Pwärätä 12:4 - Chuukese Bible

⁴ Ren wükün we a amwökütü eu leülüngatin ekewe fü seni lon läng o atururetiu won fanüfan. Iwe, ewe trakon a üta me mwen ewe fefin, pwe epwe ochei nöün we lon ewe chök otun a nöünätiu.

Pwärätä 12:4 Iomraidhean Croise

Ekistos 1:16

“Lupwen oua afamwa ekewe fin Ipru, oupwe nengeniöchü nöür. Pun ika eman ät, oupwe ni, nge ika eman nengin, oupwe amanaua.”

Aisea 27:1

Lon ena fansoun ewe Samol mi Lapalap epwe apwüngü Lefiatan ewe serepenit mi süla, epwe apwüngü Lefiatan ewe serepenit mi tö rikirik ren nöün ketilas mi ken me pöchökül me manaman. Iwe, epwe pwal niela ewe trakon a nom leset.

Johannes 8:44

Ämi nöün sememi, ewe Tefil, ämi oua chök mochen apwönüetä mochenin sememi. I eman chon niela aramas seni lepoputän, esap fokun nom won pekin let, pun esap wor let ren. Lupwen a kapas chofona, a chök fos lon örünian, pun i eman chon chofona me semen chon chofona.

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

Pwärätä 12:7

Mürin a fis maun lon läng. Mikael me nöün kewe chon läng ra fiu ngeni ewe trakon, nge ewe trakon me nöün kewe chon läng ra pwal fiu ngeniir.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 13:2

Ewe manmwacho a usun chök eman lepart, pechen ra usun pechen eman pear, nge awan a usun chök awen eman laion. Ewe trakon a ngeni ewe manmwacho an manaman, an lenien motun king me an we watten nemenem.

Pwärätä 13:4

Iwe, aramas meinisin ra fel ngeni ewe trakon pokiten a ngeni ewe manmwacho an nemenem. Ra pwal fel ngeni ewe manmwacho o ra apasa, “Iö a wewe ngeni ewe manmwacho? Iö a tongeni fiu ngeni?”

Pwärätä 16:13

Mürin üa küna ülüman ngün mi limengau ra wewe ngeni kairü. Ekei ngün ra towu seni lon awen ewe trakon, seni lon awen ewe manmwacho, pwal seni lon awen ewe soufos chofona.

Pwärätä 17:18

Ewe fefin ka küna, iei ewe telinimw mi lapalap a nemenem won ekewe kingen fanüfan.”

Pwärätä 20:2

Iwe, a turufi ewe trakon, ewe serepenitin lom, iei i ewe Tefil ika Satan, a föti pwe epwe föfö lon ükükün engeröü ier.

Pwärätä 8:10

Mürin ewe aülümanün chon läng a ettiki nöün rappwa. Iwe, eföü fü mi watte a ngetenget usun efoch töl a turutiu seni läng o turutiu won eu leülüngatin ekewe chanpupu me ekewe puächen koluk.

Pwärätä 8:11

Iten ewe fü “Maras”. Iwe, eu leülüngatin ekewe koluk ra maras, nge chomong aramas ra mäla ren ar ün ewe koluk, pun a maras.

Pwärätä 8:12

Mürin ewe afömanün chon läng a ettiki nöün rappwa. Iwe, eu leülüngatin ewe akkar a rochola, pwal eu leülüngatin ewe maram me eu leülüngatin ekewe fü, pwe eu leülüngatir resap chüen saram. Lerän esap wor saram lon ükükün rüanü awa, lepwin esap pwal wor saram lon ükükün rüanü awa.

Pwärätä 8:7

Iwe, lupwen ewe aemanün a ettiki nöün rappwa, üten fau me ekkei mi nofitfengen me cha ra turutiu won fanüfan. Eu leülüngatin fanüfan a karala, pwal eu leülüngatin irä me ekewe fetil meinisin.

Pwärätä 8:8

Mürin ewe aruomanün chon läng a ettiki nöün rappwa. Iwe, och mi wewe ngeni eu chuk mi watte mi ngetenget ren ekkei a turutiu le matau. Iwe, eu leülüngatin ewe matau a wiliti cha,

Pwärätä 8:9

o eu leülüngatin mönümanau mi nom leset ra mäla, pwal eu leülüngatin ekewe sip ra karala.

Pwärätä 9:10

A wor wüküür me fölüür usun chök ekewe inenmönükam, o ren wüküür a wor manaman lon, pwe repwe tongeni afeiengaua aramas lon ükükün limu maram.

Pwärätä 9:19

Iwe, manamanen ekewe oris a nom lon awer pwal lon wüküür kewe, pun wüküür kewe ra wewe ngeni serepenit mi wor mökürer ra aea le afeiengaua aramas.