Pwärätä 16:16 - Chuukese Bible

¹⁶ Mürin ekewe ngün ra achufengeni ekewe king lon ewe leni mi iteni lon kapasen Ipru Armaketon.

Pwärätä 16:16 Iomraidhean Croise

2. Kronika 35:22

Iei mwo nge Josia esap fokun kul seni Neko. Esap mochen aüselinga ekewe kapas Neko a üreni fän alon Kot. A asokala üfan o feila maun ngeni me lon ewe maasiesin Mekito.

Sekaraia 12:11

Lon ena fansoun ewe ngüngüres lon Jerusalem epwe watte usun ewe ngüngüres fän iten Hatat-rimon me lon ewe maasiesin Mekito.

Johannes 19:13

Lupwen Pilatus a rongorong ekei kapas, a emwenawu Jesus lükün o a mottiu won an lenien motun souapwüng, lon ewe leni itan “Chech fau.” (Lon kapasen Ipru: Kapata.)

Johannes 19:17

Iwe, Jesus a mwärei an iräpenges, a towu lükün ewe telinimw o feila lon ewe leni itan “Lenien Pösökün Mökür” lon kapasen Ipru “Kolkota”.

Johannes 5:2

Ünükün ewe Asamalapen Sip lon Jerusalem a wor eu koluk, a iteni Petesta lon kapasen Ipru. Ikenan a wor eu ut mi wor limu refirefin lon.

Föför 26:14

Iwe, äm meinisin aia turutiu lepwül, nge ngang üa rong eu möngüngü mi kapas ngeniei lon fosun Ipru, ‘Saul, Saul, pwota ka ariaföüüei? Ka püsin afeiengauok ren om ü ngeniei, usun eman kow a chepeti ewe wok mi nom lepöün ewe chon tümwünü.’

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Pwärätä 9:11

Iwe, a wor eman nöür king mi nemeniir, i ewe chon läng mi nemeni ewe leni mi alolol. Itan lon kapasen Ipru Apaton, nge itan lon kapasen Krik Apolion (wewen “Ewe chon Kata”).

Soukapwüng 4:7

Üpwe panawu Sisera ewe samolun nöün Japin sounfiu. Epwe churuk me arun ewe chanpupu Kison fiti wan woken me nöün sounfiu. Iwe, üpwe föri met kopwe akufu ren.’”

Soukapwüng 5:19

Ekewe king ra feito o maun. Ekewe kingen Kanaan ra maun me lon Taanak arun ekewe kolukun Mekito. Nge esap wor liaper silifer.