Pwärätä 14:2 - Chuukese Bible

² Iwe, üa rongorong eu möngüngü seni läng a wewe ngeni ngüngün chomong koluk, a pwal wewe ngeni chopun chopulap mi leüömong. Ei möngüngü üa rongorong a usun chök ngingiin kitar lupwen ekewe chon ettik kitar ra ettiki.

Pwärätä 14:2 Iomraidhean Croise

2. Samuel 6:5

Nge Tafit me chon Israel meinisin ra pworuk fän ar pöchökül me fän mesen ewe Samol mi Lapalap ren köl me tikin ükülele me kitar, pwal ren sokopaten pisekin kaktai.

2. Kronika 20:28

Iwe, lupwen ra tori Jerusalem, ra feila ngeni imwen ewe Samol mi Lapalap fän tikin kitar me ükülele, pwal fän tikin rappwa.

Kölfel 147:7

Oupwe köl ngeni ewe Samol mi Lapalap fän kilisou. Oupwe köl ngeni ach we Kot fiti ükülele.

Kölfel 149:3

Repwe mwareiti itan fän pworuk o köl ngeni fän pisekin kaktai me ükülele.

Kölfel 33:2

Oupwe mwareiti ewe Samol mi Lapalap ren ükülele, oupwe ettik ngeni won kitar mi wor engol saitenin.

Kölfel 43:4

Mürin üpwe feila ren om rongen asor, ai Kot en popun ai pwapwa mi fokun lapalap. üpwe kölün mwareituk won ükülele, en ai Kot.

Kölfel 57:8

Ngüni, kopwe pwök, ekewe kitar me ükülele repwe pwök. Üpwe apwökü mallen rän.

Kölfel 92:3

fiti tikin pisekin ettik mi wor engol saitenin, pwal fiti ngingin kitar.

Kölfel 93:4

Ewe Samol mi Lapalap mi nom pekitä a fokun manaman, a pöchökül seni püngümongun chomong koluk, a pöchökül seni nonon lematau.

Kölfel 98:5

Oupwe kölün mwareiti ewe Samol mi Lapalap fän ükülele, pwal fän sokopaten pisekin ettik.

Ekistos 19:16

Nge lesosorun ewe aülüngatin rän a fis chopulap me fifi. A wor eu kuchuchol won ewe chuk, a pwal tik eu rappwa mi tikimong. Iwe, ekewe aramas mi nom lon ewe leni ra chechech ren ar niuokus.

Ekistos 20:18

Iwe, lupwen ekewe aramas meinisin ra rong ewe chopulap me tikin ewe rappwa o küna ewe fifi me ewe ötüöt mi ötütä seni ewe chuk, ra niuokus o chechech. Ra ütato me toau

Aisea 17:13

Chon ekewe mwü ra wörüwör usun üngüngün chomong koluk, nge Kot a apwüngüür pwe ra süla toau. Ra usun chök pön wiich won ekewe chuk asepwäl a ässirela, pwal usun chök pipi ra ässitä ren mölümöl.

Isikiel 43:2

Ikenan üa küna lingen ewe Koten Israel, a feito seni ötiu. Iwe, üngüngün an feito a usun chök üngüngün nonoon lematau, nge won fanü a saramaram ren lingan.

Sekaraia 9:14

Mürin, ewe Samol mi Lapalap epwe pwäto won nöün aramas, epwe esefichala nöün föün esefich usun chök inefi. Kot ewe Samol mi Lapalap epwe ettiki ewe rappwa o fetaleto lon ekewe mölümöl seni ör.

1. Korint 13:1

Are üpwe tongeni kapas lon kapasen aramas me chon läng kana, nge üsap eäni chen, üpwe wewe ngeni och piras mi tik me och mächä mi akürang.

Pwärätä 1:10

Lon ewe Ränin ach Samol üa nom lon Ngün, iwe, üa rongorong eu möngüngü mi leüömong a wewe ngeni efoch rappwa, a kapas me lükisöküri.

Pwärätä 1:15

pachapachan ra meriweriw usun chök piras mi limelim me amis, nge möngüngün a usun chök ngüngün noon won woch.

Pwärätä 11:12

Mürin ekewe ruoman soufos ra rongorong eu möngüngü mi leüömong a kapas ngeniir seni läng, “Oupwe feitä ikei!” Lupwen ekewe chon oputer ra nenengeniir, ra feita läng lon eu kuchu.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 15:2

Mürin üa küna och mi usun chök eu matauen kilas mi nofitfengen me ekkei. Üa pwal küna chokewe mi akufu ewe manmwacho me uluulun we, ra pwal akufu ewe eman itan a iteit lon nampa. Ra ütä ünükün ewe matauen kilas o ra amwöchü ekewe kitar Kot a ngeniir.

Pwärätä 18:22

Esap chüen wor eman epwe rongorong tikin kitar me ngingiin chon köl, pwal tikin likaangün me tikin rappwa me lon alom kewe. Esap chüen wor sousilelap lon sokun angang meinisin epwe pwäsefäl me lon en, esap pwal chüen wor eman mi rongorong ngüngün ewe lenien kata föün wiich.

Pwärätä 5:8

Lupwen a föri iei usun, ekewe föman mönümanau me ekewe rüwe me föman souakom ra chapetiu mwen ewe Lam. Eman me eman a wor an pisekin ettik me eu sepi mi ur ren apach mi pwokus, iei än ekewe chon pin iotek.

Pwärätä 6:1

Mürin üa küna pwe ewe Lam a ülei ewe aeuin pwau seni ekewe fisu. Iwe, üa rongorong pwe eman me lein ekewe föman mönümanau a apasa ren mwelian mi wewe ngeni chopun chopulap, “Etto!”

Pwärätä 8:7

Iwe, lupwen ewe aemanün a ettiki nöün rappwa, üten fau me ekkei mi nofitfengen me cha ra turutiu won fanüfan. Eu leülüngatin fanüfan a karala, pwal eu leülüngatin irä me ekewe fetil meinisin.