Pwärätä 15:5 - Chuukese Bible

⁵ Mürin ei üa küna ewe imwenfel lon läng a sukula, ia ewe imw mangaku mi pin a nom ie.

Pwärätä 15:5 Iomraidhean Croise

Ekistos 25:21

Iwe, kopwe iseis lon ewe pworofel ekewe rüepek fau mi chöpöp ngang üpwe ngonuk, ekewe allük ra mak won o apüngü ngeni ewe öppüng.

Ekistos 38:21

Ikkei iteiten pisekin ewe imwenfel seni mangaku, ewe ia ekewe allük ra nom ie. Ekewe mwän seni ewe ainangen Lefi ra föri ewe angangen alea fän emwenien Itamar nöün ewe souasor Aaron we mwän, usun Moses a allük ngeniir.

Numperis 1:50

Nge kopwe awisa ekewe mwän seni ewe ainangen Lefi pwe repwe tümwünü ewe imwenfel seni mangaku ia ekewe allük ra nom ie me pisekin meinisin. Iwe, repwe mwärefetalei ewe imwenfel me pisekin meinisin o tümwünüöchüür, repwe pwal aüetä imwer imw mangaku pwelin ünükün.

Numperis 1:53

Nge ekewe mwän seni ewe ainangen Lefi repwe aüetä imwer imw mangaku pwelin ünükün ewe imwenfel seni mangaku o tümwünü pwe esap wor eman epwe arap ngeni, pwe ngang üsap song ngeni ekewe aramasen Israel.”

Mateus 27:51

Lon ewe chök otun ewe chechen mangaku lon imwenfel a kam seni won tori fan, pwe a wor ruu kinikin. A fis chechen fanü, ekewe achau ra sangfesen

Ipru 8:5

Ewe angang ra föri lon wiser wisen souasor a chök eu lios me ngünüen ekewe mettoch mi wor lon läng. Pwal iei chök usun mine a fis ren Moses. Me mwen an epwe aüetä ewe imwenfel seni mangaku, Kot a üreni, “Kopwe tümwünüfichi pwe kopwe föri meinisin lon lapalapen ewe lios ka küna me won ewe chuk.”

Pwärätä 11:19

Mürin än Kot we imwenfel lon läng a sukula, o a pwä ewe pworofel mi nom ikenan. Iwe, a fis fifin inefi, ngüngü me chopun chopulap, pwal chechechin fanü me üten fau mi püngüchou.

Pwärätä 13:6

A popuetä le turunufasei Kot, itan me ewe leni ia a nom ie, pwal chokewe meinisin mi nom lon läng.