Pwärätä 13:2 - Chuukese Bible

² Ewe manmwacho a usun chök eman lepart, pechen ra usun pechen eman pear, nge awan a usun chök awen eman laion. Ewe trakon a ngeni ewe manmwacho an manaman, an lenien motun king me an we watten nemenem.

Pwärätä 13:2 Iomraidhean Croise

2. King 2:24

Elisa a kul, nge lupwen a küneer, a anümamaueer fän iten ewe Samol mi Lapalap. Mürin, ruoman liafefinin pear ra towu seni ewe wöllap o atatakisi inisin faik me ruoman me lein ekewe ät, pwe ra mäla.

Kölfel 22:21

Kopwe amanauaei seni ekewe laion, kopwe amanaua inisi seni mächän ekewe ätemwänin kow mi mwacho.

Än Salomon Fos 17:12

A mürina ach sipwe churi eman liefefinin pear aramas ra angei seni apanan, lap seni ach churi eman chon tiparoch lon an umwes.

Än Salomon Fos 28:15

Eman sounemenem mi ngau mi nemeni chon wöüngau a usun chök eman laion mi wörüwör, ika eman pear mi cheri liapan.

Aisea 5:29

Iwe, ra wörüwör usun chök laion ika usun apanen laion. Ra ngüngü, lupwen ra turufi liaper o uwala ekis, nge esap wor eman a tongeni amanaua liaper kewe.

Jeremaia 13:23

Ifa usun, eman chon Itiopia a tongeni siwili anüanün ünüchan, ika ewe man itan lepart a tongeni siwili tiketikan? Ika ina, pwal en mi örüni föföringau, ka tongeni föri mine a mürina.

Jeremaia 5:6

Iei mine eman laion seni ewe wöllap epwe niirela, eman wolif seni ewe fanüapö epwe afeiengaueer. Eman manmwacho itan lepart a operi ar kewe telinimw, epwe atatakisi ekewe aramas mi towu me lor, pokiten chomongun ar tipis me watten ar tokola seni Kot.

Osea 11:10

Iwe, nei aramas repwe tapweto müri, lupwen üpwe wörüwör ngeni chon oputeer usun eman laion. Iwe, repwe müttir feito rei seni lotou.

Amos 3:12

Iei alon ewe Samol mi Lapalap, “Usun eman chon mas a angei seni awen eman laion ruofoch pechen eman sip ika eu seling chök, iei usun ekoch chök chon Israel mi nom lon Samaria repwe küna manau me lein chokewe mi mot won ar kewe lenien mot mi pwetete lon ei fansoun.”

Amos 5:19

Epwe usun chök are eman aramas epwe sü seni eman laion, nge a churi eman pear. Ika usun chök are eman epwe sülong lon imwan o itetä won etippan, nge eman serepenit a küw.

Apakuk 1:8

Nöür oris ra müttir seni ewe man itan lepart, ra rochongau seni ekewe wolif mi echik. Nöür kewe chon wawa oris ra feito me toau o säpuropur, ra müttir le sä usun müttirin eman ikel a tur won liapan.

2. Timoty 4:17

Nge ach Samol a nom rei, a atufichiei pwe üpwe tongeni arongafeili unusen ewe Kapasen Kot, pwe ekewe chon lükün Israel meinisin repwe rongorong. Iwe, üa ngas seni ar apwüngüei ngeni mäla.

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

Pwärätä 12:13

Lupwen ewe trakon a küna pwe a turutiu won fanüfan, a tapweri ewe fefin mi nöünätiu ewe ät.

Pwärätä 12:15

Mürin ewe trakon a kusufawu me lon awan eu chanpupun koluk mürin ewe fefin, pwe epwe öütela ren.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 13:12

A aea än ewe aemanün manmwacho nemenem mi watte me mwen mesan. A pöchökül ngeni chon fanüfan meinisin, pwe repwe fel ngeni ewe aemanün manmwacho, ewe kinasan we a mola.

Pwärätä 13:4

Iwe, aramas meinisin ra fel ngeni ewe trakon pokiten a ngeni ewe manmwacho an nemenem. Ra pwal fel ngeni ewe manmwacho o ra apasa, “Iö a wewe ngeni ewe manmwacho? Iö a tongeni fiu ngeni?”

Pwärätä 16:10

Mürin ewe alimanün chon läng a ninätiu masouen sepian we won än ewe manmwacho lenien motun king. Iwe, rochokich a pwölüela mwün ewe manmwacho, nge ekewe aramas ra küüwu chönawer pokiten watten ar metek.

Pwärätä 17:12

“Ekewe engol mächä ka küna, ir engol king resamwo popuetä le nemenem, nge epwe toriir ewe pwüüng pwe repwe nemenem lon wisen king fiti ewe manmwacho lon ükükün eu awa chök.

Pwärätä 19:20

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.

Pwärätä 2:13

Üa silei ia ka nom ie, lon ewe leni ia än Satan lenien motun king a pwal nom ie. Ka allükülük ngeniei o kosap likitala om lüküei, inamwo ika lon ewe fansoun Antipas, nei chon pwärätä mi allükülük, a ninnila lon ewe leni ia Satan a nom ie.

Pwärätä 20:2

Iwe, a turufi ewe trakon, ewe serepenitin lom, iei i ewe Tefil ika Satan, a föti pwe epwe föfö lon ükükün engeröü ier.