

Pwärätä 13:10

Are eman epwe oola, epwe chök oola, are eman epwe ninnila ren ketilas, epwe chök ninnila ren ketilas. Iei lomotan pwe epwe wor än ekewe chon pin likitü me lükülük.

Pwärätä 14:10

epwe ün seni än Kot we wain, ewe wainen an lingeringer. Iei ewe wain mi pöchökül Kot a ninalong lon an we kapen song! Iwe, chokewe meinisin mi eäni ewe asisil repwe fokun riaföü lon ekkei me primston me mwen ekewe chon läng mi pin me ewe Lam.

Pwärätä 14:18

Mürin pwal eman chon läng, ewe mi wisen tümwünü ewe ekkei a feito seni ewe rongen asor. A kökköla ren mwelian mi leüömong ren ewe chon läng mi amwöchü ewe kama mi ken, “Kopwe nöünöü noumw we kama o pökü ekewe umwun uän wain seni lon ewe tanipin wain won fanüfan, pun ra nup!”

Pwärätä 19:2

An kewe kapwüng ra let o pwüng! A apwüngü ewe fin lisowu mi iteföüla, a angauala chon fanüfan ren an föförün lisowu. Kot a ngeni chappen an föför, pun a niela nöün kewe chon angang.”

Pwärätä 6:9

Mürin ewe Lam a ülei ewe alimuen pwau. Iwe, üa küna fän ewe rongen asor ngünün chokewe mi ninnila pokiten ar arongafeili än Kot kapas o eäni allükülük lon ar pwärätä itan.