Pwärätä 15:7 - Chuukese Bible

⁷ Mürin eman me lein ekewe föman mönümanau a ngeni ekewe füman chon läng fisu sepi seni kolt mi ur ren än Kot lingeringer, i ewe Kot mi manau tori feilfeilachök.

Pwärätä 15:7 Iomraidhean Croise

Kölfel 75:8

Ewe Samol mi Lapalap a amwöchü eu kap lepöün, a ur ren wain mi pwichikar, iei än Kot song. A ninätiu, nge ekewe aramasangau meinisin won fanüfan ra ünümi. Ra ünümala meinisin tori amüchülan sosoon.

Jeremaia 25:15

Iei usun mine ewe Samol mi Lapalap ewe Koten Israel a üreniei, “Kopwe angei seni lepei ei kap mi ur ren wainin lingeringer. Kopwe aünü ngeni chon ekewe mwü meinisin üa tinukela rer.

1. Tesalonika 1:9

Ekei aramas meinisin ra kapas usun ämi etiwakem lupwen aia churikemi, pwal usun ämi kul ngeni Kot o kul seni ekewe uluulun anümwäl, pwe oupwe angang ngeni ewe Kot mi manau o wesewesen Kot,

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 10:6

o a pwon ren an öpölü iten Kot ewe mi manau tori feilfeilachök, ewe mi föri läng me fanüfan me matau pwal meinisin mine a nom lor. Iwe, ewe chon läng a apasa, “Esap chüen wor fansoun witiwit.

Pwärätä 14:10

epwe ün seni än Kot we wain, ewe wainen an lingeringer. Iei ewe wain mi pöchökül Kot a ninalong lon an we kapen song! Iwe, chokewe meinisin mi eäni ewe asisil repwe fokun riaföü lon ekkei me primston me mwen ekewe chon läng mi pin me ewe Lam.

Pwärätä 15:1

Mürin üa küna lon läng eu watten asisil mi monomon o amwarar. A wor füman chon läng mi wor rer fisu amüchülan feiengau, pun än Kot lingeringer epwe müchüla ren ekei feiengau.

Pwärätä 16:2

Iei mine ewe aemanün chon läng a feila o ninätiu masouen sepian we won fanüfan. Iwe, och sokun ruup mi fokun ngau o metek a pwäwu me won chokewe mi eäni asisilen ewe manmwacho, pwal won chokewe mi fel ngeni uluulun we.

Pwärätä 17:1

Mürin eman me lein ekewe füman chon läng mi amwöchü ekewe fisu sepi a feito rei o üreniei, “Kopwe etto, üpwe aiti ngonuk usun än ewe fin lisowu mi iteföüla epwe küna apwüng, wewen, iei ewe telinimw watte mi kaütä arun chomong chanpupu.

Pwärätä 21:9

Mürin eman me lein ekewe füman chon läng mi fen wor rer ekewe fisu sepi mi ur ren ekewe fisu amüchülan feiengau a feito rei o a apasa, “Kopwe etto pwe üpwe aküna ngonuk ewe Fin apwüpwülü söfö, iei i pwülüen ewe Lam.”

Pwärätä 4:10

ekewe rüwe me föman souakom ra chapetiu me mwen ewe eman mi mot won ewe lenien motun king o fel ngeni ewe mi manau tori feilfeilachök. Ra isetiu mwäriir kewe me mwen ewe lenien motun king o apasa,

Pwärätä 5:8

Lupwen a föri iei usun, ekewe föman mönümanau me ekewe rüwe me föman souakom ra chapetiu mwen ewe Lam. Eman me eman a wor an pisekin ettik me eu sepi mi ur ren apach mi pwokus, iei än ekewe chon pin iotek.