Pwärätä 12:9 - Chuukese Bible

⁹ Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 12:9 Iomraidhean Croise

Keneses 3:1

Iwe, ewe serepenit a tipachemsolä seni ekewe man meinisin Kot ewe Samol mi Lapalap a föriir. Iwe, a aisini ewe fefin, “Ifa usun, Kot a wesewesen apasa pwe ousap fokun mongö seni ekewe irän ei tanipi?”

Keneses 3:13

Mürin, Kot ewe Samol mi Lapalap a aisini ewe fefin, “Pwota ka föri ei sokun?” Nge ewe fefin a pälüeni, “Ewe serepenit a atupuei, iei mine üa mongö.”

1. Kronika 21:1

Iwe, Satan a ü ngeni chon Israel o pesei ngeni Tafit pwe epwe angei iteiten chon Israel.

2. Kronika 18:21

Ewe ngün a pälüeni, ‘Üpwe feila o föri pwe nöün kewe soufos meinisin repwe eäni kapas chofana.’ Iwe, Kot a üreni, ‘En kopwe atupu Ahap, nge om angang epwe fisiöch. Kopwe feila o föri iei usun.’

Kölfel 109:6

Kopwe filätä eman aramasangau epwe ü ngeni ewe chon oputaei, eman chon atipisi epwe atolonga i lon kapwüng.

Aisea 14:12

Ka fokun turutiu seni läng, en Fü Rän, Nöün Mallen Rän! Ka turutiu won fanüfan o tatakis lepwül, en ewe mi atekisonätiu mwü me lom.

Aisea 27:1

Lon ena fansoun ewe Samol mi Lapalap epwe apwüngü Lefiatan ewe serepenit mi süla, epwe apwüngü Lefiatan ewe serepenit mi tö rikirik ren nöün ketilas mi ken me pöchökül me manaman. Iwe, epwe pwal niela ewe trakon a nom leset.

Aisea 65:25

Eman wolif me eman apanen sip repwe mongöfengen, eman laion epwe mongö fetilipwas usun eman kow, nge eman serepenit epwe mongö pwül moromor. Iwe, resap chüen afeiengaua eman ika atala och me won unusen chuki mi pin.” Iei alon ewe Samol mi Lapalap.

Isikiel 28:16

Ren watten om angangen amömö ka uren föförün mwänewüs o turulong lon tipis. Iei popun üa aturuketiu seni won ewe chukun Kot usun eman chon tipis, üa pwal asüükela seni lein ekewe fau mi meriweriw, en kerop chon tümwün.

Mateus 13:39

nge ewe chon oput mi amworafeili ewe pötöwölingau, iei i Tefil. Ewe fansoun kinikinin räs, iei ewe fansoun lesopolan, nge ekewe chon angangen räs, ir ekewe chon läng.

Mateus 24:24

Pun kraist chofona me soufos chofona repwe war o föri asisil me manaman mi lapalap, pwe repwe mwo nge atupu ekewe chon fil are repwe tongeni.

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Mateus 4:1

Iwe, mürin Ngünmifel a emwenala Jesus lon ewe fanüapö pwe epwe küna sosot me ren Tefil.

Mateus 4:10

Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Mateus 4:5

Mürin ewe Tefil a panala Jesus Jerusalem, ewe telinimw mi pin o aütai won ungen ewe imwenfel.

Mateus 4:8

Mürin ewe Tefil a pwal panatä Jesus won eu chuk mi fokun tekia o aküna ngeni mwün fanüfan meinisin me linger.

Lukas 10:18

Nge Jesus a pölüeniir, “Üa küna Satan pwe a turutiu seni läng usun chök fifi.

Lukas 13:16

Nge ikei a nom eman fefin, i mwirimwirin Apraham, Satan a föti lon ükükün engol me walu ier. Ifa usun, esap pwüng ngeni an epwe küna ngas lon ränin sapat?”

Lukas 22:3

Mürin Satan a tolong lon Jutas a iteni Iskariot, i eman lein ekewe engol me ruoman chon kaiö.

Lukas 22:31

“Simon, Simon, nengeni, Satan a angei an mwümwütä pwe epwe sotunikemi, epwe mworeikemi usun aramas ra mworei föün wiich, pwe pöör epwe imwü seni föün.

Lukas 8:12

Ekewe pwükil mi mworotiu lepekin al ra wewe ngeni chokewe mi rong kapasen Kot, nge Satan a feito o angei ewe kapas seni lon leluker, pwe resap lükü o eäni manau.

