Pwärätä 12:10 - Chuukese Bible

¹⁰ Mürin üa rongorong eu möngüngü mi leüömong lon läng a apasa, “Iei a fis än Kot amanaua aramas! Iei Kot a pwärätä an tufich le nemenem. Iei nöün we Messaia a pwärätä an nemenem! Pun ewe chon atipisi pwiich kewe lerän me lepwin mwen mesen Kot a koturutiu seni läng.

Pwärätä 12:10 Iomraidhean Croise

1. Kronika 29:11

Ai Samol mi Lapalap, en ewe mi tekia me manaman me ling me pwora me iteföüla. Pun meinisin mine a nom lon läng pwal won fanüfan om. Ai Samol mi Lapalap, om chök ewe mwü, en ka tekia o nemeni meinisin.

Hiop 1:11

Nge kopwe aitiela poum o atapa meinisin mine a eäni, mürin epwe fokun amamäsinuk.”

Hiop 1:9

Mürin, Satan a pälüeni ewe Samol mi Lapalap, “Ifa usun, Hiop epwe niuokusituk ika esap wor an feiöch?

Hiop 2:5

Nge iei kopwe aitiela poum o atapa chün me fitukan, mürin epwe fokun amamäsinuk.”

Kölfel 22:28

Pun ewe Samol mi Lapalap i king, i a nemeni ekewe mwü.

Kölfel 45:6

Om lenien motun king a usun chök än Kot lenien mot, a nom tori feilfeilachök. Ka nemeni noum kewe aramas fän pwüng.

Taniel 2:44

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.

Mateus 26:64

Jesus a pölüeni, “Ewer, usun om apasa. Nge üpwe ürenikemi meinisin: Seni ei fansoun oupwe küna Nöün Aramas a mot lepelifichin Ewe mi unusen Manaman, epwe war won kuchun läng.”

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Mateus 6:10

Mwum epwe war, letipom epwe fis won fanüfan usun chök lon läng.

Lukas 11:2

Iwe, Jesus a üreniir, “Lupwen oupwe iotek, iei usun mine oupwe apasa, ‘Semem, itom epwe pin, Mwum epwe war.

Lukas 22:31

“Simon, Simon, nengeni, Satan a angei an mwümwütä pwe epwe sotunikemi, epwe mworeikemi usun aramas ra mworei föün wiich, pwe pöör epwe imwü seni föün.

1. Korint 5:4

Lupwen oua mwichfengen fän iten ach Samol Jesus, ngang üa nom remi lon ngüni. Ren manamanen ach Samol Jesus mi nom remi,

2. Korint 12:9

Nge a pölüeniei, “Ai ümöümöch a naf ngonuk, pun ai manaman a fokun unusöchüla lon om apwangapwang.” Iei mine üa fokun pwapwa lon ai aingaing won ai apwangapwang, pwe ewe manamanen Kraist epwe tümwünüei.

Titus 2:3

Ina chök usun om kopwe aiti ngeni ekewe chinlap fefin ar repwe usun ekewe fefin mi manaueni eu manau mi pin. Resap luapas, resap riri ngeni ükün wain. Repwe fokun asukula mine a mürina

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 2:26

Iö mi pwora ngeni mine a ngau o sopwela le föri letipei tori lesopolan, üpwe ngeni nemenem won ekewe mwü,

Pwärätä 7:10

Iwe, ra kökkö ren mwelier mi leüömong, “Sia küna manau me ren ach we Kot, ewe mi mot won ewe lenien motun king, pwal me ren ewe Lam.”