Pwärätä 13:16 - Chuukese Bible

¹⁶ Ewe manmwacho a pöchökül ngeni aramas meinisin, ngeni ekewe aramas lap me ekewe aramas kis, ekewe chon pisekisek me ekewe chon wöüngau, ekewe chon ngas me ekewe amanau pwe repwe eäni eu asisil won pöüifichiir ika won chamwer.

Pwärätä 13:16 Iomraidhean Croise

2. Kronika 15:13

Nge iö kana resap fel ngeni ewe Samol mi Lapalap ewe Koten Israel repwe ninnila, ese lifilifil ika i eman alüal ika eman chinlap, ika eman mwän ika eman fefin.

Hiop 34:19

Esap lifilifil ngeni samol, esap pwal aücheani ekewe chon wöümong lap seni ekewe chon wöüngau, pun a föriir meinisin.

Kölfel 115:13

Ewe Samol mi Lapalap epwe afeiöchü chokewe mi niuokusiti i, ekewe aramas kis me ekewe aramas tekia.

Kölfel 49:2

ämi aramas tekia me aramas tekison, ämi aramas pisekisek me aramas wöüngau.

Ekistos 13:9

Ei epwe usun chök eu asisil won pöümi pwal eu pisekin achem won chamwemi, pwe oupwe chök leaweni än ewe Samol mi Lapalap kewe allük. Pun ewe Samol mi Lapalap a emwenikemiiwu seni Isip ren pöün mi manaman.

Isikiel 9:4

“Kopwe fetalfeil lon unusen ewe telinimw Jerusalem o asisila won chamwen chokewe mi letipeta o kechü ren ekewe föför mi anioput ra fis lon.

Sekaraia 13:6

Nge ika eman epwe aisini, ‘Met popun a kinas won sökürum?’, iwe, epwe pälüeni, ‘Eman a akinasaei me lon imwen chiechiei.’”

Föför 26:22

Nge tori ikenai Kot a alisiei, iei mine üa ütä ikei o pwärätä mine a let ngeni aramas meinisin, seni ekewe mi kis tori ekewe mi lap. Iwe, mine üa eäni afalafal a wewefengen me mine ekewe soufos me Moses ra afalafala pwe epwe fis,

1. Korint 12:13

Iei usun oukich meinisin, ese lifilifil ika chon Juta ika chon lükün Israel, ika amanau ika aramas mi ngas, kich meinisin sia papatais lon eu chök inis ren eman chök Ngün, kich meinisin sia pwal ün seni eman chök Ngün.

Kalatia 3:28

Esap wor sokofesenin lefilen chon Juta me chon lükün Israel, lefilen amanau me aramas mi ngas, lefilen mwän me fefin, pun ämi meinisin oua eufengen lon Kraist Jesus.

Kalatia 6:17

Iwe, lesopolan ai kei kapas: Esap wor eman epwe chüen aweiresiei, pun ekewe lemon kinas mi nom won inisi ra pwärätä pwe ngang nöün Jesus amanau.

Efisos 6:8

Oupwe chechemeni pwe ach Samol epwe liwini ngeni eman me eman an föför mürina, ese lifilifil ika i eman amanau ika i eman chon ngas.

Tuteronomi 11:18

Iei mine oupwe atolonga ai kei kapas lon lelukemi pwal lon ämi ekiek. Oupwe fötiretä won pöümi pwe eu pisekin achem, oupwe pwal fötiretä won chamwemi.

Tuteronomi 6:8

Kopwe fötiretä won poum pwe eu pisekin achem, kopwe pwal fötiretä won chamwom.

Kolose 3:11

Iwe, pokiten ei, esap chüen wor sokofesenin lefilen chon lükün Israel me chon Juta, chon sirkomsais me chon resap sirkomsais, chon ekis, chon kichiniwel, ekewe amanau me ekewe aramas mi ngas, pun Kraist chök a aüchea seniir meinisin a pwal nom lor meinisin.

2. Timoty 3:8

Usun Jannes me Jampres ra ü ngeni Moses, ina usun ekei aramas ra ü ngeni ewe let, ir aramas mi fokun ngau ar ekiek, ar lükülük esap pwüng.

Pwärätä 11:18

Ekewe chon lükün Israel ra fokun song, pun om lingeringer a war, ewe fansoun ekewe mi mäla repwe küna kapwüng. A war ewe fansoun om kopwe liwiniöchü ngeni noumw kewe chon angang ekewe soufos, me noumw kewe chon pin, pwal chokewe meinisin mi meninituk, ekewe aramas tekia me ekewe aramas kis. A war ewe fansoun om kopwe afeiengaua chokewe mi afeiengaua fanüfan.”

Pwärätä 15:2

Mürin üa küna och mi usun chök eu matauen kilas mi nofitfengen me ekkei. Üa pwal küna chokewe mi akufu ewe manmwacho me uluulun we, ra pwal akufu ewe eman itan a iteit lon nampa. Ra ütä ünükün ewe matauen kilas o ra amwöchü ekewe kitar Kot a ngeniir.

Pwärätä 19:18

Oupwe feito o ochoch fituken ekewe king, fituken ekewe meilapen sounfiu me fituken ekewe sounfiu, fituken ekewe oris me ekewe chon wäniir, fituken ekewe aramas meinisin: fituken ekewe amanau me ekewe chon ngas, fituken ekewe aramas tekia me ekewe aramas kis.”

Pwärätä 19:20

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.

Pwärätä 19:5

Mürin mwelien eman a feito seni ewe lenien motun king, a apasa, “Ousipwe mwareiti ach Kot, ämi chon angang meinisin, ämi aramas meinisin, ämi aramas tekia me aramas kis meinisin mi meniniti Kot!”

Pwärätä 20:12

Iwe, üa küna ekewe mi mäla, ekewe aramas tekia me aramas kis, ra ütä me mwen ewe lenien motun king. Iwe, ekewe puk ra sukula. Mürin pwal eu puk a sukula, iei ewe puken iten chon manau. Iwe, ekewe mi mäla ra küna kapwüng won mine ra föri usun a makketiu lon ekewe puk.

Pwärätä 20:4

Mürin üa küna ekoch lenien motun king, nge chokewe mi mot wor ra angei ewe pöchökül pwe repwe tongeni eäni kapwüng. Üa pwal küna ngünün chokewe mi ninnila pokiten ar arongafeili ewe let Jesus a pwärätä me än Kot kapas. Ir chokewe resap fel ngeni ewe manmwacho ika uluulun we, resap pwal angei asisilen ewe manmwacho won chamwer ika won pöür. Ra manausefäl o eti Jesus le nemenem lon ükükün engeröü ier.

Pwärätä 6:15

Mürin ekewe kingen fanüfan, ekewe sounemenem me meilapen sounfiu, ekewe chon pisekisek me ekewe mi wor maner, pwal ekewe aramas meinisin, ekewe amanau me ekewe mi ngas ra aopeer lon ekewe föüimw pwal fän säpereperen ekewe achau won ekewe chuk.

Pwärätä 7:3

A apasa, “Ousap afeiengaua fanüfan, ewe matau ika ekewe irä, tori aipwe pwauni won chamwen ekewe chon angang ngeni ach we Kot.”