Johannes 12:31

Iei ewe fansoun pwe fanüfan epwe küna kapwüng, iei ewe fansoun ewe samolun ei fanüfan epwe koturula.

Johannes 14:30

Üsap chüen kapas chomong ngenikemi, pun ewe samolun ei fanüfan epwele war. Esap wor an nemenem woi.

Johannes 16:11

Epwe pwal amefi ngeniir usun apwüng, pun ewe samolun ei fanüfan a fen küna apwüng.

Johannes 8:44

Ämi nöün sememi, ewe Tefil, ämi oua chök mochen apwönüetä mochenin sememi. I eman chon niela aramas seni lepoputän, esap fokun nom won pekin let, pun esap wor let ren. Lupwen a kapas chofona, a chök fos lon örünian, pun i eman chon chofona me semen chon chofona.

Föför 26:18

Kopwe aneloi meser, pwe repwe kul seni rochopwak o kul ngeni saram, repwe towu seni fän nemenien Satan o tolong fän nemenien Kot, nge ren ar lüküei repwe küna amusamusen ar tipis kana o angei lenier ren chokewe mi pin.’

Föför 5:3

Mürin Petrus a üreni, “Ananias, pwota ka mwüt ngeni Satan pwe epwe nemeni letipom, pwe ka chofona ngeni Ngünmifel ren om aopala och seni ewe moni ka angei fän iten fanüom we?

Nöün Paulus Toropwe ngeni ekewe Souläng lon Rom 16:18

Pun chokewe mi föri ei sokun föför resap angang ngeni Kraist ach Samol, nge ra angang ngeni püsin inisir. Ren ar kapas motoutou me kapas amichimich ra atupu ekewe aramas mi miritimang.

Nöün Paulus Toropwe ngeni ekewe Souläng lon Rom 16:20

Iwe, Kot, i popun ach kinamwe, epwe müttir apachacha Satan fän pechemi. Ümöümöchün ach Samol Jesus epwe nonom remi.

2. Korint 11:14

Sisap mairü ren ei sokun föför, pun Satan a püsin siwili lapalapan usun itä nge i eman chon längin saram!

2. Korint 11:3

Nge ngang üa niuokus pwe usun ewe serepenit a atupu Efa ren an tipachemsolä, iei usun ämi ekiek epwe tokola seni ämi enletin echeni Kraist fän allükülük.

2. Korint 12:7

Pwe üsap fokun lamalamtekia ren chomongun ekewe mettoch mi amwarar üa küna lon künaei we, Kot a ngeniei eu samau üa fokun metek ren usun itä nge eman nöün Satan chon künö a wichiei, pwe üsap lamalamtekia.

2. Korint 2:11

Üa föri ei, pwe esap wor än Satan nemenem woch, pun sia silei an ekiek.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

Efisos 4:14

Mürin sisap chüen sokuni sokun semirit, sisap chüen chüwölüwölfeil ren no kana o mamaanfeil ren enienin asepwälin än chon likatuputup afalafal, ir ätekewe mi emweningaua ekoch aramas ren ar tunochofona.

2. Tesalonika 2:3

Ousap mwüt ngeni eman epwe atupukemi lon sokopaten angangen atuputup. Pun ewe Rän esap wareto mwen an epwe fis pwe aramas repwe üfengen me Kot o ewe Aramas mi Tipis epwe pwäto, i ewe epwe kiteterila lon ewe hell.

1. Timoty 2:14

Iwe, esap Atam a tupula, nge ewe fefin a tupula o atai än Kot allük.

2. Timoty 3:13

Nge ekewe aramasangau me soulängatuputup repwe chök fokun ngauala, ra atupu aramas o püsin küna atuputup.

Ipru 2:14

Pokiten ekei nau, ir aramas seni fituk me cha, püsin Jesus a wiliti aramas usun ir o sokuni sokur. A föri ei, pwe ren an mäla epwe atala manamanen Tefil a eäni nemenem won mäla.

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

1. Johannes 5:19

Sia silei pwe kich sia nöün Kot, inamwo ika unusen fanüfan a nom fän nemenien Ewe mi Ngau.

Jutas 1:9

Sap mwo nge ewe meilapen chon läng Mikael a föri ei sokun. Lupwen a aninifengen me ewe Tefil ika iö leir epwe nemeni somän Moses, Mikael esap mochen apwüngü Tefil ren kapasen aitengau, nge a apasa, “Ewe Samol epwe apwünguk!”

Pwärätä 12:12

Iei mine, en läng kopwe fokun pwapwa, pwal meinisin mi nonom lon läng. Nge feiengau ngeni fanüfan me matau, pun Satan a feitiu remi o a fokun lingeringer pokiten an silei pwe a mochomoch chök an fansoun.”

