Pwärätä 15:8 - Chuukese Bible

⁸ Iwe, ewe imwenfel a ur ren ötüöt mi feito seni än Kot ling me manaman, nge esap wor eman a tongeni tolong lon ewe imwenfel tori repwe wesila ekewe fisu feiengau seni ekewe füman chon läng.

Pwärätä 15:8 Iomraidhean Croise

Kölfel 29:9

Möngüngün ewe Samol mi Lapalap a amäräkulu ekewe irä ook o wichikätiu chön irän ewe wöllap. Nge lon imwan imwenfel meinisin ra kökkö, “Kot a ling.”

Ekistos 19:18

Ewe chuk Sinai a pwölüla ren ötüöt, pun ewe Samol mi Lapalap a feitiu won lon ekkei. Nge ötün a ötütä usun ötün eu lenien um mi watte o unusen ewe chuk a fokun chechech.

Aisea 6:4

Iwe, longolongun asamalapen ewe imwenfel a chechech ren osen ar kökkö, nge lon ewe imwenfel a ur ren ötüöt.

Jeremaia 15:1

Mürin, ewe Samol mi Lapalap a üreniei, “Inamwo ika Moses me Samuel ra ütä mwei o tüngormau ngeniei fän iten ekei aramas, letipei esap kul ngeniir. Kopwe tinirela seni fän mesei o afeilaar.

Kölün kechü 3:44

Om lingeringer a usun chök eu kuchu mi malül pwe äm iotek esap toruk.

Lifitikos 16:2

Iwe, ewe Samol mi Lapalap a üreni Moses, “Kopwe asile ngeni Aaron pwiüm we, pwe esap tolong inet chök a mochen lon ewe leni mi unusen pin pekilan ewe cheech mwen ewe öppüng mi nom won ewe pworofel, pwe esap mäla. Pun üpwe pwä lon ewe kuchu asen ewe öppüng.

Nöün Paulus Toropwe ngeni ekewe Souläng lon Rom 11:33

A ifan me watten wöün Kot! A ifan me alololun an tipachem me silelap! Iö a tongeni awewei an apwüng? Iö a tongeni weweiti an kewe föför?

2. Tesalonika 1:9

Ir repwe riaföü ren ewe apwüngün feiengau esemüch, repwe imwü seni mwen mesen ach Samol pwal seni an we pöchökül mi amwarar,

Pwärätä 15:1

Mürin üa küna lon läng eu watten asisil mi monomon o amwarar. A wor füman chon läng mi wor rer fisu amüchülan feiengau, pun än Kot lingeringer epwe müchüla ren ekei feiengau.

Pwärätä 21:11

a saramaram ren än Kot we ling. Ewe telinimw a tittin usun eföü fau aüchea itan jasper, a kurufat usun ewe fau itan kristal.