Pwärätä 12:7 - Chuukese Bible

⁷ Mürin a fis maun lon läng. Mikael me nöün kewe chon läng ra fiu ngeni ewe trakon, nge ewe trakon me nöün kewe chon läng ra pwal fiu ngeniir.

Pwärätä 12:7 Iomraidhean Croise

Kölfel 78:49

Ren an song mi fokun watte ngeniir, ren an lingeringer me an koput a esen ngeniir pwe repwe tolong lon riaföü. Ei a usun chök eu mwichen chon läng mi feito o afeiengaueer.

Aisea 34:5

Iwe, ewe Samol mi Lapalap a amolätä nöün ketilas lon läng. Nengeni, iei epwe feitiu won Etom pwe epwe apwüngü ekewe aramas, a fen apwüngala pwe epwe afeiengaueer.

Aisea 55:4

Nengeni, üa awisa pwe epwe souemwen me samolun mwü kana, epwe pwärätä ngeni aramasen fanüfan ai manaman.

Taniel 10:13

Iwe, ewe anüsorun ewe mwün Persia a apetiei lon ükükün rüe me eu rän. Nge Mikael, eman lein ekewe samolun chon läng, a feito o alisiei, pun üa aleeman ikenan ren ewe anüsorun mwün Persia.

Taniel 10:21

Esap wor eman epwe alisiei le fiu ngeniir pwe Mikael chök, ewe samolun chon läng mi wisen tümwünü chon Israel.

Taniel 12:1

Iwe, ewe chon läng a pwal üra, “Lon ewe fansoun Mikael ewe samolun chon läng kana, ewe chon peni aramasom, epwe war. Epwe wor eu fansoun riaföü esamwo fis seni me lom, lupwen mwü rekärän poputä tori ei fansoun. Nge lupwen epwe tori ei fansoun, aramasom meinisin mi mak iter lon nöün Kot we puk repwe küna manau.

Mateus 13:41

Ewe Nöün Aramas epwe tinala nöün kewe chon läng pwe repwe amwichafengeni seni lon Mwün chokewe meinisin mi emweni aramas ngeni tipis, pwal chokewe meinisin mi föri ekewe föför mi ngau.

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Mateus 24:31

Iwe, epwe tinala nöün kewe chon läng fän tikin rappwa mi leüömong, pwe repwe amwichafengeni afilian kana seni lepelien fanüfan me rüanü, seni esopun läng tori esopun.

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Mateus 26:53

Ousap silei, pwe ngang üa tongeni tüngor ngeni Semei pwe epwe alisiei ren an epwe müttir tinato rei lap seni engol me ruu mwicheichen chon läng?

2. Korint 12:7

Pwe üsap fokun lamalamtekia ren chomongun ekewe mettoch mi amwarar üa küna lon künaei we, Kot a ngeniei eu samau üa fokun metek ren usun itä nge eman nöün Satan chon künö a wichiei, pwe üsap lamalamtekia.

Efisos 6:12

Pun sisap maun ngeni fituk me cha, nge sia maun ngeni ekewe anün rochopwak mi nom fän läng, ngeni ekewe anüsamol, ngeni ekewe anüsor, pwal ngeni ekewe ngününgau mi nemeni aramas lon ei fanüfan mi rochopwak.

2. Tesalonika 1:7

epwe pwal angasakemi ämi mi riaföü, epwe pwal angasakem. Ei epwe fis lupwen ach Samol epwe feito seni läng fiti nöün kewe chon läng mi pöchökül,

Ipru 2:10

A fokun pwüng pwe Kot, ewe mi föri o tümwünü mettoch meinisin, a föri pwe Jesus epwe unusöch ren an riaföü fän iten an epwe emwenato chomong nöün, pwe repwe eti i lon an ling. Pun Jesus ewe mi emweniir ngeni ar repwe küna manau.

2. Petrus 2:4

Pun Kot esap achika ekewe chon läng mi tipis, nge a atururelong lon hell, ewe ia ra fötek ie lon rochokichin rochopwak o witiwiti ewe Ränin Kapwüng.

Jutas 1:9

Sap mwo nge ewe meilapen chon läng Mikael a föri ei sokun. Lupwen a aninifengen me ewe Tefil ika iö leir epwe nemeni somän Moses, Mikael esap mochen apwüngü Tefil ren kapasen aitengau, nge a apasa, “Ewe Samol epwe apwünguk!”

Pwärätä 12:8

Iwe, ewe trakon a kuf, nge i me nöün kewe chon läng resap chüen mwümwütä ar repwe nonom lon läng.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 13:7

A mwümwü ngeni an epwe fiu ngeni ekewe chon pin o akufuur, a pwal angei an nemenem won ekewe ainang me mwü me kapas me mwich meinisin.

Pwärätä 20:2

Iwe, a turufi ewe trakon, ewe serepenitin lom, iei i ewe Tefil ika Satan, a föti pwe epwe föfö lon ükükün engeröü ier.