Pwärätä 12:3

Pwal eu asisil a pwä me lon läng. A wor eman trakon mi watte o parapar, a wor fisu möküran me engol mächän, nge a wor epa mwärämwär won eu me eu möküran kewe.

Pwärätä 12:7

Mürin a fis maun lon läng. Mikael me nöün kewe chon läng ra fiu ngeni ewe trakon, nge ewe trakon me nöün kewe chon läng ra pwal fiu ngeniir.

Pwärätä 12:8

Iwe, ewe trakon a kuf, nge i me nöün kewe chon läng resap chüen mwümwütä ar repwe nonom lon läng.

Pwärätä 13:14

Ren ekei manaman a mwümwütä ngeni pwe epwe föri mwen mesen ewe aemanün manmwacho, a atupu ekewe aramas meinisin mi nom won fanüfan. Ewe manmwacho a üreni ekewe aramas, pwe repwe aüetä eu uluulun fän iten ewe manmwacho, ewe a fen kinas ren ewe ketilas, nge a chüen manau.

Pwärätä 16:14

Ir anün rochopwak mi föri manaman. Ekei ülüman ngün ra feila ren ekewe kingen unusen fanüfan ar repwe achufengeniir, pwe repwe maun lon ewe rän mi lap än Kot ewe mi Unusen Manaman.

Pwärätä 18:2

A kökkö ren mwelian mi leüömong, “A tala, a tala Papilon mi lapalap. Iei a wiliti eu lenien anün rochopwak me ngün mi limengau. Sokopaten machang mi limengau me anioput ra nonom lon.

Pwärätä 18:23

Esap chüen wor eman epwe küna tinen eu lamp lon en, esap pwal chüen wor eman epwe rongorong möngüngün ekewe mwän apwüpwülü söfö me fin apwüpwülü söfö me lon en. Noumw kewe chon amömö a wor ar pöchökül won unusen fanüfan, nge ren om angangen rong ka atupu aramasen fanüfan meinisin!”

Pwärätä 19:20

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.

Pwärätä 2:13

Üa silei ia ka nom ie, lon ewe leni ia än Satan lenien motun king a pwal nom ie. Ka allükülük ngeniei o kosap likitala om lüküei, inamwo ika lon ewe fansoun Antipas, nei chon pwärätä mi allükülük, a ninnila lon ewe leni ia Satan a nom ie.

Pwärätä 2:24

Nge ekewe ekoch me leimi lon Tiatira ousap aleasochisi ei sokun kait mi ngau, ämi ousap kaiö met ekewe ekoch ra aita ngeni ‘alololun monomonen ekiekin Satan’, üpwe ürenikemi pwe üsap anomu womi och chou.

Pwärätä 2:9

Üa silei om kewe riaföü. Üa silei pwe ka wöüngau, nge ka wesewesen pisekisek. Üa pwal silei pwe ka küna turunufas me ren chokewe mi apasa pwe ir chon Juta, nge sap ir chon Juta, pwe ir eu mwich än Satan.

Pwärätä 20:10

Mürin ewe Tefil mi atupur a koturulong lon ewe nomun ekkei me primston ia ewe manmwacho me ewe soufos chofona ra fen koturula ie. Iwe, repwe küna riaföü lerän me lepwin tori feilfeilachök.

Pwärätä 20:8

Epwe feila pwe epwe atupu chon ekewe mwü won unusen fanüfan, ekei mwü Kok me Makok. Satan epwe achufengeniir meinisin pwe repwe maun, iteiter meinisin ra usun iteiten föün pien aroset.

Pwärätä 3:9

Nengeni, chokewe seni ewe mwich än Satan, ir mi apasa pwe ir chon Juta, nge sap ir chon Juta, pwe ra chofona, üpwe föri pwe repwe feito o chapetiu arun pecheöm. Ir meinisin repwe mefi pwe ngang üa echenuk.

Pwärätä 9:1

Mürin ewe alimanün chon läng a ettiki nöün rappwa. Iwe, üa küna eföü fü a turutiu won fanüfan o a angei kien ewe pwang mi alolol lon fanüfan.

Pwärätä 9:20

Iwe, ekewe lusun aramas resap mäla ren ekei feiengau resap aier seni mine ra föri ren pöür. Resap ükütiu le fel ngeni ekewe anün rochopwak me ekewe uluulun anümwäl mi för seni kolt, silifer, piras, fau me mwüch, ir ekewe uluulun anümwäl resap tongeni küna ika rongorong ika fetal.