Pwärätä 14:1 - Chuukese Bible

¹ Mürin üa nenengeni o üa küna ewe Lam a ütä won ewe Chuk Sion, nge üa pwal küna ipükü faik me rüanüngeröü aramas ra nom ren, ir chokewe a mak itan me iten Saman won chamwer.

Pwärätä 14:1 Iomraidhean Croise

Kölfel 2:6

Iwe, a apasa, “Üa seikätä ai king lon wisan me won Sion chuki we mi pin.”

Aisea 49:14

Iwe, Sion a apasa, “Ewe Samol mi Lapalap a likitieila, ai Samol a manlükieila.”

Jeremaia 1:11

Iwe, ewe Samol mi Lapalap a aisiniei, “Jeremaia, met ka küna?” Nge üa pälüeni, “Üa küna efoch palen ewe irä almont.”

Isikiel 1:4

Iwe, lupwen üa nenela, üa küna eu mölümöl a feito me efeng, pwal eu kuchu mi watte o fokun saramaram ünükün. Iwe, ekkei a fifiwu fochofoch seni, nge lukalapen ewe ekkei a usun chök piras mi molupolup.

Isikiel 10:1

Iwe, lupwen üa nenela, üa küna och mi wewe ngeni eu lenien motun king mi för seni ewe fau aüchea itan safaia, a pwä me won läng asen möküren ekewe kerop.

Isikiel 10:9

Iwe, lupwen üa nenela, üa küna rüanü wiil lepekin ekewe kerop, eu wiil lepekin eman me eman. Nge lapalapen ekewe wiil a usun chök meriweriwen ewe faü aüchea itan kirisolait.

Isikiel 2:9

Iwe, lupwen üa nenela, üa küna efoch pau a itito rei, nge a amwöchü echö toropwe mi mak lon.

Isikiel 44:4

Mürin, ewe mwän a emwenieila ren ewe asamalap mi sape ngeni efeng fän mesen ewe Imwenfel. Nge lupwen üa nengeni, üa küna lingen ewe Samol mi Lapalap a aurala ewe Imwenfelin Kot. Iwe, üa chapetiu lepwül.

Isikiel 8:7

Mürin a emwenieila ren asamalapen ewe leni lükün imwenfel. Nge lupwen üa nenefeil, üa küna eu pwang lon ewe tit.

Isikiel 9:4

“Kopwe fetalfeil lon unusen ewe telinimw Jerusalem o asisila won chamwen chokewe mi letipeta o kechü ren ekewe föför mi anioput ra fis lon.

Taniel 12:5

Mürin, ngang Taniel üa küna pwal ruoman chon läng, eman a ütä epek ewe chanpupu, nge eman epek.

Sowel 2:32

Iwe, epwe fis pwe iö epwe köri iten ewe Samol mi Lapalap epwe manau. Pun won ewe chuk Sion pwal lon Jerusalem repwe nom chokewe mi sü seni feiengau, usun ewe Samol mi Lapalap a apasa. Nge me lein ekewe mi chüen manau epwe wor chokewe ewe Samol mi Lapalap a afiliir.”

Amos 8:2

Iwe, ewe Samol mi Lapalap a aisiniei, “Amos, met ka küna?” Nge üa pälüeni, “Üa küna eu chükün föün irän leres.” Mürin, ewe Samol mi Lapalap a üreniei, “A tori sopolan fän iten nei aramasen Israel. Üsap chüen siwili ai ekiekin apwüngüür.

Mika 4:7

Ra pechemä o toau seni lenier, nge ngang üpwe föri seni chokewe mi chüen manau eu mwichen aramas, repwe wiliti eu mwü mi pöchökül. Iwe, üpwe nemeniir seni won ewe chuk Sion seni ena fansoun tori feilfeilachök.”

Sekaraia 4:2

Iwe, a aisiniei, “Met ka küna?” Nge üa pälüeni, “Üa küna eu lenien atittin seni kolt, nge mi wor eu sepi fän iten noppuk a nom won. Mi pwal wor fisu lamp won ewe lenien atittin, nge fisu paip ra feila ngeni ekewe lamp.

Lukas 12:8

“Iwe, üpwe ürenikemi, pwe iö a pwäriei mwen mesen aramas, Nöün Aramas epwe pwal pwäri mwen mesen nöün Kot kewe chon läng.

Nöün Paulus Toropwe ngeni ekewe Souläng lon Rom 9:33

usun ewe Toropwe mi Pin a kapas usun, “Nengeni, üa anomu lon Sion eföü fau aramas repwe chepetek ren, eu achau aramas repwe opuri. Nge iö a lükü i esap küna lichipüng.”

Pwärätä 14:14

Mürin üa nenengeni o üa küna pwe a wor eu kuchu mi pwech, nge eman a mot won ewe kuchu usun itä nge eman nöün aramas, a mwärämwär epa mwärämwär seni kolt won möküran, a pwal amwöchü lepöün efoch kama mi ken.

Pwärätä 14:3

Ekei ipükü faik me rüanüngeröü aramas ra ütä mwen ewe lenien motun king, mwen ekewe föman mönümanau me ekewe souakom. Ekei aramas ra fen küna manau seni won fanüfan, ra kölü echö köl mi fö, ir chök ra tongeni silei.

Pwärätä 15:5

Mürin ei üa küna ewe imwenfel lon läng a sukula, ia ewe imw mangaku mi pin a nom ie.

Pwärätä 22:4

Repwe küna won mesen Kot, nge itan epwe mak won chamwer.

Pwärätä 3:12

Iö mi pwora ngeni mine a ngau üpwe föri pwe epwe efoch ür lon än ai we Kot we imwenfel, nge esap chüen towu seni. Iwe, üpwe makkei won iten ai we Kot, pwal iten än ai we Kot we telinimw, ewe Jerusalem mi fö, epwe feitiu me läng seni ai we Kot, üpwe pwal makkei won itei we mi fö.

Pwärätä 4:1

Mürin ei a pwal wor künaei, üa küna eu asam mi suk lon läng. Iwe, mwelien eman mi wewe ngeni tikin efoch rappwa, üa fen rongorong me mwan, a üreniei, “Kopwe feito ikei, pwe üpwe aiti ngonuk met epwe fokun fis mürin ei.”

Pwärätä 6:8

Iwe, üa nenengeni o üa küna eman oris mi sawepwech, nge ewe mi mot won a iteni mäla o ewe lenien sotup a tapw me mürin. A wor ar nemenem won eu lerüanün chon fanüfan ar repwe niirela ren maun, mailengita, samau me manmwacho.