Pwärätä 15:3 - Chuukese Bible

³ Iwe, ra köl ewe köl än Moses ewe chon angang ngeni Kot, pwal ewe köl än ewe Lam: “Äm Kot, Samol mi Unusen Manaman, a tekia o amwarar om angang kana! En kingen ekewe mwü, a pwüng o let om kewe föför!

Pwärätä 15:3 Iomraidhean Croise

Keneses 17:1

Iwe, lupwen Apram a ierini tiwe me tiu, ewe Samol mi Lapalap a pwä ngeni o üreni, “Ngang ewe Kot mi Unusen Manaman. Kopwe manau me fän mesei o unusen föföröch.

1. Kronika 6:49

Iwe, Aaron me mwirimwirin kana ra föri ewe angangen asor won ewe rongen asoren kek, pwal won ewe rongen asoren ötüöt, ra pwal föri angangen ewe leni mi unusen pin meinisin, pun ra föri asoren amusamusen tipis fän iten chon Israel, usun mine Moses nöün Kot we chon angang a allük.

2. Kronika 24:6

Iei mine ewe king a titi ewe souasor mi lap Jehoiata o aisini, “Pwota kosap pesei ngeni chon ewe ainangen Lefi, pwe repwe angei seni ekewe chon Juta me chon Jerusalem ewe takises Moses nöün ewe Samol mi Lapalap we chon angang a apwüngala ngeni ekewe chon Israel fän iten ewe imwenfel seni mangaku, ia ekewe allük ra nom ie?”

Nehemia 9:14

Ka asile ngeniir pwe repwe apini om kewe ränin sapat, nge Moses noum we chon angang a ngeniir ekewe allük me pwüüng fän alom.

Hiop 36:24

Kopwe chechemeni pwe kopwe ingeiti an angang aramas ra kölü lon ar köl.

Hiop 5:9

I ewe Kot mi föri föför mi tekia esap wor aükükün, pwal föför mi amwarar rese lea:

Kölfel 100:5

Pun ewe Samol mi Lapalap a kirikiröch, an tong ellet a nonom tori feilfeilachök, nge an allükülük a tori ekewe täppin aramas meinisin.

Kölfel 105:5

Oupwe chechemeni ekewe föför mi amwarar a föriir. Oupwe chechemeni an kewe manaman me an kewe kapwüng a eäni,

Kölfel 111:2

Än ewe Samol mi Lapalap föför ra fokun amwarar, chokewe meinisin mi pwapwaitiir ra ekinloneer.

Kölfel 111:7

A allükülük o pwüng lon mettoch meinisin a föri. An kewe allük meinisin ra nükünük.

Kölfel 139:14

Üa mwareituk, pokiten a amairü o amwarar om föri ei. Om kewe föför ra amwarar. Üa fokun sileöchü ei.

Kölfel 145:17

Ewe Samol mi Lapalap a pwüng lon meinisin mine a föri o kirikiröch lon an kewe föför meinisin.

Kölfel 145:6

Aramas repwe asilefeili manamanen om kewe föför mi eniwokus, nge ngang üpwe arongafeili om tekia.

Kölfel 18:30

Än Kot kewe föför ra unusen pwüng, än ewe Samol mi Lapalap kapasen pwon a let. I a usun chök tittin maun fän iten chokewe meinisin mi op ren.

Kölfel 78:12

Kot a föri föför mi amwarar fän mesen ar kewe lewo lon ewe fanü Isip me lon ewe maasiesin Soan.

Kölfel 92:5

Ai Samol mi Lapalap, om kewe föför ra fokun tekia, om kewe ekiek ra fokun alolol.

Kölfel 99:4

En king mi manaman, ka efich pwüng. Ka anüküchara mine a wenechar, ka föri mine a pwüng me wenechar lon Israel.

Aisea 33:22

Iwe, ewe Samol mi Lapalap ach souapwüng, ewe Samol mi Lapalap ach sounemenem, ewe Samol mi Lapalap ach king, i epwe amanauakich.

Aisea 45:21

Oupwe feito o fos. Aramas repwe pwüngüpwüng lefiler. Iö a apworausa ei lon ewe fansoun a la? Iö a pwärätä ei me lomlom? Ifa usun, sap ngang, ewe Samol mi Lapalap? Esap wor eman Kot lüki, esap wor eman Kot mi pwüng are eman Chon Amanau, esap fokun wor eman lüki.

Taniel 6:20

Nge lupwen a tori ewe pwang, a kökkö fän lolilen o apasa, “Taniel, chon angang ngeni ewe Kot mi Manau. Ifa usun, om we Kot ka likitü le angang ngeni a tongeni amanauok seni ekana laion?”

