Pwärätä 16:11 - Chuukese Bible

¹¹ Iwe, ra otteki Kot mi nom läng pokiten metekin rupur kewe, nge resap mochen aier seni ar kewe föför mi ngau.

Pwärätä 16:11 Iomraidhean Croise

2. Kronika 28:22

Nge lon an riaföü, ei king Ahas a fen alapala an tipis ngeni ewe Samol mi Lapalap.

2. Kronika 36:23

“Iei aloi ngang Sirus ewe kingen Persia: Ewe Samol mi Lapalap, ewe Koten läng, a ngeniei ekewe mwün fanüfan meinisin. Iwe, a filiei pwe üpwe aüetä eu imwenfel fän itan me lon Jerusalem lon ewe fanü Juta. Ämi meinisin mi iteni nöün Kot aramas oupwe feila Jerusalem. Ewe Samol mi Lapalap ämi we Kot epwe etikemi.”

Esra 1:2

“Iei aloi ngang Sirus ewe kingen Persia: Ewe Samol mi Lapalap, ewe Koten läng, a ngeniei ekewe mwün fanüfan meinisin. Iwe, a filiei pwe üpwe aüetä eu imwenfel fän itan me lon Jerusalem lon ewe fanü Juta.

Esra 6:10

pwe repwe tongeni eäni ekewe asor mi fich ngeni ewe Koten läng, repwe pwal iotek fän iten manauei me nei kewe mwän.

Esra 7:12

“Seni Artaksasta ewe kingen king kana ngeni ewe souasor Esra, i ewe soumaken ekewe allük än ewe Koten läng.

Esra 7:21

Nge ngang Artaksasta ewe king üa allük ngeni ämi meinisin chon iseis moni lon ewe fanü lotoun ewe chanpupu Oifrat, pwe oupwe müttir awora ngeni ewe souasor Esra, ewe soumaken ewe allük än ewe Koten läng, meinisin mine a tüngor senikemi.

Esra 7:23

Meinisin mine ewe Koten läng a allük fän iten imwan imwenfel epwe wesewesen fis, pwe an lingeringer esap pur woi me nei kewe mwän.

Nehemia 1:4

Iwe, lupwen üa rongorong ei pworaus, üa mottiu o kechü, üa ngüngüres ekoch rän o echikefel me iotek fän mesen ewe Koten läng.

Nehemia 2:4

Iwe, ewe king a aisiniei, “Met ka mochen tüngor seniei?” Mürin üa iotek ngeni ewe Koten läng.

Kölfel 136:26

Oupwe kilisou ngeni ewe Koten läng, an tong ellet a nonom tori feilfeilachök.

Taniel 2:44

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.

Sona 1:9

Sona a pälüeniir, “Ngang eman re Ipru. Üa fel ngeni ewe Samol mi Lapalap, ewe Koten läng mi föri matau me fanü.”

2. Timoty 3:13

Nge ekewe aramasangau me soulängatuputup repwe chök fokun ngauala, ra atupu aramas o püsin küna atuputup.

Pwärätä 11:13

Lon ewe chök otun a wor eu chechechin fanü mi pöchökül o eu leengolun ewe telinimw a tala. Iwe, fisungeröü aramas ra mäla ren, nge ekewe lusun aramas mi chüen manau ra fokun rükö o mwareiti manamanen ewe Kot mi nom läng.

Pwärätä 16:2

Iei mine ewe aemanün chon läng a feila o ninätiu masouen sepian we won fanüfan. Iwe, och sokun ruup mi fokun ngau o metek a pwäwu me won chokewe mi eäni asisilen ewe manmwacho, pwal won chokewe mi fel ngeni uluulun we.

Pwärätä 16:21

Üten fau mi watte, choun eföü ina epwe ükükün ipükü paun, ra turutiu seni läng won ekewe aramas. Iwe, ekewe aramas ra otteki Kot pokiten ewe feiengau ren ewe üten fau, pun ewe feiengau a fokun aniuokus.

Pwärätä 16:9

Ra kar ren watten pwichikaran, iwe, ra otteki iten Kot, ewe mi wor an nemenem won ekei feiengau. Nge resap mochen aier seni ar tipis o alinga Kot.

Pwärätä 2:21

Üa ngeni neminei fansoun an epwe aier seni an tipis, nge esap mochen ükütiu seni an föförün lisowu.