Pwärätä 12:2 - Chuukese Bible

² Neminei a pwopwo o a arap ngeni an epwe nöünöü. A pupuchör ren an metek pwe epwe nöünöüla.

Pwärätä 12:2 Iomraidhean Croise

Aisea 26:17

Usun eman fefin mi pwopwo a tori an cheuchen fam o kechü, iei usun aia kechü fän mesom, äm Samol mi Lapalap.

Aisea 53:11

Iwe, wesin an riaföü lon manauan epwe eäni ewe saramen manau o pwapwa ren. Nge ren an silei Kot nei chon angang mi pwüng epwe afisätä än chomong aramas pwüng, epwe pwal uwei ar tipis.

Aisea 54:1

Iei alon ewe Samol mi Lapalap, “Kopwe köl, Jerusalem en mi wewe ngeni eman fefin mi rit. Kopwe chietä kölün pwapwa o leüömong le kökkö, en esap toruk cheuchen fam. Pun en ewe mi aleman epwe chomong noum lap seni nöün ewe mi pwüpwülü.

Aisea 66:6

Oupwe aüseling! Mi wor akürang me lon ewe telinimw, pwal miiniinin mwelien eman seni lon ewe imwenfel. Iei mwelien ewe Samol mi lapalap a ngeni chon oputa liwinin ar föföringau.

Mika 4:9

Pwota ka leüömong le puchör? Ifa usun, esap wor eman king a nom reöm? Ifa usun, ra mäla noum kewe chon öüröür, iei popun cheuch a cheruk usun cheuchen fam a cheri eman fefin?

Mika 5:3

Iei mine Israel epwe sechila tori ewe fansoun neminewe mi cheuchen fam a nöünöüla. Mürin pwin kewe lusun mi oola repwe liwinsefälito o chu ngeni ekewe chon Israel.

Mateus 24:8

Ekei riaföü meinisin ra usun chök ekewe metek eman fefin a eäni me mwen an epwe nöünöüla.

Johannes 16:21

Lupwen eman fefin a arap ngeni fansoun an epwe nöünöü, a metek. Nge lupwen a wes me nöünätiu nöün we, a manlükala an we metek mi weires, pun a pwapwa pwe eman mönükol a uputiu won fanüfan.

Kalatia 4:19

Ämi nei kana mi achengicheng! Üa usun chök eman fefin lon fansoun an nöünöü. Üa mefi ei sokun metek fänäsengesimi tori manauen Kraist epwe fis lomi.

Kalatia 4:27

Pun a mak lon ekewe Toropwe mi Pin, “Kopwe pwapwa en fefin mi rit! Kopwe kökkö fän leüömong o mweireir fän pwapwa, en neminewe esap toruk cheuchen fam! Pun ewe fefin mi aleman epwe wor chomong nöün, lap seni ewe fefin mi wor pwülüan.”

Pwärätä 12:4

Ren wükün we a amwökütü eu leülüngatin ekewe fü seni lon läng o atururetiu won fanüfan. Iwe, ewe trakon a üta me mwen ewe fefin, pwe epwe ochei nöün we lon ewe chök otun a nöünätiu.