Pwärätä 12:12 - Chuukese Bible

¹² Iei mine, en läng kopwe fokun pwapwa, pwal meinisin mi nonom lon läng. Nge feiengau ngeni fanüfan me matau, pun Satan a feitiu remi o a fokun lingeringer pokiten an silei pwe a mochomoch chök an fansoun.”

Pwärätä 12:12 Iomraidhean Croise

Aisea 44:23

Oupwe köl fän pwapwa, ämi läng, pun ewe Samol mi Lapalap a föri ei. Oupwe leüömong le köl, ämi alololun fanüfan. Oupwe chietä köl, ämi chuk kana, pwal ämi kewe irä meinisin mi mär lein wöllap. Pun ewe Samol mi Lapalap a pwärätä an ling ren an angasa nöün aramasen Israel.

Aisea 49:13

Oupwe köl fän pwapwa, ämi läng, kopwe mwänek, en fanüfan, oupwe chietä köl, ämi chuk kana. Pun ewe Samol mi Lapalap epwe echipa nöün aramas o tongei nöün kewe mi riaföü.

Lukas 15:10

Ngang üpwe ürenikemi, ina chök usun nöün Kot kewe chon läng repwe fokun pwapwa fän iten eman chon tipis mi aier.”

Lukas 2:14

“Kot epwe ling lon läng, epwe wor kinamwe won fanüfan ngeni aramas, chokewe Kot a pwapwa rer.”

Ipru 10:37

Pun a mak lon ekewe Toropwe mi Pin, “Ekis chök fansoun mürin ätewe epwe feito epwe war, esap mang.

2. Petrus 3:8

Ämi chiechiei mi achengicheng, ousap manlükala ei mettoch! Esap wor sokofesenin eu rän me engeröü ier me ren ewe Samol, eu rän me engeröü ier ra wewefengen me ren.

Pwärätä 10:6

o a pwon ren an öpölü iten Kot ewe mi manau tori feilfeilachök, ewe mi föri läng me fanüfan me matau pwal meinisin mine a nom lor. Iwe, ewe chon läng a apasa, “Esap chüen wor fansoun witiwit.

Pwärätä 11:10

Iwe, ekewe aramasen fanüfan repwe fokun pwapwa pokiten ekei ruoman soufos ra mäla. Repwe föri apwapwan mine a fis o lifangfengen lefiler, pun ekei ruoman ra atoto watten riaföü won chon fanüfan.

Pwärätä 11:14

Ewe aruen feiengau a wes, nge ewe aülüngatin epwe müttir feito.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 13:6

A popuetä le turunufasei Kot, itan me ewe leni ia a nom ie, pwal chokewe meinisin mi nom lon läng.

Pwärätä 18:20

En läng, kopwe fokun pwapwa pokiten ewe telinimw a tala. Oupwe fokun pwapwa ämi kewe chon pin, ämi kewe soukünö me ämi kewe soufos! Pun Kot a apwüngü ewe telinimw ren met a föri ngenikemi.

Pwärätä 8:13

Mürin üa nenengeni o rongorong möngüngün eman ikel mi äkkäs tekiatä fän läng o a kökkö fän leüömong, “Feiengau, feiengau, feiengau ngeni chokewe meinisin mi nom won fanüfan lupwen ekewe ülüman chon läng repwe pwal ettiki en me nöün rappwa.”

Pwärätä 9:12

A wes ewe aeuin feiengau, nengeni, a chüen wor ruu feiengau repwe war.