Pwärätä 16:2 - Chuukese Bible

² Iei mine ewe aemanün chon läng a feila o ninätiu masouen sepian we won fanüfan. Iwe, och sokun ruup mi fokun ngau o metek a pwäwu me won chokewe mi eäni asisilen ewe manmwacho, pwal won chokewe mi fel ngeni uluulun we.

Pwärätä 16:2 Iomraidhean Croise

2. Kronika 21:15

Nge püsin en kopwe samauni eu samau mi fokun weires ren samaun lukom, epwe ngauala rän me rän, tori tarom repwe seliseliwu.”

2. Kronika 21:18

Iwe, mürin an fis ekei pworaus meinisin, ewe Samol mi Lapalap a asamaua Jehoram ren eu samaun luk esap tongeni pöchökül ren.

Kölfel 78:26

A pwal föri pwe asepwälin ötiu a enien fän läng, nge ren an manaman a emwenawu ewe asepwälin ör.

Aisea 3:17

Iei mine üpwe orupu mökürer pwe meten mökürer repwe mworola, pwe repwe mongopan.”

Aisea 3:24

Iwe, epwe fis pwe ar pwokus ren lö epwe siwil ngeni pwongau, nge siwilin ar pelit repwe aea säl. Iwe, mökürer mi langatam epwe mwor pwe repwe mongopan, resap üföüf üf mi lingöch, nge repwe üföüf üf seni tuk, nge chokewe mi liöch repwe liengau.

Föför 12:23

Lon ewe chök otun nöün ewe Samol chon läng a ni Herotes, pun esap ngeni Kot lingan. Iwe, moso ra äni fitukan pwe a mäla.

Tuteronomi 28:27

Ewe Samol mi Lapalap epwe afeiengauakemi ren mach usun a fis ngeni chon Isip, epwe afeiengauakemi ren pwo me kilingau me pwerik, nge esap wor säfeian pwe oupwe tongeni pöchökül ren.

Tuteronomi 28:35

Ewe Samol mi Lapalap epwe afeiengaua pwäsukumi me pechemi ren mach mi fokun emetek, epwe würi seni fän pechemi tori won möküremi, nge ousap tongeni pöchökül ren.

Tuteronomi 7:15

Iwe, ewe Samol mi Lapalap epwe epeti senikemi samau meinisin. Ekewe samaungau oua sileer me lon Isip resap ariaföüükemi. Nge Kot epwe anomuur won chokewe meinisin mi oputakemi.

Pwärätä 13:12

A aea än ewe aemanün manmwacho nemenem mi watte me mwen mesan. A pöchökül ngeni chon fanüfan meinisin, pwe repwe fel ngeni ewe aemanün manmwacho, ewe kinasan we a mola.

Pwärätä 14:16

Iei mine ewe mi mot won ewe kuchu a ätteri ngeni fanüfan nöün we kama o a kini räsin fanüfan.

Pwärätä 14:9

Ewe aülümanün chon läng a tapweto me mürin ewe aemanün me aruomanün o a apasa ren mwelian mi leüömong, “Iö a fel ngeni ewe manmwacho me uluulun we o eäni ewe asisil won chamwan ika won pöün

Pwärätä 16:1

Mürin üa rongorong mwelien eman mi leüömong seni lon ewe imwenfel a üreni ekewe füman chon läng, “Oupwe feila o ninätiu ekewe fisu sepi mi ur ren än Kot lingeringer won fanüfan!”

Pwärätä 16:11

Iwe, ra otteki Kot mi nom läng pokiten metekin rupur kewe, nge resap mochen aier seni ar kewe föför mi ngau.

Pwärätä 8:7

Iwe, lupwen ewe aemanün a ettiki nöün rappwa, üten fau me ekkei mi nofitfengen me cha ra turutiu won fanüfan. Eu leülüngatin fanüfan a karala, pwal eu leülüngatin irä me ekewe fetil meinisin.

1. Samuel 5:6

Iwe, ewe Samol mi Lapalap a afeiengaua ekewe chon Astot me chon wisoposopun kewe. A ataela fanüer o ariaföüür ren pwo.

1. Samuel 5:9

Nge mürin ar uwala ikenan, ewe Samol mi Lapalap a afeiengaua chon ewe telinimw o awarato wor niuokus watte. A ariaföüü aramasen ewe telinimw seni semirit tori chinlap, pwe pwo ra pwüküwu me wor.