Taniel 9:11

Chon Israel meinisin ra puri om allük o kul senuk, pun resap aleasochisi alom. Äm aia tipis ngonuk, iei mine ka atoto wom ekewe anümamau mi fis fän akapel, ekewe mi mak lon ewe puken allük än Moses noum we chon angang.

Osea 14:9

Iö mi tipachem epwe weweiti mine a mak ikei, iö mi mirit epwe ekieki usun lon lelukan. Pun än ewe Samol mi Lapalap kewe al ra wenechar, ekewe chon pwüng ra fetal wor, nge ekewe chon tipis ra chepetek wor o turula.

Mika 7:20

Kopwe pwäri om allükülük me tong ellet ngeni äm noum kei aramas, äm mwirimwirin Apraham me Jakop usun ka pwon fän akapel ngeni äm kewe lewo lon ekewe fansoun lom.

Sefanaia 3:5

Nge ewe Samol mi Lapalap mi nom lon ewe telinimw a fokun pwüng, esap föri och mi mwäl. Iteiten lesosor a pwärawu an pwüng, esap etiwala eu rän. Nge ekewe chon pwüngingau ra chök föri mine a ngau, nge resap sile säw.

Sekaraia 9:9

Oupwe fokun meseik, ämi aramasen Sion. Oupwe akapwas fän pwapwa, ämi aramasen Jerusalem. Nengeni, ämi King a feito remi. A pwüng o pwora, nge a tipetekison o wawa eman aas, eman nienifön aas.

Johannes 1:17

Kot a ngenikich ekewe allük ren Moses, nge ümöümöch me let a torikich ren Jesus Kraist.

Tuteronomi 31:30

Mürin, Moses a apasa kapasen ei köl seni lepoputan tori lesopolan, nge ekewe chon Israel meinisin ra rongorong ngeni:

Tuteronomi 32:3

Pun üpwe asilefeili iten ewe Samol mi Lapalap. Oupwe ingemwareiti tekian ach Kot.

Tuteronomi 34:5

Iei usun Moses nöün ewe Samol mi Lapalap we chon angang a mäla ikenan lon ewe fanü Moap, usun mine ewe Samol mi Lapalap a apasa.

1. Timoty 1:17

Ewe King mi nonom tori feilfeilachök, ewe eman chök Kot, ewe esap tongeni mäla, esap wor eman a tongeni küna, sipwe meniniti o alinga tori feilfeilachök! Amen.

Ipru 3:5

Moses a allükülük lon wisen eman chon angang lon unusen imwen Kot, a kapas usun ekewe mettoch Kot epwe apasa lon ekewe fansoun repwe feito.

Josua 22:5

Oupwe fokun aleasochisi ekewe allük me pwüüng Moses nöün ewe Samol mi Lapalap we chon angang a allük ngenikemi: Oupwe echeni ewe Samol mi Lapalap ämi we Kot, oupwe föri letipan o aleasochis ngeni an kewe allük, oupwe pwal fitipacheiti o angang ngeni ren unusen lelukemi me unusen ngünümi.”

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.

Pwärätä 11:17

Iwe, ra apasa, “Äm aia kilisou ngonuk äm Kot, Samol mi Unusen Manaman, ka nom iei o ka fen nonom, pun ka angei om manaman mi lapalap o popuetä le nemenem!

Pwärätä 14:3

Ekei ipükü faik me rüanüngeröü aramas ra ütä mwen ewe lenien motun king, mwen ekewe föman mönümanau me ekewe souakom. Ekei aramas ra fen küna manau seni won fanüfan, ra kölü echö köl mi fö, ir chök ra tongeni silei.

Pwärätä 14:8

Ewe aruomanün chon läng a tapweto me mürin ewe aemanün o a apasa, “A tala, a tala, Papilon mi lapalap! A aünü ngeni chon ekewe mwü meinisin ünüman wain mi pwichikar, ewe wainen an mocheisou!”

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Pwärätä 19:16

Won üfan pwal won wilan a mak ewe it, “Ewe King mi tekia seni ekewe king meinisin, me ewe Samol mi lap seni ekewe samol meinisin.”

Pwärätä 19:2

An kewe kapwüng ra let o pwüng! A apwüngü ewe fin lisowu mi iteföüla, a angauala chon fanüfan ren an föförün lisowu. Kot a ngeni chappen an föför, pun a niela nöün kewe chon angang.”

Pwärätä 4:8

Eman me eman ekewe föman mönümanau a wor wonofoch pöükässin, nge won me fän pöükässiir ra kula ren föün mas. Lerän me lepwin resap ükütiu le kölü ei köl: “A pin, a pin, a pin ewe Samol Kot mi Unusen Manaman, i ewe a fen nonom, ewe a nom iei me ewe epwe feito me mürin.”