Pwärätä 15:1 - Chuukese Bible

¹ Mürin üa küna lon läng eu watten asisil mi monomon o amwarar. A wor füman chon läng mi wor rer fisu amüchülan feiengau, pun än Kot lingeringer epwe müchüla ren ekei feiengau.

Pwärätä 15:1 Iomraidhean Croise

Taniel 6:27

I chök a tufichin angasa o amanaua aramas, a pwal föri asisil me manaman won läng pwal won fanüfan. I a amanaua Taniel seni ekewe laion.”

Lifitikos 26:21

Mürin, are oua chüen lükümach ngeniei pwe ousap mochen aleasochisi aloi, üpwe awatteloi ämi riaföü, pwe epwe fän fisu lap seni me mwan pokiten ämi tipis.

Pwärätä 10:3

Iwe, a kökkö ren mwelian mi leüömong mi wewe ngeni wörüwörün eman laion. Mürin an kökkö, fisu chopulap ra leüömong le pölüeni.

Pwärätä 11:14

Ewe aruen feiengau a wes, nge ewe aülüngatin epwe müttir feito.

Pwärätä 14:10

epwe ün seni än Kot we wain, ewe wainen an lingeringer. Iei ewe wain mi pöchökül Kot a ninalong lon an we kapen song! Iwe, chokewe meinisin mi eäni ewe asisil repwe fokun riaföü lon ekkei me primston me mwen ekewe chon läng mi pin me ewe Lam.

Pwärätä 14:19

Iei mine ewe chon läng a ätteri ngeni fanüfan nöün we kama o pökü ekewe umwun uän wain seni ewe irä o atururelong lon ewe lenien üchüch föün wain mi watte, wewen ei än Kot lingeringer.

Pwärätä 16:1

Mürin üa rongorong mwelien eman mi leüömong seni lon ewe imwenfel a üreni ekewe füman chon läng, “Oupwe feila o ninätiu ekewe fisu sepi mi ur ren än Kot lingeringer won fanüfan!”

Pwärätä 17:1

Mürin eman me lein ekewe füman chon läng mi amwöchü ekewe fisu sepi a feito rei o üreniei, “Kopwe etto, üpwe aiti ngonuk usun än ewe fin lisowu mi iteföüla epwe küna apwüng, wewen, iei ewe telinimw watte mi kaütä arun chomong chanpupu.

Pwärätä 19:15

Seni lon awan a itiwu efoch ketilas mi ken, pwe epwe nöünöü le akufu chon ekewe mwü. Epwe nemeniir ren efoch wokomächä, epwe puri ekewe uän wain lon ewe lenien üchüch, wewen ei, än Kot, ewe mi Unusen Manaman, lingeringer mi fokun afeiengau.

Pwärätä 21:9

Mürin eman me lein ekewe füman chon läng mi fen wor rer ekewe fisu sepi mi ur ren ekewe fisu amüchülan feiengau a feito rei o a apasa, “Kopwe etto pwe üpwe aküna ngonuk ewe Fin apwüpwülü söfö, iei i pwülüen ewe Lam.”

Pwärätä 8:13

Mürin üa nenengeni o rongorong möngüngün eman ikel mi äkkäs tekiatä fän läng o a kökkö fän leüömong, “Feiengau, feiengau, feiengau ngeni chokewe meinisin mi nom won fanüfan lupwen ekewe ülüman chon läng repwe pwal ettiki en me nöün rappwa.”

Pwärätä 8:2

Mürin üa küna ekewe füman chon läng mi ütä mwen mesen Kot, pwe ra angei füfoch rappwa.

Pwärätä 8:6

Mürin ekewe füman chon läng mi amwöchü ekewe füfoch rappwa ra amolätä ar repwe le ettikiir.

Pwärätä 9:20

Iwe, ekewe lusun aramas resap mäla ren ekei feiengau resap aier seni mine ra föri ren pöür. Resap ükütiu le fel ngeni ekewe anün rochopwak me ekewe uluulun anümwäl mi för seni kolt, silifer, piras, fau me mwüch, ir ekewe uluulun anümwäl resap tongeni küna ika rongorong ika fetal.