Pwärätä 12:5 - Chuukese Bible

⁵ Mürin ewe fefin a nöünätiu eman ät, i ätewe epwe nemeni mwü meinisin ren efoch wokomächä. Nge eman a angeatä ewe mönükol ren Kot, ewe mi mot won an we lenien motun king.

Pwärätä 12:5 Iomraidhean Croise

Aisea 66:7

“Sion a wewe ngeni eman fefin a nöünöüla, nge esamwo tori an cheuchen fam. A nöüni eman ät mwen esamwo tori an metekin nöünöü.

Aisea 7:14

Iei mine ewe Samol mi Lapalap epwe püsin ngenikemi eu asisil. Nengeni, eman föpwül epwe pwopwo o nöüni eman ät, nge epwe aita ngeni Emanuel .

Jeremaia 31:22

Ifa ükükün fansoun om kopwe rikirikfetal, en Israel kosap allükülük? Ngang ewe Samol mi Lapalap üa afisätä och mettoch mi fö o sokola won fanüfan: Israel epwe fitipacheiti Kot.”

Mika 5:3

Iei mine Israel epwe sechila tori ewe fansoun neminewe mi cheuchen fam a nöünöüla. Mürin pwin kewe lusun mi oola repwe liwinsefälito o chu ngeni ekewe chon Israel.

Mateus 1:25

Nge Josef esap kon ren Maria tori a nöünätiu nöün we ät. Iwe, Josef a aita ngeni ewe ät Jesus.

Markus 16:19

Mürin än Jesus fos ngeni nöün kewe chon kaiö a feitä läng o mottiu lepelifichin Kot.

2. Korint 12:2

Ngang üa silei eman aramas lon Kraist, engol me rüanü ier a la a feitä o tori ewe aülüngatin sässärin läng. Üsap silei ika a nom ikenan lon inisin ika lon ngünün, Kot chök a silei.

2. Korint 12:4

Ikenan a rongorong sokun kapas esap wor eman a tongeni apasatä, esap mwümwü ngeni eman an epwe kapas usun.

Pwärätä 11:12

Mürin ekewe ruoman soufos ra rongorong eu möngüngü mi leüömong a kapas ngeniir seni läng, “Oupwe feitä ikei!” Lupwen ekewe chon oputer ra nenengeniir, ra feita läng lon eu kuchu.

Pwärätä 12:13

Lupwen ewe trakon a küna pwe a turutiu won fanüfan, a tapweri ewe fefin mi nöünätiu ewe ät.

Pwärätä 12:2

Neminei a pwopwo o a arap ngeni an epwe nöünöü. A pupuchör ren an metek pwe epwe nöünöüla.

Pwärätä 19:15

Seni lon awan a itiwu efoch ketilas mi ken, pwe epwe nöünöü le akufu chon ekewe mwü. Epwe nemeniir ren efoch wokomächä, epwe puri ekewe uän wain lon ewe lenien üchüch, wewen ei, än Kot, ewe mi Unusen Manaman, lingeringer mi fokun afeiengau.