Pwärätä 16:1 - Chuukese Bible

¹ Mürin üa rongorong mwelien eman mi leüömong seni lon ewe imwenfel a üreni ekewe füman chon läng, “Oupwe feila o ninätiu ekewe fisu sepi mi ur ren än Kot lingeringer won fanüfan!”

Pwärätä 16:1 Iomraidhean Croise

Kölfel 79:6

Kopwe song ngeni chon ekewe mwü resap sileek, pwal ngeni chokewe resap iotek ngonuk.

Jeremaia 10:25

Nge kopwe atoto om song won chon ekewe mwü resap sileek, pwal won ekewe aramas resap köri itom. Pun ra niela noum aramas, ra wesewesen nirela o ataela fanüer.

Isikiel 10:2

Kot a üreni ewe mwän mi üföüf echö üf mi pwechepwech, “Kopwe tolong lefilen ekewe wiil mi kul fän ekewe kerop. Kopwe tukei lon poum molien ekkei mi sarara seni lefilen ekewe kerop o atoropasafeiliir won ewe telinimw.” Iwe, lupwen üa katol, a tolong lon.

Isikiel 22:31

Iei mine üa awarato ai song wor, üa aroserela ren choun ai lingeringer o liwini ngeniir liwinin ar föför,” iei alon Kot ewe Samol mi Lapalap.

Sefanaia 3:8

Iei alon ewe Samol mi Lapalap, “Oupwe chök witiwitiei, oupwe witiwiti ewe rän, lupwen üpwe ütä o atipisi chon ekewe mwü. Pun üa fen apwüngala pwe üpwe achufengeni chon ekewe fanü me mwü, pwe üpwe awarato wor ai chou me ai song mi fokun watte. Pun unusen fanüfan epwe tala ren ekkeiin ai lingeringer.

Pwärätä 11:19

Mürin än Kot we imwenfel lon läng a sukula, o a pwä ewe pworofel mi nom ikenan. Iwe, a fis fifin inefi, ngüngü me chopun chopulap, pwal chechechin fanü me üten fau mi püngüchou.

Pwärätä 14:15

Iwe, pwal eman chon läng a towu seni ewe imwenfel o a kökköla ren mwelian mi leüömong ren ewe eman mi mot won ewe kuchu, “Kopwe nöünöü noumw we kama o kini ewe räs! Pun ewe räsin fanüfan a fokun nup o ewe fansoun kinikinin räs a war.”

Pwärätä 14:18

Mürin pwal eman chon läng, ewe mi wisen tümwünü ewe ekkei a feito seni ewe rongen asor. A kökköla ren mwelian mi leüömong ren ewe chon läng mi amwöchü ewe kama mi ken, “Kopwe nöünöü noumw we kama o pökü ekewe umwun uän wain seni lon ewe tanipin wain won fanüfan, pun ra nup!”

Pwärätä 15:1

Mürin üa küna lon läng eu watten asisil mi monomon o amwarar. A wor füman chon läng mi wor rer fisu amüchülan feiengau, pun än Kot lingeringer epwe müchüla ren ekei feiengau.

Pwärätä 16:17

Mürin ewe afümanün chon läng a ninätiu masouen sepian we lon asepwäl. Iwe, mwelien eman mi leüömong a towu seni lon ewe lenien motun king me lon ewe imwenfel, a apasa, “A fisila!”

1. Samuel 15:18

A tinukela pwe kopwe fokun arosala ekewe chon Amalek mi tipis. A urenuk pwe kopwe maun ngeniir tori ka nirela meinisin.

1. Samuel 15:3

Iei kopwe feila, kopwe maun ngeni chon Amalek o wesewesen ataela meinisin mine ar. Kosap achikeer, nge kopwe niela mwän me fefin, semirit me ekewe mi chüen oupw, pwal nöür ätemwänin kow me sip, nöür kamel me aas.’”