Pwärätä 16:4 - Chuukese Bible

⁴ Mürin ewe aülümanün chon läng a ninätiu masouen sepian we lon ekewe chanpupu me ekewe puächen koluk pwe ra wiliti cha.

Pwärätä 16:4 Iomraidhean Croise

Kölfel 78:44

Iwe, Kot a awili lölön ekewe chanpupu ngeni cha, pwe ekewe chon Isip resap tongeni ün seniir.

Ekistos 8:5

Iwe, ewe Samol mi Lapalap a üreni Moses, “Kopwe kapas ngeni Aaron pwe epwe aitiela pöün fiti wokun won ekewe chanpupu me ekewe warawar, pwal won ekewe nasen koluk, pwe kairü repwe tötä won ewe fanü Isip.”

Aisea 50:2

Pwota esap wor eman a nom, lupwen üa feito? Pwota esap wor eman a päpälü, lupwen üa kökkö? Ifa usun, pei a mochomoch pwe üsap tongeni amanauakemi? Ifa usun, esap wor ai tufich pwe üpwe tongeni angasakemi? Üa apwasatä matau ren ai kapasen fön, üa pwal awili chanpupu ngeni fanüapö, pwe ikenen lon ra mäla o pwongau pokiten esap wor koluk.

Isikiel 35:8

Iwe, üpwe pwölüela chukum kewe mi tekia ren somä, nge aramas mi mäla lon maun repwe turula won chukum mi tekison, pwal lon om kewe lemol me pwokur.

Osea 13:15

Inamwo ika Israel epwe mämäritä usun ekewe wowo, üpwe tinato eu asepwälin ötiu, epwe enito seni ewe fanüapö. Epwe amorätä an kewe puächen koluk me an kewe chönüttu. Aramas repwe angei fän pöchökül an kewe pisek aüchea meinisin seni an we lenien iseis.

Pwärätä 11:6

A wor ar manaman ar repwe pinei läng pwe esap püngütiu üt lon ükükün ewe fansoun ra arongafeili än Kot kapas. A wor ar manaman won ekewe puächen koluk ar repwe awili ngeni cha. A pwal wor ar manaman ar repwe afeiengaua fanüfan ren sokopaten feiengau fansoun inet chök ra mochen.

Pwärätä 14:7

A apasa ren mwelian mi leüömong, “Oupwe asamolu Kot o mwareiti an tekia! Pun a war ewe fansoun pwe epwe apwüngü chon fanüfan. Oupwe fel ngeni ewe mi föri läng me fanüfan, matau me ekewe lenien puächen koluk!”

Pwärätä 16:5

Iwe, üa rongorong pwe ewe chon läng mi wisen tümwünü ekewe koluk a apasa, “Pwüngün om kewe kapwüng ra pwüng. En ewe mi Pin, ka nom iei o ka fen nonom!